Frjáls verslun - 01.11.2014, Blaðsíða 29

FRJÁLS VERSLUN 11 tbl. 014 29
6. Apple MacBook Pro Retina
Fartölva (verð frá 239.990 kr., t.d. hjá epli.is og macland.
is). MacBook Pro­línan frá Apple fékk uppfærslu á árinu sem
heldur henni í fararbroddi í keppni þeirra bestu á fartölvu­
markaðnum. Retina­skjárinn er frábær, hönnunin glæsileg
og vélbúnaðurinn skilar sínu. Margir hefðu kannski viljað sjá
örlítið stærri skref stigin í þróun þessarar nýjustu útgáfu en til
hvers að umbylta því sem virkar fullkomlega?
7. Nikon D750
Myndavél (verð 399.900 kr., t.d. hjá beco.is). Nikon D750
er DSLR­myndavél sem hentar vel þeim sem vilja taka
stórt skref inn í DSLR­heiminn án þess þó að fara alla leið í
atvinnu mannagræjurnar. Hún er með mjög góðan sjálfvirkan
fókus, myndgæðin standa undir væntingum og vel það, auk
þess sem hún er auðveld í notkun.
8. Microsoft Surface Pro 3
Spjaldtölva (verð frá 159.900 kr., t.d. hjá tolvutek.is). Inn­
reið Microsoft á spjaldtölvumarkaðinn hefur e.t.v. ekki gengið
alveg samkvæmt áætlun tölvurisans, en það verður þó að
segjast að nýjasta útgáfa Surface­spjaldtölvunnar er ansi vel
heppnuð. Surface er spjaldtölva sem teygir sig inn á verksvið
fartölvanna á ýmsum sviðum. Hún er þynnri og léttari en
fyrirrennararnir þrátt fyrir að vera með stærri skjá og betri
upplausn, stafrænn penni fylgir nú með sem eykur notagildið
og vinnslan jafnast á við fartölvu í ódýrari kantinum.
9. Nokia Lumia 930
Snjallsími (verð 99.900 kr. hjá helstu símafyrirtækjum).
Lumia 930 er flaggskip Windows­símanna og ber þann titil
ein staklega vel. Hann er öflugur, flottur og með góðan 5
tommu skjá. Myndavélin er svo kapítuli út af fyrir sig, en
hún hefur jafnan verið helsti styrkleiki Nokia­síma. Þar svíkur
Lumia 930 ekki með 20 MP myndavél sem tekur framúrskar­
andi myndir og vídeó.
10. Dell XPS 13
Fartölva (verð frá 239.990 kr., hjá Advania.is). Dell XPS
13­fartölvurnar voru góðar en á þessu ári kom ný útgáfa sem
sló þá fyrri heldur betur út. Nýjasta útgáfan er næfurþunn,
með snertiskjá og nýjustu kynslóð Intel­örgjörva, sem þýðir
að vinnslan er til fyrirmyndar. Hönnunin er glæsileg, áláferðin
gerir XPS 13 einstaklega rennilega og flotta. Góður kostur
fyrir þá sem vilja fjölhæfa, öfluga og netta Windows­tölvu.
10
8 7