Gripla - 20.12.2008, Síða 189

187
8. Sequenti tempore cum isdem venerabilis pater in horto cum fratribus
consisteret, repente ibi affuit quidam miserabili specie et habitu stipem
postulans, inedia simul et languore vehementer laborans; siquidem mor-
bus, qui vulgo cancer dicitur, eius dextrum latus apprehendens ita penitus
terebrando consumpserat, ut ad ipsa iam costarum abdita perveniret et
infelicem miserabiliter cruciando necaret. Condolens itaque tantae eius
miseriae vir Dei primo eum refici, dehinc ad monasterium duci et beatae
virginis oleo iubet perungi. Duplo itigur pauper recreatus munere abiit, et
in brevi sanitatem promeruit. Qui salvationis suae non ingratus, uti ille in
evangelio Samaritanus, post triduum ad monasterium rediit, beatae virgini
gratias pro sospitate sua redditurus. Ostendebat cunctis latus suum pridem
gravi ulcere saucium taboque corruptum, nunc cutis superficie et carne sua
ita redintegratum et in antiquae venustatis specie reformatum, ut plane
obstupesceres caelestis opificis per sanctam martyrem insigne miraculum.
In quo et illud erat mirificum, quod tres rigae quasi fila coccinea in ipso
ulceris loco apparebant, tamquam divinae virtutis praetendentes indicia.
Quod videntes qui aderant Dominum in sancta virgine magnificabant et
vota gratiarum unanimiter referebant.
Munere sic Domini, quo possunt omnia sancti,
Pulchrior electro, cuncto pretiosior auro,
Signorum titulis Caterina refulget in arvis.
Hoc ero miraculum licet plurimorum ora testentur, duorum tamen
maxime nostrorum venerabilium fratrum, Odonnis scilicet et Hugonis,
certissima relatione didicimus.
9. Aliud eiusdem gloriosae martyris miraculorum referamus; quod si
necesse fuerit, multorum testimonio approbabimus, in primis etiam ipsius,
cuius animi crudelem perfidiam et falsitatem notantes detegimus. Quidam
miles, Ernigis dictus, unus scilicet magnatum regni, pro uxore sterili votum
vovit beatae Caterinae, quia cuiuscumque sexus prolem ei Deius meri-
tis ipsius annueret, eius amore Dei servitio manciparet. Gloriosa itaque
virgo invocanti et voventi super petitione sua annuit, eodemque anno
fecundata mulier nimii decoris filium parit. Nec immerito decorus erat,
quam suis meritis tanta virgo apud Deum illis obtinuerat. Pater siquidem
magno exultat tripudio redditque beatae virgini gratias pro collato sibi a
Deo ipsius meritis filio. Votum quoque tum quidem servare cogitat; sed
crescente infante corpore pariter et decore, tantae formositatis heredem
THE TRANSLATIO ET MIRACULA ROTOMAGENSIA