Gerðir kirkjuþings - 01.01.2000, Blaðsíða 71

Ályktun um tilraunaverkefni í Grafarvogssókn og
Grafarvogsprestakalli í Reykjavíkurprófastsdæmi eystra
16. mál, flutt af biskupafundi
Kirkjuþing 2000 samþykkir að tilraun verði gerð með starfrækslu Grafarvogssóknar
og Grafarvogsprestakalls í óbreyttri mynd í 10 ár, frá 1. janúar 2001 að telja.
Athugasemdir við tillögu þessa.
Á kirkjuþingi 1999 var lögð fram tillaga um ofangreint efni (5. mál kirkjuþings 1999 -
Gerðir kirkjuþings 1999, bls. 37). Tillagan fól í sér að kannað yrði hvemig til tækist
með að starfrækja kirkjusókn og prestakall sem stærri einingu en áður hefur þekkst.
Tillögunni var vísað til biskupafundar til kynningar fyrir réttum kirkjustjómaraðilum,
sbr. starfsreglur um skipan sókna, prestakalla og prófastsdæma m. 731/1998. Tillagan
hefur hlotið umfjöllun sóknamefndar Grafarvogssóknar og héraðsfundar
Reykjavíkurprófastsdæma og var samþykkt þar. Biskupafundur leggur hana því aftur
fram á kirkjuþingi 2000 til endanlegrar úrlausnar. Vísað er til framanritaðra gerða
kirkjuþings 1999 um frekari rökstuðning fyrir tillögunni.
Með breytingu frá fjárhagsnefnd var samþykkt eftirfarandi
ÁLYKTUN
Kirkjuþing samþykkir að tilraun verði gerð með starfrækslu Grafarvogssóknar og
Grafarvogsprestakalls í óbreyttri mynd í 10 ár frá 1. janúar 2001 að telja. Samþykkt
þessi komi til endurskoðunar að fimm ámm liðnum.
67