Dagblaðið Vísir - DV - 28.11.2008, Side 50

50 Föstudagur 28. nóvember 2008 Jólablað
Fátt er meira kósí yfir jólahátíðina en að skríða undir
teppi með heitt kakó og smákökur og horfa á eina góða
jólamynd. DV tók saman nokkrar jólamyndir sem
koma fólki í rétta skapið.
Komdu þér í
jólaskapið
The Holiday
Rómantísk kvikmynd frá Nancy sem gerði til dæmis
myndina You´ve Got Mail. Myndin fjallar um fjóra
einstaklinga sem lifa afar ólíkum lífum og eru öll að
ganga í gegnum erfiða tíma. Fyrir þá sem hafa gaman af
hugljúfum og rómantískum kvikmyndum, er þessi mynd
alveg málið. Myndin skartar frábærum leikurum, eins og
Kate Winslet, Jack Black, Cameron Diaz og Jude Law.
Nightmare Before Christmas
Bráðskemmtileg jólamynd úr smiðju Tim Burtons.
Myndin fjallar um Jack Skellingston, frá Halloween-
bænum, sem er orðinn afar þreyttur á því að gera
það sama á hverjum einasta degi. Einn daginn villist
hann inn í Christmasville og nýr heimur opnast fyrir
honum. Þetta er ekki hefðbundin jólamynd. Hún er
svört en boðskapurinn er í anda jólanna.
Joeux Noel
Blóðugt stríð geisar í fyrri heimstyrjöld-
inni árið 1914. Á jóladag, hins vegar,
þetta sama ár tóku hermenn sig saman
og lýstu yfir friði á einskismannslandi.
Myndin er í senn dramatísk og falleg.
Joyeux Noel lætur engan ósnortinn.
Scrooged
Bill Murray fer á kostum sem hinn
kaldhæðni og leiðinlegi Frank Cross í
myndinni Scrooged sem er lauslega byggð
á ævintýri Charles Dickens, Christmas Carol.
Frank hefur lítinn áhuga á jólahátíðinni
þangað til þrír draugar heimsækja hann.
Miracle on 34th Street
Heldri maður er ráðinn til þess að leika jólasvein
í Macy´s á þakkargjörðarhátíðinni. Gamli
maðurinn slær heldur betur í gegn og er ráðinn
til frambúðar að leika jólasveininn í
Macy´s-búðinni. Jólasveinninn kallar sig Kris
Kringle og heldur því ótrautt fram að hann sé
hinn eini sanni jólasveinn. Enginn trúir Kringle
nema ung stúlka. Það vita allir hvernig þessi
saga fer. Þetta er jólamynd af bestu gerð.
Elf
Grínleikarinn Will Ferrell fer á
kostum sem ofvaxni álfurinn
Buddy í jólamyndinni Elf. Þessi
mynd sló í gegn er hún kom út á
sínum tíma og hentar vel fyrir
alla aldurshópa. Það er ekki
annað hægt en að elska Buddy.
Love Actually
Frábær rómantísk gamanmynd sem lætur engan
ósnortinn. Love Actually er löngu orðin klassík
hjá fólki sem hefur gaman af rómantískum
myndum. Margir stórleikarar koma að myndinni
og er hún algjört möst yfir jólahátíðina.
It´s a Wonderful life
Frank Capra-myndin er ein af þessum jólamynd-
um sem nauðsynlegt er að sjá. Myndin segir frá
George Bailey sem er við það að gefast upp á
lífinu er verndarengillinn Clarence fellur til jarðar
til að sína Bailey hvernig samfélagið, vinir hans og
fjölskylda væru í dag ef að hann hefði ekki fæðst.
Home Alone
Maculay Culkin bræddu hjörtu um heim allan
sem prakkarinn Kevin McCallister. Hann
vaknar upp við vondan draum. Fjölskylda
hans gleymdi að taka hann með í jólafríið til
New York-borgar. Átta ára guttinn eyðir síðan
megninu af jólafríinu í að vernda heimili sitt
gegn innbrotsþjófunum Harry and Marv.
Frábær fjölskyldumynd hér á ferðinni.
National Lampoon‘s Christmas Vaction.
Ein skemmtilegasta National Lampoons-
myndin. Grínleikarinn Chevy Chace er í essinu
sínu alla myndina. Húmorinn er rosalega
aulalegur en alveg drepfyndinn. Það hafa allir
gaman af því að horfa á þessa á jóladag.