Frjáls verslun - 01.11.2014, Blaðsíða 8

8 FRJÁLS VERSLUN 11 tbl. 2014
Það þarf hugrekki
og hugsjón til
að leggja fram á
fjórða milljarð
króna af eigin fé í
langtímaverkefni
norðurundir
heimskautsbaug
þar sem ávöxt­
unin verður að
mestu næstu
kynslóðar.
Útnefning Róberts
Útnefning Róberts Guðfinnssonar athafna­manns sem manns ársins í atvinnu lífi nu er af svolítið öðrum toga en fyrri útnefningar. Fjár ­
festingar hans á Siglu firði hafa á sér yfirbragð stefnu
sem nefnd er sameiginleg verðmæti (share value) og
kennd við fjárfest ingar stefnu sem sett var fram við
Harvard­háskóla fyrir nokkrum árum. Fjárfestingum
hans fyrir norðan, út við ysta sæ, er alls ekki lokið
þótt þær nemi þegar á fjórða milljarð króna. Þær eru
að langmestu leyti fyrir eigið fé hans sem hann hefur
flutt til landsins og er afrakstur af erlendri starfsemi
hans í sjávarútvegi og fiskeldi; aðallega í Mexíkó.
Það er heldur ekki búið að telja upp úr kössunum á
Siglufirði, eins og það er stundum orðað um afrakst ­
ur fjárfestinga. Hann er hins vegar afar vel að viður ­
kenningunni kominn. Mótuð hugsun hans um siglfirska
samfélagið er til fyrirmyndar, frumkvæði hans og
fram tak einstakt, og djörfung í langtímafjárfestingu
þar sem ávöxtunin skilar sér hugsanlega ekki fyrr en til
næstu kynslóða. Hann lítur ekki á þetta sem einhverja
góðgerðarstarfsemi heldur að ávöxtunin sé ásættanleg;
allra síst er þetta fjárfesting til skamms tíma með kröfu
um ofurávöxtun.
Róbert trúir á Siglufjörð með fjölbreyttu atvinnulífi; sjávarútvegi, söfnum, blómlegri ferðaþjónustu, líf tækni og margvíslegri
dægra dvöl heimamanna sem og gesta. Hann vill meiri
breidd í samfélagið hvað varðar atvinnulíf, þekkingu
og menningu. Hann segir mikilvægt að störfum, sem
krefjast framhalds menntunar, fjölgi. Þegar þessi sam ­
eiginlegu verð mæti vinni saman séu þau segull og laði
til sín fleira fólk og nýja fjárfesta. Hugmynd hans um
að leggja fé í bæði eigin atvinnurekstur og samfélagið
á Siglu firði blundaði í honum, en hann hófst ekki
handa og útfærði fjárfestingarstefnu sína fyrr en gerð
Héðins fjarðarganga lá fyrir og einkaframtakið hafði
byggt tvö glæsileg söfn; síldarminjasafn og þjóð laga ­
safn. Þetta var áður en hagfræðingar við Harvard
mótuðu kenningar sínar um sameiginleg verðmæti og
samfélagslega ábyrgð sem notið hafa vinsælda. Róbert
hefur sjálfur ekki tengt stefnu sína við fræðilegar kenn ­
ingar; hann er athafnamaður sem setur sig vel inn í þau
verkefni sem hann fæst við og lætur síðan verkin tala.
Útnefning Róberts er hér sett í dálítið fræðilegan
búning, en hann er nauðsynlegur. Þegar dómnefndin
ræddi á fundum sínum um að velja hann sem mann
ársins urðu eðlilega akademískar pælingar um for­
sendurnar þar sem afrakstur fjárfestinga hans á
Siglu firði liggur ekki fyrir – þótt augljóslega hafi
Róbert talið upp úr kössunum í erlendri starfsemi
sinni. Sameiginleg verðmæti; allra hagur, samfélags og
fyrirtækis, ganga út á fyrirfram markaða fjárfest ingar­
stefnu einkafyrirtækis sem heldur samkeppnis hæfni
sinni til fulls en horfir líka til samfélagsins. Þetta er
meira en að samfélagið og fyrirtækið eigi samleið; þau
eru hvort öðru háð í styrkleika. Þetta er ekki sú stefna
í stjórnun sem nefnd er samfélagsleg ábyrgð og er á
jaðrinum heldur eru sameiginleg verðmæti sjálf miðjan;
rauði þráðurinn í fjárfestingunni.
Líftæknin er stóra trompið í fjárfestingum Róberts.
Hann hugsar sem svo að auðveldara verði að fá þekk­
ingu og hámenntað fólk til Siglufjarðar ef sam félagið
hefur ákveðna breidd og býr við meira en sjávar­
útveg. Þess vegna hefur hann umbylt umhverfinu
í kring um smábátabryggjuna á Siglufirði, gert upp
gamla hjalla þar sem núna eru tvö falleg og fín veit ­
inga hús, byggt glæsilegt hótel á uppfyllingu við
smá bátahöfnina, auk þess sem hann setur stórfé í
skíðasvæði og nýjan krefjandi golfvöll. Utan um þau
verkefni hefur hann stofnað sérstakt fyrirtæki með
bæjarfélaginu. Líftæknifyrirtæki hans heitir Genís.
Meðeigandi og viðskiptafélagi Róberts í því fé er
Vilhelm Már Guðmundsson. Genís reisir núna nýja
lyfjaþróunarverksmiðu til að fullvinna bólgueyðandi
efni sem unnin verða úr inn fluttri rækjuskel.
Frumvinnslan verður í fyrr verandi verksmiðju SR­
mjöls sem hann keypti af Síldar vinnsl unni. Líftæknin
verður ábatasamt stór verk efni – ef áform ganga eftir –
og styrkir bæjar fé lagið, sem aftur með fjölbreytni sinni
og menningar legri um gjörð styður við líftæknina. Það
verkefni hefur hann undirbúið vel og haft þrjá doktora
í líffræði í vinnu undanfarin tíu ár við rannsóknir sem
eru vel á veg komnar og í alþjóðlegri samvinnu. Nýlega
bættist fjórði doktorinn við.
Róbert er langt í frá eini fjárfestirinn sem leggur
fé í atvinnulíf úti á landsbyggðinni. Samherji er eitt
stærsta og blómlegasta sjávarútvegsfyrirtæki í Evrópu
og með höfuðstöðvar á Akureyri. Enginn efast um
gildi þess fyrir akureyrskt samfélag, breidd þess og
fjölbreytni, hvernig eigendur Samherja hafa staðið að
málum. Nefna mætti sömuleiðis fjárfestingar annarra
sjávarútvegsfyrirtækja hringinn í kringum landið og
hvernig þær hafa laðað til sín einstaklinga og fyrirtæki í
allt öðrum atvinnugreinum.
Fjárfestingastefna Róberts á Siglufirði er engu að síður annars konar, að minnsta kosti með annan blæ; hann fjárfestir á sama tíma í sam ­
félagi og fyrirtækjum sem einni heild svo þau hafi
stuðning hvort af öðru. Það þarf hugrekki og hugsjón
til að leggja fram á fjórða milljarð króna af eigin fé í
langtímaverkefni, sameiginleg verðmæti, norðurundir
heimskautsbaug þar sem ávöxtunin verður að mestu
næstu kynslóðar. Það gerir hins vegar þessi óvenjulegi
athafnamaður – maður ársins í atvinnulífinu að mati
Frjálsrar verslunar.
Jón G. Hauksson
leiðari
Við bjóðum fyrirtækjum
sérþekkingu
Vinnan okkar snýst um að vinnan þín gangi vel. Við leggjum okkur
fram um að kynna okkur starfssvið þitt, og þó svo að við þekkjum
helstu viðfangsefnin kannski ekki eins vel og þú, þá vitum við vel
hvað starfið gengur út á.

Starfsfólk Íslandsbanka býr yfir áratuga reynslu af þjónustu við
íslensk fyrirtæki, þekkir fjölbreyttan atvinnurekstur af eigin raun
og býður fram þekkingu sína og áhuga til að efla þinn rekstur.
Þekking sprettur af áhuga.
Rósa Guðmundsdóttir hefur í tólf ár
veitt stærri fyrirtækjum fjármálaþjónustu
með sérstakri áherslu á verkefni
á fasteignamarkaði.
Rósa er viðskiptastjóri
fasteignateymis Íslandsbanka.
Þjónusta við fyrirtæki
E
N
N
E
M
M
/
S
ÍA
/
N
M
6
2
6
5
2
islandsbanki.is Netspjall Sími 440 4000 Facebook