Tímarit Máls og menningar - 01.12.1976, Síða 83

Framhaldsskólar
verður að gjöra það bersýnilegt að mentunin sé eina vopnið sem dugar til
sóknar og varnar í lífsbaráttunni, hvort heldur er gegn blindum öflum
náttúrunnar eða sjáandi samkeppni annara þjóða. En til þess að sýna fram
á hvernig menmnin fái gjört svo mikla hluti, verður fyrst að gjöra það
ljóst hvað hún er. Vér skulum því athuga þetta eftir föngum, og reyna að
komast að Ijósri niðurstöðu um það, í hverju mentunin er fólgin. En fyrst
verðum vér að líta nokkuð á þær iíkams og sálargáfur mannsins er einkum
koma til greina, þegar um mentun er að ræða.“
Saga fræðslulaganna 1907 og undirbúnings þeirra verður ekki rakin
nánar enda nægir stutt tilvísun til sögu þeirra hér að framan til saman-
burðar við drög að lagafrumvarpi um framhaldsskóla, sem menntamála-
ráðuneytið hefur nýlega látið gera. Frumvarpsdrögin eru meginviðfangs-
efni þessarar greinar.
Ekki verður að gagni vikið aftur að fræðslulögunum 1907 þegar komið
er að meginmáli greinarinnar, og er því rétt að tilgreina skipulega þá kosti
þessarar gömlu lagasetningar sem mesta birm ber af.
a) Alþingi varði verulegum fjármunum til undirbúnings löggjafarinnar
(tveimur, líklega nokkuð dýrum, mannárum) og bar giftu til að velja til
verksins einn mann.
b) Tillögurnar og greinargerðin með þeim báru öll merki samfelldrar
hugsunar eins manns, sem kunni skil á mörgu því bezta sem hugsað hafði
verið fram til hans daga og gat tengt það þjóðfélagshátmm sem hann
bjó við.
c) Greinargerðin var í senn alþýðleg og svo ítarleg að hún skýrði tillög-
urnar til fullnusm, og veitti einfaldaða en óbrenglaða innsýn í dýpstu rök
málefnisins.
d) Greinargerðin var þannig birt að sérhver Islendingur sem áhuga
hafði á málefninu gat kynnt sér hana.
e) Það leið svo langur tími frá því að frumvarpið og greinargerðin komu
fyrir almenningssjónir og þar til lögin voru samþykkt að vel mátti ræða
málið í þaula.
Tillögur að námsskipan á fratnhaldsskólastigi.
Menntamálaráðherra skipaði 25. nóvember 1974 nefnd til að gera til-
Iögur um breytta skipan náms á framhaldsskólastigi. Nefndin skilaði til-
lögum sínum 21. júlí 1976. (Tillögurnar eru nú í endurskoðun.) Dagana
8. og 9. október 1976 hélt menntamálaráðuneytið fund þar sem tillögurn-
2 5 TSUI
385