Gripla - 20.12.2008, Síða 188

GRIPLA186
After this narrative, the Icelandic text has a number of miracles. Due
to the lacuna, the first (7r30–38), which corresponds to chapter 7, lacks the
beginning. Of the second (7r38–7v7), which corresponds to chapter 8, the
end is missing due to the lacuna. The third (7v30–8r5), which corresponds
to chapter 9, lacks the beginning due to the lacuna.
7. Postquam igitur beatae Caterinae reliquias divina ad nos gratia direx-
it, numquam locus ipse vel ad parvum temporis vacavit miraculorum signis.
Caeci ibidem visum, surdi auditum, claudi gressum, paralytici curationem,
aliisque quibuslibet oppressi infirmitatibus recipere merentur sospitatem.
Ostendit universis circumquaque Dei martyr inclita Norhmanniam sua
illustratam praesentia; emicat siquidem amplo virtutum lumine Christi
lucerna, non sub modo sed super candelabrum posita, nec attica tantum
genitaliaque arva perfundens, sed adusque occidua orbis climata pertingens.
Gaudet et exsultat tota paene Neustria tantae virginis oleo perfusa tamque
pretiosissima gemma caelitus decorata. Fiunt itaque miracula speciosa,
de quibus plurima omittentes, pauca scribemus. Ac primo reverentissimi
patris nostri Isemberti mentionem facientes id quod de illo cognovimus,
licet inter alia minimum, tamen ob eius reverentiam congruum ac speciale,
proferimus, quod multorum fratrum, qui ex illo tempore adhuc superstites
sunt, testimonio approbatur. Nam primo sanctarum reliquiarum adven-
tus tempore contigit eidem venerando patri vehementissimo dentium
dolore torqueri, adeo ut vix cibum capere aut somno indulgere valeret.
Porro unius dolori cunctorum affectus condolebat et dulce filiorum exa-
men pii patris compassa incommoda laborabat. Cumque per aliquot dies
huiusmodi taedio anxiaretur nec ullo modo sanari posset, quadam nocte
per visum admonetur ut beatae Caterinae oleo perungi non moretur. Qui
credulus visioni, mane facto, ab aedituo templi pretiosi thesauri loculum
sibi afferre rogavit. Ab ubi sacro liquore perunctus est et ex eo poculum
sumpsit, extimplo omni dolore fugato, beatae martyris meritum hoc uno
virtutum eius in se mirabiliter est expertus.
Hoc igitur viso, monachorum praecluis ordo
Suppremo Patri grates ex corde rependit,
Per quem virgo suis largitur dona salutis.