Morgunblaðið - 25.04.2015, Síða 70

Kynning á ecco
golfskóm 2015 í
Erninum laugardaginn
25 apríl.
15% afsláttur af öllum
ecco golfskóm.
Sérfræðingur frá ecco
verður á staðnum.
ECCO GOLFLÍNAN 2015
SUMAR-SÓL
útivera
Jón Agnar Ólason
jonagnar@mbl.is
Þ
að nálgast fimm ár síðan
heilsulindin Laugarvatn
Fontana opnaði á bökkum
Laugarvatns. Þar er gömul
og rík hefð fyrir því að nýta jarðhit-
ann til hressingar og heilsubótar,
ekki síst í hinum sögulegu gufuböð-
um sem hafa verið eftirsótt sérstaða
við staðinn gegnum tíðina. Laug-
vetningar byggðu svo fyrst klefa yfir
gufuhvernum árið 1929 og enn þann
dag í dag felst ákveðið sérkenni í
þeirri staðreynd að í gufuböðunum í
Laugarvatni Fontana má segja að sé
bein tenging milli manns og jarð-
hita, því hitinn fer ekki um nein rör
eða annars konar tæki til að stýra
honum; gestir stýra hitanum inni í
gufuböðunum sjálfir með því að
hleypa inn lofti um gluggana og gera
rifu milli stafs og hurðar. Hér eru
engir takkar til að snúa heldur er
frágangur allur með náttúrulegum
hætti.
Nýjasta viðbótin í hinu breiða
úrvali valkosta í böðum og gufum
hjá Laugarvatni
Fontana er það
sem með réttu
má kalla nátt-
úrulaug. „Vatnið í
hana fáum við úr
gufuböðunum
okkar frægu, ef
svo má segja,“ út-
skýrir Guðlaugur
Kristmundsson,
markaðsstjóri
Laugarvatns Fontana. „Þá á ég við
að hveravatniðer tekið beint undan
gufuklefunum og beint í nýju laug-
ina okkar og fer þangað ómeðhöndl-
að, án allra kemískra viðbættra efna
sem gerir hana einstaka. Nátt-
úrulaugin er okkar vinsælasta laug-
in okkar í dag,hún hefur algerlega
slegið í gegn.“ Guðlaugur nefnir sér-
staklega í þessu sambandi hve vatn-
ið í náttúrulauginni sé áþreifanlega
mjúkt, að því marki að fólk sem
prófar náttúrulaugina hafi það sér-
staklega á orði.
„Í vatninu er að finna nátt-
úruleg steinefni sem hafa kraftmikla
og góða virkni á líkamann og það
finnur fólk bókstaflega á eigin skinni
og vinsældirnar eru til marks um
það og þar sem við fáum vatnið stöð-
ugt úr gufuhvernum í gegnum guf-
una þá er í raun um sírennsli að
ræða. Gegnumstreymi vatnsins er
viðvarandi og tryggir þannig hrein-
leikann því endurnýjun þess er sí-
felld. Það er engin hringrás á vatn-
inu í þessari laug; það er sífellt
streymi úr hvernum undan gufuklef-
unum sem viðheldur hreinleika
vatnsins og með því tvöföld notkun á
vatninu.“
Hlaðborðið heillar sælkera
Jarðhitanum og gufunni á
staðnum fylgja ýmsir kostir og
þeirra á meðal er aðstaðan til að
baka rúgbrauð með jarðvarma. Fyr-
ir bragðið er rúgbrauðið rauði þráð-
urinn í sælkerahlaðborði sem boðið
er upp á fyrir baðgestina hjá Laug-
arvatni Fontana, eins og Guðlaugur
segir frá.
„Íslendingar sem og erlendir
ferðamenn gera sér far um að
staldra við þegar færi gefst á rúg-
brauðshlaðborði því eins og allir vita
er hverabakað rúgbrauð einstaklega
ljúffengt. Við buðum fyrst upp á
þessi hlaðborð síðasta haust, bæði í
hádeginu og svo á kvöldin, og þau
mæltust þegar í stað mjög vel fyrir.
Þarna erum við að leggja áherslu á
hráefni úr héraðinu, svo sem reykt-
an silung frá Reykhúsi Elsu og
Skúla íÚtey, ásamt síld, plokkfisk og
fleiru, og ekki má gleyma brakandi
fersku grænmetinu úr uppsveit-
inunum. Við leggjum því áherslu á
að hlaðborðin skarti ljúfmeti úr nær-
umhverfinu og nærliggjandi upp-
sveitum. Í þessu felst ekki bara
gómsæt hressing fyrir ferðalanga
heldur fer fram ákveðin fræðsla um
það hvernig má njóta rúgbrauðsins
því við gerum okkur far um að hafa
framsetninguna og meðlætið sem
fjölbreyttast. Rúgbrauðið er svo í
aðalhlutverki í hádeginu en í kvöldin
verður það meira í hlutverki með-
lætis. Þannig tekst okkur að bera
það fram á hverjum degi í öllum sín-
um margvíslegu birtingarmyndum,
og alltaf er það jafn gómsætt.“
Guðlaugur bætir því við að
hlaðborðið njóti mikilla vinsælda
enda sé augljós tenging milli þess að
hressa sig í náttúrulegum baðstað
og næra sig hraustlega í kjölfarið;
þetta séu tvær hliðar á því að láta
sér líða vel.
Áþreifanleg upplifun
Sumarið í ár verður hið fimmta
sem Laugarvatn Fontana er starf-
rækt og Guðlaugur hlakkar til að sjá
hvernig sumargestir taka nýjung-
unum, náttúrulauginni og hlaðborð-
inu. „Hingað til hefur fólk verið að
stoppa lengur þegar það heimsækir
okkur yfir vetrartímann. Ég vona að
hlaðborðið fái fólk til að gefa sér
tíma, staldra svolítið við hjá okkur
og njóta lífsins.“
Ef að líkum lætur verður það
einmitt tilfellið því eins og Guð-
laugur bendir á færist það sífellt í
vöxt að Íslendingar sem fá erlenda
vini og kunningja í heimsókn leggi
leið sína til Laugarvatns Fontana í
þeim tilgangi að sýna gestum sínum
leynda perlu við Gullna hringinn
sem ekki er endilega á allra vitorði.
„Í heimsókn hingað felst áþreifanleg
upplifun á meðan flestir aðrir staðir
bjóða upp á eitthvað til að horfa
bara á. Hér gefst tækifæri til að
upplifa raunverulega aðdráttarafl
staðarins og komast í snertingu við
þá náttúrulegu krafta sem eru for-
senda heilsulindarinnar. Og svo
spillir rúgbrauðið okkar ekki fyrir!“
Perlan við
Laugarvatn
 Laugarvatn Fontana er náttúrulegur baðstaður í alfaraleið
 Ný náttúrulaug hefur slegið í gegn  Hlaðborð tvisvar á
dag með rúgbrauði og öðru ljúfmeti úr nágrenninu.
Náttúruböð Við Laugarvatn Fontana eru náttúruleg gufuböð og laugar sem næra og efla líkama og sál.
Guðlaugur
Kristmundsson
Hverabakað rúgbrauð er hnossgæti, ekki síst þegar lax er í ofanálag.