Gerðir kirkjuþings - 1995, Page 51

Fræðslu- og þjónustudeild kirkjunnar
Laugavegi 31
150 Reykjavík
Sími 562 1500
Fax 551 3284
Til Kirkjuþings
16. október 1995.
Verksvið Fræðslu- og þjónustudeildar
Fræðsludeildin er starfstæki kirkjunnar til eflingar safnaðarstarfi í landinu öllu.
Fræðsludeild annast námsefnisgerð fyrir alla aldurshópa. Starfsfólk semur
barnaefni til notkunar í sunnudagaskólum, efni fyrir fermingar- og
æskulýðsstörf. Fræðsludeild undirbýr ráðstefnur og námskeið um land allt í
samvinnu við heimafólk. Nefna má í þessu sambandi námskeið fyrir starfsfólk
safnaða, kennara og fóstrur. Mörg hundruð maims sækja þessi námskeið á ári
hverju. Leikmannaskóli kirkjunnar er skipulagður af Fræðsludeild og rekinn í
samvinnu við guðfræðideild Háskólans. Fræðsludeild tekur þátt í starfsþjálfun
guðfræðikandidata og starfsþjálfun djákna er alfarið á vegum hennar. Þá sinnir
deildin ýmsum verkefnum fyrir biskupsembættið. Deildin sér um bókasafn
Biskupsstofu, skráningu þess og öflun fræðsluefnis. Á bókasafninu er að finna
margskonar hjálparefni fyrir safnaðarstarf svo sem bækur, myndbönd, skyggnur
og hljóðsnældur. Starfsfólk Fræðsludeildar annast erlend samskipti, sem
tengjast verksviði deildarinnar, einkum á Norðurlöndum. Starfsfólk
kirkjunnar er boðið velkomið í glæsileg húsakynni á annarri hæð
Kirkjuhússins. Þar er jafnan heitt á könnunni. Blöð og tímarit berast okkur úr
mörgum áttum, ennfremur fréttir af ráðstefnum og fundum. Aukaeintök af
ýmsu efni, blöðum og bókum, liggja þar frammi og geta gestir og gangandi
fengið að eiga það sem áhuga vekur. Verið velkomin!
Fræðslustefna
Fræðsludeild kirkjunnar var stofnuð árið 1989. Starf hennar er og verður í
mótun því ekkert sem gert er í þessum heimi er í sjálfu sér endanlegt. Reynsla
af fyrstu starfsárum deildarinnar er dýrmæt. Ýmsar tilraunir hafa verið gerðar
og ætla má að nú sé „hagkvæm tíð" runnin upp og rétt sé að draga lærdóm af
verkunum og vinna markvisst að mótun fræðslustefnu kirkjunnar.
46