Tímarit Máls og menningar - 01.05.1958, Side 39

GUÐBERGUR BERGSSON
Tvær tilraunir
i
Tunglskin er hár álfkonunnar.
Fölt er skin yfir svörtu hafi.
Þegar dauðinn ríður hjarn
í líki næturinnar
marka ekki hófar ís.
Tunglskin er hár álfkonunnar
og fölt er andlit mannsins,
fölt eins og skin á hafi.
Ekki mun sá sem rýfur kyrrð,
ekki mun sá sem storkar auðn,
ekki mun sá sem lítur auga nætur,
ekki mun sá sem rýfur frið þjóðar
eiga afturkvæmt í mannheim.
Frostsins augu eru brotin
og vökult er auga djúpsins,
vökult eins og glit stjörnu.
141