Gerðir kirkjuþings - 01.01.2000, Blaðsíða 55

Starfsreglur um biskupafund
9. mál, flutt af kirkjuráði ásamt breytingartillögu frá Gunnari Kristjánssyni
1. gr. Biskup íslands boðar vígslubiskupa til biskupafundar, sbr. 19. gr. laga um
stöðu, stjóm og starfshætti þjóðkirkjunnar nr. 78/1997, ársfjórðungslega og oftar ef
þurfa þykir.
2. gr. Biskupafundur er haldinn til upplýsinga og samráðs um biskupsþjónustuna og
málefhi kirkjunnar.
Biskupafundur skal skipuleggja vísitasíur biskupa og gera áætlun um þær.
3. gr. Biskupafundur fjallar um málefni sem lög og starfsreglur kveða á um varðandi
trú og kenningu kirkjunnar, helgisiði og helgihald.
4. gr. Biskupafundur undirbýr mál er varða breytingar á skipan sókna, prestakalla og
prófastsdæma í hendur kirkjuþings. Biskupafundur gerir tillögur um þau efni á
grundvelli gildandi laga og starfsreglna og stefhumörkunar kirkjuþings ef árleg
endurskoðun skipulags þykir gefa tilefni til. Þá undirbýr biskupafundur auk þess
tillögur um þessi efni sem kunna að berast frá héraðsfundum í hendur kirkjuþings og
fjallar jafhffamt um aðrar tillögur sem kunna að berast.
5. gr. Starfsreglur þessar sem settar em á grundvelli 19. gr. og 59. gr. laga um stöðu,
stjóm og starfshætti þjóðkirkjunnar nr. 78/1997 öðlast gildi 1. janúar 2001.
Að tillögu löggjafamefndar samþykkir kirkjuþing einnig eftirfarandi
ÁLYKTUN
Kirkjuþing 2000 beinir því til biskupafundar og nefndar þeirrar sem skipuð er á
grundvelli afgreiðslu 33. máls kirkjuþings 2000 að skoða breytta tilhögun á vali
presta. Tillagan er svohljóðandi: “Biskupafundur velur presta, sbr. 35. gr. laga um
stöðu, stjóm og starfshætti þjóðkirkjunnar nr. 78/1997. Skal við valið fara að
ákvæðum gildandi starfsreglna um val á sóknarprestum, eins og við getur átt. Biskup
skipar þann í embætti sem biskupafundur mælir með”.
51