Tímarit Máls og menningar - 01.12.1976, Page 33

Munnhörpuleikarinn
kaupgjalds-verðlags... Nú þyrfti hann að bíta í sporð sjálfs sín
og éta sig upp til agna...“
Annar: „Verðbólgan ... blomm! ... springur...“
Fyrsti: „Urgang hlýtur hann að skilja eftir sig!“
Þumbarinn: „Ormurinn..? Bara hagvöxt... Tóman hagvöxt!“
Penpíumenn hlæja dískant-hlátri.
3 Tommi situr morkinleitur við kaffibollann. Hann hrærir í löturhægt,
smakkar á kaffinu með teskeið.
4 Múturödd að baki Tomma: „Strákar! Viljiði gerast badnapía? Kona
auglýsir eftir miðaldra kallmanni til að passa bödn!“
Annar: „Til kvuss?“
Fyrsti: „Gagnkvæm þjónusta: þa stendur hédna!“
Tommi hlerar með gát.
5 Mútustrákar þamba kók. Einn ropar. Á borðinu stórar kókflöskur.
Sá fyrsti les í Vísi: „Sýningarstúlku á búsáhaldasýningunni vantar
miðaldra kallmann til að sitja bödn milli 4 og 11 á dagirin. Gagn-
kvæm þjónusta.“
Annar: „Sú er tjúlluð: sitja bödn! Á ðeim eða undir ðeim?“
Þriðji: „Fíbbl! kanntu ekki vísu Jónasar: sitja lömb og spinna ull!“
Annar: „Atlar hún þá að spinna ullina ef maður situr bödnin?“
Þriðji: „Fíbbl! “
6 Annar: „Og kvusskonar gagnkvæm þjónusta?”
Þriðji: „Romm og kók, hamborgari, eða 23. aðferðin ...“
Annar: „Ka atli þú kunnir 23. aðferðina!“
Fyrsti les Vísi: „Það er símanúmer!"
7 Tommi hálflítur um öxl. Það slettist úr bollanum. Hann leggur boll-
ann á undirskál (það skvettist aftur). Hann hellir úr undirskál í
bolla og þurrkar af lærinu.
8 Fyrsti: „11826“.
Annar við Þriðja: „Hún myndi hryggbrjóta þig gói. Þú myndir
sökkva einsog lamadýr. Þetta er engin gimbrarpussa!"
Fyrsti: „Hringja milli 3 og 4 í dag.“
Þriðji þylur: „11826, 11826, 11826.“
335
L