Morgunblaðið - 25.04.2015, Blaðsíða 96
96 DÆGRADVÖL
MORGUNBLAÐIÐ LAUGARDAGUR 25. APRÍL 2015
Nýr Sproti með viðarfótum - ýmsir litir í boði
STOFNAÐ 1956
Bæjarlind 8–10
201 Kópavogur
s: 510 7300
www.ag.is
Sproti 405
Hönnuður Erla Sólveig Óskarsdóttir
Stjörnuspá
21. mars - 19. apríl
Hrútur Þér væri hollt að hlusta á fjár-
málaráðleggingar fagmanna. Sumir myndu
jafnvel segja að það sem þú sérð fyrir þér
verði líklega ekki að veruleika.
20. apríl - 20. maí
Naut Berðu virðingu fyrir því trausti sem þér
er sýnt hvort sem er í starfi eða einkalífi. Ef
einhver getur sameinað ástvini ert það þú.
21. maí - 20. júní
Tvíburar Þú getur nýtt sannfæringarkraft
þinn til að bæta aðstæður þeirra sem minna
mega sín. Ný hárgreiðsla væri frábær fyrir
þig.
21. júní - 22. júlí
Krabbi Þér vinnst vel og þú stefnir ótrauður
að settu marki. Gefðu, seldu, hentu eða los-
aðu þig við það sem þú þarft ekki á að halda.
Undirbúðu mál þitt vel svo hlutur þinn verði
sem bestur.
23. júlí - 22. ágúst
Ljón Hugsaðu vandlega þinn gang áður en þú
hættir þér út í umræður um viðkvæm per-
sónuleg mál. Batnandi fólki er best að lifa.
23. ágúst - 22. sept.
Meyja Neyttu hvers færis sem þú færð til
þess að sinna sjálfum þér. Skoðaðu hug þinn
vandlega og gerðu svo það sem hann segir
þér.
23. sept. - 22. okt.
Vog Reyndu að taka því vel þótt þú verðir fyr-
ir einhverjum skakkaföllum því þau munu
ekki koma í veg fyrir að þú náir takmarki
þínu. Vertu öðruvísi.
23. okt. - 21. nóv.
Sporðdreki Þér er óhætt að hafa háleitar
hugmyndir ef þú hefur fæturna bara á jörð-
inni. Afgreiddu þessi mál í eitt skiptið fyrir öll
og haltu svo áfram.
22. nóv. - 21. des.
Bogmaður Það er eitthvað sem vefst fyrir
þér sem þú átt erfitt með að fá á hreint. Leit-
aðu að fegurðinni í lífinu því fagurt umhverfi
er raunveruleg heilsubót.
22. des. - 19. janúar
Steingeit Ef einhver annar myndi lifa þennan
dag í lífi þínu myndu viðbrögðin við því sem
gerist seinni partinn vera mjög sterk. Láttu
það ekki hindra þig í að koma áformum þín-
um í verk.
20. jan. - 18. febr.
Vatnsberi Hluti af þér er tilbúinn að hlaupast
á burtu, leika sér og daðra! Hinn hlutinn gerir
sér grein fyrir að þú ert enn of bældur til að
fríka út. Leitaðu samvinnu við aðra.
19. feb. - 20. mars
Fiskar Þú nýtur loks uppörvunar og fjárhags-
legs stuðnings til að gera það sem þig langar
til. Gefðu þér líka tíma til að vera með fjöl-
skyldunni og rifja upp gamlar minningar.
Síðasta laugardagsgáta var eftirGuðmund Arnfinnsson:
Viðurnefni var það Jóns.
Vinnutörn þá lokið er.
Hergilseyjar heiti flóns.
Heilagleika í sér ber.
Fjögur svör bárust og svo lík
hvert öðru að ég læt nægja að
birta tvö. Harpa á Hjarðarfelli
svarar:
Viðurnefnið „helgi“ var
Vinnu um helgi lýkur
Flónið heitið Helgi bar
Helgur maður slíkur
Þessi er ráðning Guðmundar:
Hólabiskup var helgi Jón.
Helgi veitir slökun lýð.
Í Hergilsey var Helgi flón.
Helgi friðlýst svæði er.
Og síðan lætur Guðmundur
limru fylgja:
Séníið Helgi Hjörvar
hafinn á efstu skör var,
og útvarpið
sátu allir við
er af ‘onum lesinn Bör var.
Og Guðmundur bætir síðan við:
„Enn sækja gátur mínar í Vísna-
hornið til þín eins og þrásæknar
rollur í tún:
Halur gæddur hrekkjaviti.
Hryggjarstykki fiskum á.
Girnilegur, beinlaus biti.
Bændum skaða veldur sá.
Enn freistast ég til að hafa gát-
urnar tvær þó að það verði á
kostnað þess að öll svör birtist
ekki. Helgi R. Einarsson sendi mér
þessa gátu:
Í fjárhúsi það nota má,
í föðurlandsins brókum,
í Hörpu má það hlusta á,
handverk, nátengt bókum.
Davíð Hjálmar Haraldsson skrif-
aði í Leirinn á sumardaginn fyrsta:
„Fuglarnir eru heldur krokulegir í
dag en það stendur til bóta.
Nú er hríðarhraglandi.
Hreti mun þó linna
því að góður gagl-andi
gætir fugla sinna.“
Og á Boðnarmiði sagði Hall-
mundur Guðmundsson:
„Gömul sumarkomuvísa úr
vísnabingnum:
Bráðum sumar brestur á,
bros þá karlar iðka.
Koparbrúnar konur þá
kroppa sína liðka.“
Halldór Blöndal
halldorblondal@simnet.is
Vísnahorn
Heilagleiki og
hríðarhraglandi
Í klípu
„HANN VILDI EKKI FARA. HANN ÞJÁÐIST
EFLAUST AF SMÁ AÐSKILNAÐARKVÍÐA.“
eftir Mike Baldwin eftir Jim Unger
„ÞÚ MUNT ALDREI NÁ AÐ „SLÁ Í GEGN“
NEMA ÞÚ FARIR AÐ TAKA GREIÐSLUKORT.“
Hermann
Ferdinand
Hrólfur hræðilegi
Grettir
... það sem breytir pari í
fjölskyldu.
ÉG VIL AÐ SÁ SEM GERÐI
ÞETTA VERÐI HANDSAMAÐUR!
SKAL
GERT,
HERRA
KÖTTURINN
ER
ÓDÁMUR
KÖTTURINN
ER
ÓDÁMUR
KÖTTURINN
ER
ÓDÁMUR
VIÐ ERUM KOMNIR TIL ÞESS
AÐ STELA ÖLLUM EIGUM YKKAR!
FRÁBÆRT!
VIÐ ERUM AÐ
SKERA NIÐUR!
Víkverji hefur dálæti á Sauð-árkróki þótt ekki komi hann
þangað oft. Á fimmtudag lá leið hans
þangað og það á sumardaginn fyrsta.
Ekki var þó sumarlegt um að litast á
Króknum á fimmtudaginn. Snjór var
yfir öllu og kalt og hryssingslegt.
Ekki var þó kalt í íþróttahúsi bæj-
arins þar sem Tindastóll og KR átt-
ust við í úrslitarimmunni um Íslands-
meistaratitilinn í körfubolta. KR
hafði unnið fyrri leikinn með yf-
irburðum, en Víkjverji var að vona,
þrátt fyrir að hjarta hans slægi með
KR-ingum, að viðureignin yrði ekki
alger einstefna. Honum varð að ósk
sinni og kannski aðeins rækilegar en
hann hafði haft í hyggju. Tindastóls-
menn mættu ákveðnir til leiks og
lögðu sig alla fram. Einn þeirra fór
meira að segja um völlinn á einum
fæti og dritaði boltanum ofan í körf-
una hvar sem hann stóð. Niður-
staðan var sigur Tindastóls. Er nú
jafnt í viðureigninni. Eins og allir
vita er körfuboltinn drottning allra
íþróttagreina og veislan heldur
áfram um helgina. Rétt er að taka
fram að ekki er spennan minni í
kvennakörfunni þar sem Keflavík og
Snæfell eigast við.
x x x
Á vegg rækjuverksmiðjunnar áSauðárkróki blasir við skemmti-
leg mynd á vegg þegar komið er inn í
bæinn niður af Þverárfjalli. Myndin
er af rækju og er eftir Guðbrand
Ægi Ásbjörnsson. Undir henni
stendur: „Þetta er ekki rækja.“
Myndin er bein vísun í heimslist-
irnar. Á fyrri hluta síðustu aldar mál-
aði belgíski súrrealistinn Rene Mag-
ritte mynd af pípu og undir henni
stendur: „Þetta er ekki pípa.“
Myndin hefur verið þarna í nokkur
ár og hefur aðallega vakið athygli út-
lendinga. Hún er nefnd í erlendri
ferðahandbók til marks um skop-
skyn heimamanna og bloggarar
minnast einnig á hana, einkum á
frönsku.
x x x
Á leiðinni heim snjóaði og um tímasást vart út úr augum fyrir skaf-
renningi og snjókomu á Þverárfjalli.
Hiti var undir frostmarki alla leiðina.
Eftir aksturinn var bíllinn klæddur í
klakabrynju. Sumarið var komið. vík-
verji@mbl.is
Víkverji
Jesús svaraði: „Já, því sælir eru þeir
sem heyra Guðs orð og varðveita það.“
(Lúkasarguðspjall 11:28)