Tímarit Máls og menningar - 01.05.1961, Qupperneq 47

GUÐSBARNALJOÐ
Þegar þessi veröld
þessi fagra veröld
reynist grá og grimm
þá er gott að geta
gist hjá Dimmalimm.
4
Svo leikum við okkur við lífið
í ljósi hins sjöunda dags
og Guð verður fullur af gáska
og gljúpur sem vax.
Hann hlær er við hoppum um garðinn
við himinblíð fagnaðaróp
og sólundum ástinni ungu
á allt sem hann skóp.
Og kóngurinn litli hann ljómar
er leiðir hann augum þitt blað:
þar situr hans drottning með silki
og saumar í það.
Hún baldýrar stjörnurnar bláu
sem bruna um þrotlausan geim
og konuna og manninn sem koma
að kvöldlagi heim.
Loks sofnum við þreyttir og sælir
við sönginn frá upprunans lind
og látum það ósagt hvort lífið
er ljóð eða mynd.
125