Frjáls verslun - 01.11.2014, Blaðsíða 138

138 FRJÁLS VERSLUN 11 tbl. 2014
1. Telur þú að fjármagns­
höftin verði loksins afnumin
á árinu 2015?
– Ég tel afar ólíklegt að höftin
verði afnumin fyrirvaralaust
vegna þeirrar hættu sem
slíkt hefur á gengi íslensku
krónunnar. Vandi okkar er
tvíþættur; við eigum lítinn
gjaldeyrisvaraforða og af -
gang ur af viðskiptum við
út lönd minnkar nokkuð hratt
og því þarf þetta að gerast
í áföngum. Mun líklegra er
að breytingarnar á næsta ári
verði afmarkaðar þrátt fyrir
miklar væntingar.
2. Hugmyndir eru uppi
um að setja á svonefndan
útgönguskatt í tengslum við
afnám hafta – hvernig líst
þér á þá leið?
– Það er til fyrirmynd að utan
fyrir því að leggja á útgöngu-
skatt og ég tel mikilvægt að
skoða það nánar. Ég vara
samt við óraunhæfum vænt -
ingum um umfang skatttekna
ríkissjóðs, einkum ef okkur
er annt um ímynd landsins
erlendis.
3. Hvað heppnaðist best á
árinu 2014 og hverjar eru
horfurnar á árinu 2015?
– Meginmarkmið þeirra
kjara samninga sem gerðir
voru á vetrarsólstöðum 2013
var að auka kaupmátt launa
á grund velli stöðugleika og
lágrar verðbólgu þannig að
hógværar launahækkanir
skiluðu sér í launaumslagið.
Þessi þáttur kjarasamninga
gekk eftir og er verðbólgan nú
lægri en hún hefur verið í 16
ár, eða aðeins 1% og hún fer
enn lækkandi.
4. Hvaða mistök voru gerð
í efnahagsstjórninni á árinu
2014?
– Ríkisstjórnin hefur gert
þrenn afgerandi mistök. Í
fyrsta lagi þegar hún ásamt
sveit arfélögunum vék frá
þeirri launa stefnu sem mörk-
uð var með kjara samn ingum
ASÍ og SA og lagði grunn að
óréttmæt um mun á umsömd-
um launa hækkunum. Í öðru
lagi mót aði hún efnahags-
stefnu með óréttlátum
aðgerðum í skuldamálum
heimilanna og skattkerfis-
breytingum sem auka á ójöfn-
uð sem hvort tveggja dregur
úr afgangi á viðskiptajöfnuði
og veikir forsendur gengis-
ins til lengri tíma. Í þriðja
lagi voru gerð mistök þegar
ríkisstjórnin gerði atlögu að
velferðar kerfinu og réttindum
launafólks í frum varpi til fjár-
laga sem kemur í veg fyrir að
hægt verði að sameina þjóð-
ina að baki þeim stöðugleika
sem kjarasamningar ASÍ og
SA lögðu grunn inn að.
5. Hvað er þér minnisstæð­
ast frá árinu sem er að líða?
– Það er þrennt sem stendur
upp úr. Í fyrsta lagi var það
skemmtileg reynsla að standa
í forystu allra heildarsam-
taka á Norðurlöndunum sem
formaður Norrænu verka-
lýðssamtakanna. Í öðru lagi
var ég félögum mínum á
41. þingi ASÍ afar þakklátur
fyrir glæsilegt endurkjör sem
forseti samtakanna. Í þriðja
lagi það sögulega skref í
næst um 100 ára sögu Alþýðu -
sambandsins að formenn VR
og Eflingar gáfu kost á sér,
og voru kjörnir, sem fyrsti og
annar varaforseti ASÍ.
Gylfi Arnbjörnsson, forseti ASÍ:
Þrenn afgerandi mistök
„Ég tel afar ólíklegt að
höftin verði afnumin
fyrirvaralaust vegna
þeirrar hættu sem slíkt
hefur á gengi íslensku
krónunnar.“
Gylfi Arnbjörnsson.
Hvað segja þau?
Lykill I Ármúla 1 I 108 Reykjavík I lykill.is I lykill@lykill.is
Gleðilegt
nýtt ár!
Þökkum frábærar viðtökur á árinu 2014