Valsblaðið - 01.05.2014, Side 16

16 Valsblaðið 2014
Starfið er margt
Skemmtanir – líf og fjör
Valkyrjur hafa skipulagt konukvöld Vals
og í mars mættu um hundrað konur og
skemmtu sér vel undir góðri dagskrá og
ljúffengum veitingum. Í október var svo
skemmtikvöld Valkyrja, svokallað Val-
kyrjukvöld, þar sem félagsmenn gera sér
glaðan dag með tilheyrandi spurninga-
keppni og söngatriðum.
Stjórnarseta
Eitt af markmiðum Valkyrja er að vera
sýnilegar í innra starfi Vals. Valkyrjur
sitja í mörgum stjórnum og ráðum í Val,
t.d. í aðalstjórn, stjórn barna- og ung-
lingráðs og heimaleikjaráðum. Og það er
alltaf velkomið að leita til okkar þegar
skipa á í nefndir eða stjórnir og við
hjálpum til við að finna hæfar, áhuga-
samar og ábyrgar konur til starfa. Net-
fang Valkyrja er valkyrjur@valur.is
Fleiri verkefni og kröftugt starf
Valkyrjur hafa tekið að sér vinnu í Lolla-
stúku á heimaleikjum meistaraflokkanna
í handbolta en þar fá árskortshafa veit-
ingar í leikhléi og leikmenn hressingu
eftir leik.
Að vanda aðstoðuðu Valkyrjur Fálkana
við hina árlegu jólatrjáa- og dósasöfnun,
bæði við skipulagningu og við veitingar
á sjálfan söfnunardaginn. Yfir hundrað
krakkar, og annað eins af foreldrum,
koma saman þennan dag, safna jólatrjám
og dósum. Þannig taka börnin þátt í því
að endurnýta umbúðir og vinna hverfinu
gagn og fá fyrir það drjúgan pening.
Barnahornið í Valsheimilinu er eitt af
áhugamálum Valkyrja. Því betra sem það
er, því auðveldara eiga fjölskyldur með
að koma á staðinn, hvort heldur sem er á
kappleiki eða íþróttaæfingar. Á heima-
leikjum í handbolta hafa Valkyrjur svo
séð til þess að leikföng séu aðgengileg
við áhorfendastúkurnar svo foreldrarnir
geti horft á leikina um leið og þau gæta
barna sinna.
Þótt Valkyrjur hafi aðeins starfað í rúm
tvö ár hafa okkur borist beiðnir um að
aðstoða og koma að ólíkum verkefnum –
bæði frá félagsmönnum og stjórnendum
Vals. Það er einstaklega ánægjulegt því
til þess voru Valkyrjur stofnaðar: að vera
virkt afl innan Vals til að gera góða hluti
enn betri.
Fyrir hönd stjórnar Valkyrja
Svala Þormóðsdóttir, formaður
Rúmlega hundrað konur eru í Valkyrjum
og innra starf félagsins skiptist í grófum
dráttum í tvennt: annars vegar félags-
fundi þar sem spjallað er saman yfir
heitri súpu og hlustað á áhugaverða fyrir-
lestra. Hins vegar hrein og bein
skemmtikvöld.
Fyrirlestrar og gönguferð
Í febrúar síðastliðnum kom Hanna Björg
Vilhjálmsdóttir kennari á félagsfund með
fyrirlestur um jafnrétti í íþróttum og í
nóvember talaði Margrét Lilja Guð-
mundsdóttir, félagsfræðingur, um for-
varnargildi íþrótta. Fyrirlestrarnir voru
einkar áhugaverðir og fræðandi, ekki síst
fyrir okkur sem erum jafn tengd íþróttum
og raun ber vitni – og spunnust í báðum
tilvikum góðar og gagnlegar umræður.
En haustið byrjaði á óvenjulegum nót-
um því félagsfundurinn var fólginn í
gönguferð. Stefán Pálsson, sagnfræðing-
ur, var fenginn til að fara með Valkyrjur í
sögulega gönguferð um Öskjuhlíðina.
Afskaplega fróðleg og skemmtileg ferð
því þessi útivistarperla er hlaðin meiri
sögu en fólk gerir sér almennt grein fyrir.
Og framundan eru fleiri skemmtilegar
og uppbygglegar uppákomur. Á félags-
fundi Valkyrja koma tæplega 20 konur
að jafnaði. Það er mikið til sami kjarninn
sem mætir og stemningin er góð. Það er
mjög mikilvægt að gefa sér tíma til að
kynnast og mynda góð tengsl. Úr slíkum
jarðvegi spretta góðar hugmyndir og vilji
til verka.
Valkyrjur
tveggja ára
Valkyrjur hafa starfað í rúm 2 ár og rúmlega
hundrað konur eru í hópnum. Félagið er opið
öllum konum og markmiðið er að stuðla að
betra og öflugara starfi hjá knattspyrnufélaginu
Val með sérstakri áherslu á jafnrétti, bæði
hvað iðkendur og stjórnun félagins varðar