Dagblaðið Vísir - DV - 28.11.2008, Qupperneq 34

34 Föstudagur 28. nóvember 2008 Jólablað
auðvelt að gera
kreppukransinn
„Það þarf oft ekki nema einhvern
einn hlut til að gera kransinn há-
tíðlegri,“ segir Hilda Allans, starfs-
maður hjá Blómavali, en hún sýndi
ásamt fleiri, áhugasömum konum
hvernig nýta má það sem til er heima
í aðventukrans á jólaskreytinganám-
skeiði Bómavals sem haldið var fyrir
stuttu.
AðventukrAnsinn
Ef fólk á undirlagið á aðventukransi
þá er um að gera að nýta það. „Það
þarf bara að klippa gamla grenið frá
og kaupa nýtt. Svo er hægt að leika
sér mað skreytinguna, hvort sem
maður notar sama og í fyrra eða
maður bætir einhverju nýju við. Eins
og til dæmis nýjum kúlum eða slauf-
um, epli, könglum eða jólasnjó,“ seg-
ir Hilda sem sjálf hefur notað sama
kransinn í mörg ár með ýmsum út-
færslum. Til að lífga upp á gamla
kransinn bendir Hilda á að svokall-
að Elephant-sprei geti dugað. Það
er eins konar lakksprei sem er ætl-
að blómum og greni og getur lífgað
mikið upp á. Grenið endist þá betur
og þornar ekki eins fljótt.
Ef fólk vill kaupa sér eitthvað nýtt
en ekki eyða miklum peningum
bendir Hilda á glerhólk sem er til hjá
þeim og tekur fjögur sprittkerti. Það
sem þarf til skreytinga er smávegis af
gömlu jólaskrauti eða jólasnjó. Gler-
hólkinn er svo hægt að nýta á öðr-
um árstíðum því skrautið er sett inn í
hólkinn og auðvelt að taka úr.
epli í krAnsinn
Aðventukransar þurfa ekki alltaf
að vera búnir til úr greni. Epli eru
prýðisefniviður í heimagerða kransa
og gefa þar auki góða lykt. „Það er
óhefðbundið en um leið nátturulegt
að nota epli. Það þarf bara að kaupa
fjögur epli úti í búð, skera þau út og
setja sprittkerti í. Eplin duga í rúmar
þrjár vikur og er því sniðugt að hafa
aukaepli í skápnum ef það er eitthvað
farið að sjá á þeim sem fyrir eru. Svo
getur hver skreytt þau að vild.“
Hægt er að kaupa smávegis af
skrautlengjum eða perlum sem
stungið er í eplin. Eins er mjög fallegt
og ódýrt að fara út í garð og ná sér í
greni og láta hugmyndaflugið ráða.
„Eplin eru líka mjög flott ein og sér á
tréplötu eða á skreyttum platta.“
Fersk epli eru ekki bara nýtt sem
kerti heldur einnig sem skreyting á
aðventukrans. Hilda bendir á litlu
eplin sem seld eru í pokum í Bónus
en þau má nota í ýmsar skreytingar.
„Hægt er að stinga þeim með pinna
á kransinn og eins má klippa niður
greinar og stinga í miðju eplanna. Ef
maður bætir einni glimmergrein við
er kransinn orðin helmingi hátíðlegri
en áður,.“ segir Hilda.
JólAsnJórinn góði
„Jólasnjórinn er svo skemmtilegur.
Það er hægt að fá poka af honum
hérna sem kostar 399 krónur og dug-
ar í mörg ár,“ segir Hilda. „Hann er
flottur á jólakransinn og líka er flott
að nota bara snjóinn til að lífga upp á
þreytta kransa. „Maður spreiar smá-
límspreii, sem einnig fæst hjá okk-
ur, á kransinn og lætur svo smásnjó
falla á hann. Það lífgar mikið upp á
hann.“
Jólasnjóinn má svo líka nota á
jólapakkana.
Úti í náttÚrunni
„Ef maður gefur sér líka klukkutíma
með fjölskyldunni til að fara út í
skóg getur maður fundið köngla sem
eru líka bráðskemmtilegt skreyting-
arefni. Þeir eru ókeypis og fallegir.“
Jólasnjórinn kemur aftur að góðum
notum þar en ef maður spreiar botn-
inn á könglunum með lími og dýfir
þeim svo í snjóinn verða könglarn-
ir enn jólalegri. Ef maður stingur vír
á toppin á þeim er komið fyrirtaks
jólaskraut.
Fleira sem hægt er að tína úti í
náttúrunni eru greinar af grenitjrám
og birkitrjám. „Flestir eru með eitt-
hvað svoleiðis í grennd við heim-
ili sitt. Það má taka birki og setja í
glervasa og hengja dót á. Svo sem
epli, skreyttan vír og jólakúlur,“ segir
Hilda og er komin á flug.
Í síðustu viku var haldið jóla-
skreytingarnámskeið hjá Blóma-
vali og var fullt út úr dyrum þau tvö
kvöld sem námskeiðið var haldið.
„Það hefur aldrei verið eins vel sótt,
það voru um 250 konur hvort kvöld-
ið. Það var líka mikil stemning . Við
stóðum á sviði, skreytingakonurn-
ar og svo vorum við með aðstoðar-
konur sem gengu á milli og sýndu
afraksturinn.“ Þemað var hárskraut
og var meðal annars sýnt hvernig
mætti búa til flottar spangir með
efni sem hægt er að fá í Blómavali.
Það þarf ekki að örvænta þó að kransinn frá í fyrra sé orðinn lúinn og ekki séu fjárráð til að kaupa glænýjan.
Hilda Allans, hjá Blómavali, segir að vel sé hægt að hressa upp á gamla kransinn með því að bæta litlu við.
Gamalt jólaskraut, epli, könglar, trjágreinar og ýmislegt fleira dugir fyllilega sem skraut.

„Kreppukransinn“ Hilda Allans
með kreppukransinn, en vel er
hægt að búa til fínan krans fyrir
lítinn sem engan pening.
Hildur að búa til jólahús Svona
hús er hægt að kaupa í Blómavali
og skreyta í takt við hverja árstíð.
Nú þegar jólin nálgast er tilvalið
að setja greni og seríu á það.