Tímarit Máls og menningar


Tímarit Máls og menningar - 01.05.1961, Side 48

Tímarit Máls og menningar - 01.05.1961, Side 48
HERMANN HESSE Skáldið FRÁ því er sagt, að kínverska skáldið Han Fook hafi í æsku sinni verið hald- inn undarlegri löngun til að tileinka sér allt og fullkomna sig í öllu, sem að einhverju leyti kom ljóðlistinni við. A meðan hann bjó heima hjá sér við Gula fljótið, hafði hann að eigin ósk og með aðstoð foreldra sinna, sem unnu honum mjög, heitbundizt stúlku af góðu fólki, og átti nú að halda brúðkaup þeirra einhvern happasælan dag. Han Fook var þá um tvítugt, fríður ungling- ur, hógvær, siðprúður og lærður, og hann var þrátt fyrir æsku sína þegar orð- inn kunnur fyrir mörg ágæt kvæði meðal bókmenntamanna í heimahögum sínum. Án þess að hann væri beinlínis auðugur, átti hann í vændum eignir, sem nægja mundu honum til lífsviðurværis og mundu fara vaxandi með heimanmundi brúðarinnar, og þar sem þessi unga stúlka þar á ofan var bæði fögur og dygðum prýdd, virtist hinn ungi maður eins hamingjusamur og framast varð á kosið. Samt varð hann ekki alveg ánægður því að hann ól með sér þann melnað að verða fullkomið skáld. Þá vildi svo til kvöld eitt, er haldin var blyshátíð niður við fljótið, að Han Fook reikaði hinummegin á fljótsbakkanum. Hann hallaði sér upp að tré, sem teygði sig út yfir vatnið, og hann sá þúsundir ljósa speglast í vatnsfletinum og karla og konur og ungar stúlkur á bátum og fleytum kastast á kveðjum, búnar sínu fegursta skarti eins og blóm á vordegi; hann heyrði lágan nið fljóts- ins, heyrði söngkonurnar, hörpuleikinn og hina blíðu tóna flautunnar, og yfir öllu þessu sveif bláleit nóttin eins og musterishvelfing. En hjarta unglingsins fór að slá hraðar þegar hann, einmana áhorfandi með sínar eigin hugdettur, virti fyrir sér alla þessa fegurð. En hversu mjög sem hann langaði til að fara yfir um til hinna og taka þátt í hátíðinni með unnustu sinni og vinum, þá var þó sú löngun hans miklu sterkari að njóta alls sem hrifnæmur áhorfandi, og endurspegla það í fullkomnu ljóði: bláma næturinnar, leik ljósanna á vatninu og einnig gleði þátttakendanna og þrá hins hljóða áhorfanda, sem lýtur út yfir bakkann við stofn trésins. Hann fann, að öllum skemmtunum og lystisemdum 126

x

Tímarit Máls og menningar

Direkte link

Hvis du vil linke til denne avis/magasin, skal du bruge disse links:

Link til denne avis/magasin: Tímarit Máls og menningar
https://timarit.is/publication/1109

Link til dette eksemplar:

Link til denne side:

Link til denne artikel:

Venligst ikke link direkte til billeder eller PDfs på Timarit.is, da sådanne webadresser kan ændres uden advarsel. Brug venligst de angivne webadresser for at linke til sitet.