Gerðir kirkjuþings - 01.01.2000, Blaðsíða 5

Formáli
Á 32. kirkjuþingi voru lögð fram og afgreidd mörg mál, sem eru mikilvæg fyrir kirkju
og safnaðarstarf. Alls voru samþykktar níu nýjar starfsreglur, breytingar á fjórum eldri
starfsreglum og tuttugu ályktanir.
Umfangsmestu starfsreglumar em um kirkjuráð og byggjast þær fyrst og fremst á því
lögbundna ákvæði, að kirkjuráð fari með framkvæmd sameiginlegra málefna
þjóðkirkjunnar. í samræmi við það er staða kirkjuráðs skilgreind og verkefnum skift
milli þess, kirkjuþings og biskups íslands.
Starfsreglur um kirkjur og safnaðarheimili snerta söfnuðina ekki síður. í umræðum um
málið á þinginu var einkum bent á vanda kirkna, sem standa yfirgefnar eftir að
söfnuður er horfínn, og einnig fyrrverandi sóknarkirkjur fámennra safnaða, sem
sameinast öðmm. í starfsreglunum em þær nefndar bænhús og kveðið á um hver ber
ábyrgð á þeim. Hins vegar hlýtur að verða að treysta betur ijárhagsgrundvöll þeirra.
Kirkjuþingið samþykkti stefiiumörkun um framtíðarskipan sókna, prestakalla og
prófastsdæma og er hún byggð á tillögum, sem fjallað var um á kirkjuþingi 1999.
Þessi dæmi sýna, hvað samþykktir kirkjuþings snerta allt kirkjulegt starf. Það er
því mjög mikilvægt, að starfsmenn, sóknarnefndir og söfnuðir kynni sér vel
samþykktir þingsins og komi með athugasemdir og ábendingar um það sem betur
má fara. Margar slíkar umsagnir bámst kirkjuþingi að þessu sinni og var reynt að taka
tillit til þeirra eftir því sem rök vom fýrir og tök á.
í þessum „Gerðum kirkjuþings“ em allar nýjar starfsreglur og ályktanir birtar. Verða
þær sendar öllum starfandi prestum, svo að þær verða fýrir hendi í öllum prestaköllum.
Óski fleiri eftir að fá þær sendar er hægt að hringja eftir þeim á biskupsstofu. Þá em
allar umræður á kirkjuþingi og þingskjöl birt á kirkjuvefnum, www.kirkjan.is, svo að
þar em þau aðgengileg.
Á kirkjuþingi kom fram afdráttarlaus vilji til að einbeita sér að hinum mikilvægu
verkefnum þess, setningu starfsreglna og stefnumörkun. En það léttir fulltrúum á
þinginu störf þeirra og gerir þau árangursríkari, ef hægt er að koma á farsælu sambandi
þingsins við starfsmenn kirkjunnar, sóknamefndir og söfnuði. Forseti kirkjuþings beinir
þeim eindregnu tilmælum til þeirra að nýta sér þessa möguleika til að kynna sér störf
þingsins og leita þá til fulltrúa sinna til upplýsinga og ábendinga.
Formleg erindi ber síðan að senda svo fljótt sem kostur er til kirkjuráðs, sem annast
framkvæmdastörf fýrir kirkjuþing og undirbýr næsta kirkjuþing í samráði við forseta.
Verða þau þá tekin þar til athugunar við undirbúning og framkvæmd mála.
Jón Helgason, forseti kirkjuþings.
3