Frjáls verslun - 01.07.2009, Qupperneq 98

98 F R J Á L S V E R S L U N • 7 . T B L . 2 0 0 9
Ég kom til starfa hjá Seðlabankanum í nóvember 2008 til þess að vinna við erlenda greiðslumiðlun sem Seðla-
bankinn þurfti að taka yfir eftir fall viðskipta-
bankanna. Þetta var yfirgripsmikið verk-
efni enda fóru gjaldeyrisfærslur hjá Seðla
bankanum frá um það bil 200 á mánuði yfir
í næstum 24.000 á mánuði eftir hrunið.
Álagið á starfsfólk Seðlabankans var því
gríðarlegt og mikil vinna fór í að koma
upp þeim verkferlum sem nauðsynlegt var
til að allt gengi snurðulaust fyrir sig. En
sem betur fer starfar frábært starfsfólk hér í
Seðlabankanum, svo þetta tókst með mikilli
vinnu. Þegar mótmælin voru í vetur fyrir utan
Seðlabankann var aðalvinnuaðstaða þeirra sem
voru í greiðslumiðluninni örfáum metrum
frá. Stærsta fundarherbergið í bankanum var
notað og þarna sat hópur starfsmanna með
eyrnatappa og heyrnartól og reyndi eftir bestu
getu með bros á vör að koma greiðslum
áleiðis. Allt skyldi komast á sinn stað, ég
hef sjaldan upplifað eins mikla vinnusemi og
starfsánægju.“
Kristínu var boðin staða aðalbókara hjá
Seðlabankanum og tók hún við því starfi
1. september. „Starfið sem aðalbókari felst
aðallega í daglegum rekstri deildarinnar
sem ber ábyrgð á bókhaldi, bakvinnslu og
fjárhagsupplýsingum bankans. Ég mun áfram
vera í ýmsum sérverkefnum sem skapast
hafa vegna efnahagshrunsins og tel ég það
forréttindi að fá tækifæri til þess að leggja mitt
af mörkum í þessum málum.“
Kristín er uppalin í Bandaríkjunum en
þegar kom að því að fara í framhaldsnám
heillaði Danmörk. „Maðurinn minn á ættir
að rekja til Danmerkur og árin þar voru
mjög skemmtileg. Fyrir utan að eignast góða
vini öðlaðist ég tungumálakunnáttu sem er
mikilvægt þegar kemur að samskiptum við
Norðurlöndin. Börnin höfðu líka gott af þessu
enda sjá þau heiminn í öðru ljósi eftir að hafa
búið erlendis.“
Kristín er með M.Sc. gráðu í fjármálahag-
fræði frá Copenhagen Business School og
M.Sc. gráðu í endurskoðun frá Álaborgarhá-
skóla. „Ég hef alltaf haft gaman af námi en það
þarf þá líka að vera praktískt til þess að það geti
fangað athygli mína. Að vissu leyti eiga þessi
tvö svið vel saman. Ég hef stundum sagt að
hagfræðingunum veitti ekki af smá bókhalds-
þekkingu og að endurskoðendum veitti ekki af
kúrs í hagfræði.“
Þegar kemur að áhugamálum er fjöl-
skyldan ofarlega í huga. „Með fjögur börn
er af nógu að taka á heimilinu. Við notum
mikinn tíma með börnunum en ég hef líka
verið aðeins að prófa mig áfram í ljósmyndun
og myndlist. Allt sem viðkemur matargerð
hefur ávallt heillað mig og þegar ég er heima
eyði ég mestum tíma í eldhúsinu umvafin
fjölskyldunni. Maðurinn minn, Kári Krist-
insson, er hagfræðingur og lektor við við-
skiptadeild Háskóla Íslands, svo umræðurnar
á heimilinu snúast ansi oft um efnahagsmál
og pólitík. Við höfum líka gaman af því að
ferðast, bæði með börnunum og svo bara
við tvö hjónin saman. Síðasta fríið hjá okkur
fjölskyldunni var í ágúst til Spánar þar sem
tengdaforeldrar mínir lánuðu okkur hús. Þar
dvöldum við í tvær vikur í miklum hita og
nutum þess að slaka á og hlaða batteríin eftir
erilsaman vetur. Næsta frí verður eflaust afs-
löppunarhelgi hjá okkur hjónunum þar sem
við höfum mikla gleði af því að skreppa burt
yfir helgi og upplifa nýjar borgir.“
nafn: kristín Hannesdóttir.
fæðingarstaður: reykjavík,
6. júlí 1978.
foreldrar: Hannes Hafsteinsson
og soffía Jóhannsdóttir.
maki: kári kristinsson.
Börn: Jakob ingi, 14 ára,
melkorka maría, 12 ára, victor
kári, 5 ára og kristófer tómas,
4 ára.
menntun: B.sc. gráða í
viðskiptafræði frá HÍ, m.sc.
gráða í fjármálahagfræði frá
Copenhagen Business school,
m.sc. gráða í endurskoðun frá
Álaborgarháskóla.
Kristín Hannesdóttir:
„Með fjögur börn er af
nógu að taka á heimi-
linu. Við notum mikinn
tíma með börnunum
en ég hef líka verið
aðeins að prófa mig
áfram í ljósmyndun og
myndlist.“
aðalbókari seðlabanka Íslands
KRISTÍN HANNESDÓTTIR
Fólk
Stílhreint
vinnuumhverfi
Verið velkomin í sýningarsal okkar í Hallarmúla 4 og Hafnarstræti 93 á Akureyri.
Fáðu nánari upplýsingar og ráðgjöf í síma 540 2000 eða sendu fyrirspurn á netfangið husgogn@penninn.is
Fansa húsgagnalínan fæst í sérsniðnum lausnum sem
upp fylla grunnþarfir notandans fullkomlega. Húsgögnin eru
hönnuð af Valdimari Harðarsyni, arkitekt og eru framleidd á
Íslandi. Í Fansa línunni er lögð mikil áhersla á að nýta rýmið
sem best og að einingar í línunni passi saman þannig að
möguleikarnir í uppröðun eru miklir. Það gerir að verkum
að húsgagnalínan hentar fyrir ólík rými, stór og smá.