Tímarit Máls og menningar - 01.12.1976, Side 119

Eftirmáli og kveðjuorð
Nú er komið að því að ég kveðji Tímarit Máls og menningar, og flytji þakkir
samverkamönnum mínum, bæði þeim sem ég þekki ekki, nema fáa eina, þ. e. les-
endum, og hinum sem ég þekki, höfundunum, og verður mér þá hugsað til þess
með trega að margur snilldardrengur, sem lét ljós sitt skína á siður Tímaritsins
þegar ég kom að ritstjórn þess fyrir sautján árum, er nú ekki lengur.
Lesendum Tímaritsins þarf ekki að koma brottför mín á óvart, þó ekki væri
nema fyrir þá sök að framkvæmdastjóri Máls og menningar varpaði á mig nokkrum
vingjarnlegum kveðjuorðum fyrirfram í fjölrituðu bréfi til félagsmanna Máls og
menningar. Mun það bréf hafa verið látið fljóta með 3. hefti Tímaritsins þetta ár.
Oþarfi er að rekja nú hvaða viðburðir leiddu til þess að ég sagði af mér störfum
mínum hjá Máli og menningu fyrir rúmu ári, né heldur hvernig svo æxlaðist
að ég var ráðinn til að sinna ritstjórn Tímaritsins þetta ár í viðbót; en ég þakka
vinsemd góðra manna.
Víst er það, að nóg er fyrir hvaða tímarit sem er að hafa sama ritstjóra í
sautján ár, og þó skemur væri, og hefur mér orðið hugsað til þess fyrr; en bæði
var að tímarit er eins og lifandi vera sem maður binzt tryggðaböndum, og einnig
hugði ég um tíma að félagið Mál og menning þyrfti á mér að halda; en nú þegar
það þarfnast mín ekki lengur tek ég pokann minn og fer glaður.
*
Fyrir tveimur árum, í eftirmála við þrítugasta og fimmta árgang, fór ég nokkr-
um orðum um útgáfu tímarita, og mun ekki endurtaka þau hér; en kannski leyfist
mér að síðustu að halda ögn áfram þar sem þá var frá horfið, og beina athygl-
inni sérstaklega að Tímariti Máls og menningar og sögu þess.
Tímarit Máls og menningar mun raunar hafa verið sparara á stefnuyfirlýsingar
en gengur og gerist um tímarit. Auðvitað hefur þó aðalstefna Tímaritsins verið
sameiginleg stefnu félagsins sem gefur það út, og er fólgin í 2. grein „Samþykkta
fyrir bókmenntafélagið Mál og menning" frá 1940: „Tilgangur félagsins er að efla
frjálsa þjóðmenningu með bókaútgáfu og annarri upplýsingarstarfsemi.“ Með „ann-
arri upplýsingarstarfsemi" mun einmitt einkum hafa verið átt við útgáfu Tíma-
ritsins.
Lítum á fáeina staði í Tímaritinu ef finna mætti þar nánari ábendingar um
stefnu þess. — Fyrst verða þá fyrir formálsorð fyrsta heftisins, sem kom út 29.
marz 1940. Þar standa þessi orð: „Ritið er ekki, fremur en bókmenntafélagið sjálft,
421