Tímarit Máls og menningar - 01.12.1976, Síða 64

Tímarit Máls og menningar
Þrjú eftir Catullus
HATUR OG ÁST
Hatri er ég haldinn og ást. Hvað veldur því veit ég samt ekki.
Eitt veit ég aðeins og finn: alltaf kvelur það mig.
Á HVERFANDA HVELI
Engum, sagði’ ’ún og sór, og þótt sjálfur Júpíter kæmi,
öðrum manni en mér mundi hún gefa sitt heit.
Sagði’ ’ún, en ástarorð sem í eyru þér hvíslaði kona
skaltu skrifa í vind, skrá þau á rennandi vatn.
GÓÐMENNSKAN GILDIR EKKI
Hættu því héðan í frá að hjálpa neinum né gleðja’ ’ann,
ætlaðu ekki að neinn sýni þér drengskap og dyggð.
Þakklæti uppskerð þú aldrei og fyrir hið góða er þú gerir
nlýtur þú eftir á aðeins skapraun og hryggð
eins og enn hefur sannazt: illa hefur mér brugðizt
sá sem ég ætíð hef sýnt sanna vináttu og tryggð.
366