Frjáls verslun - 01.11.2014, Blaðsíða 145

FRJÁLS VERSLUN 11 tbl. 014 145
út lendingslegur sjálfur, hvað
þá að gera dóttur farand verka ­
manns frá Mexíkó að forsetafrú
– Immigrant First Lady! Það er
þungur tebolli að lyfta.
Gagnstæðir pólar
Jeb er líka sagður af gamla
skólanum í flokknum – eins og
gamli Bush – og ekki eins harð­
ur á meiningunni og þeir sem
kenndir eru við Teboðið. Þó er
hann eindreginn íhalds maður
en fremur gefinn fyrir hagnýtar
lausnir en harðlínu. Allt
þetta kann að há Jeb í forvali
flokksins en styrkja í al menn um
kosningum.
Hillary Clinton er á hinum
væng stjórnmálanna. Hún er það
sem hægrimenn kalla „liberal“
eða frjálslynd. Stundum bæta
þeir við „bloody liberals“
um þennan hóp landsmanna
sinna. Þarna er átt við almennt
frjálslyndi í þjóðfélagsmálum –
eða það sem hægrimenn kalla
lausung: Frjálsar fóstureyðingar,
viðurkennt samlífi homma og
lesbía og stöðugar efasemd ir
um viðurkennd amerísk gildi.
Og svo beitir þetta menntaða
lausungarlið pólitísk um rétt­
trúnaði til að fela sannleik ann
um útlendinga og múslíma!
Þetta eru andstæðir pólar
en skilin eru ekki alltaf mjög
skýr. Flokkur demókrata er
afar sundurleitur og illa skipu ­
lagður samanborið við Repú ­
blikana flokkinn. Hillary er
fyrst og fremst málsvari hinna
menntuðu borgarbúa á austur­
og vesturströndinni. Íhaldssamir
flokksmenn í suðurríkjunum eru
ekki hrifnir af henni.
Gamli tíminn aftur
Hún er því í sömu stöðu og Jeb,
að hugnast ekki öllum sam ­
flokks mönnum sínum. Það er
erfitt að finna einn fram bjóð ­
anda sem öllum flokks mönnum
líkar. Því má reikna með að hart
verði sótt að hinum „þekktu
nöfn um“ þegar kemur að for ­
kosningum flokkanna. Bæði
Jeb og Hillary eru full trú ar
gamla tímans og bæði komin á
sjötugsaldur. Það er kom ið fram
yngra og rót tækara fólk í báðum
flokk um, sér stak lega þó meðal
repúblik ana. Þekkt vörumerki
hafa forskot á markaði en svo er
spurning hve lengi það forskot
endist. Á síðustu árum hafa
neytendur til einkað sér nýjungar
miklu hraðar en áður. Ef til
vill gætir þessarar nýjungagirni
einnig í stjórn málunum og alveg
ný nöfn verða kjósendum töm í
munni.
George W. Bush þótti oft frekar klaufalegur fyrir framan
sjónvarpsvélarnar.
Clinton­hjónin eru þekkt vörumerki og þarf ekki að kynna.
George Bush eldri var forseti eitt kjörtímabil og varaforseti
Reag ans í átta ár. Það var notað gegn honum í kosningabarátt­
unni 1992 að forsetatíð hans væri orðin tólf ár.
Lengi vel voru Kennedy­bræðurnir þekktasta pólitíska fjöl­
skyldan. John F. Kennedy varð forseti 1960, Róbert Kennedy var
myrtur vorið 1968 í aðdraganda kosninganna þá um haustið og
Edward Kennedy (Ted), öldungadeildarþingmaður frá Massa­
chusetts, var lengi orðaður við forsetaframboð.
Enginn Kennedy er
núna orðaður við fram­
boð og ekki heldur
Roosevelt. Þær forseta­
ættir hafa ekki náð að
endurnýja sig.