Gerðir kirkjuþings - 01.01.2000, Blaðsíða 92

Tillaga
að starfsreglum um breyting á starfsreglum um presta nr. 735/1998
33. mál, flutt af Gunnari Kristjánssyni
1. gr. 14 gr. orðist svo: Skipa skal í prestsembætti með tvennum hætti: í annað hvert
skipti með valnefhdarkosningu/almennri kosningu en hins vegar með tilnefningu.
Eigi að skipa í prestsembætti með kosningu sendir biskup prófasti umsóknir þeirra er
sótt hafa. Prófastur boðar valnefnd til fundar. A fyrsta fundi skulu umsóknir ásamt
fylgigögnum liggja ffammi til athugunar. Fundir valnefndar eru lokaðir.
2. gr. 15. gr. orðist svo: Valnefnd skal skipuð þannig: Sjö fulltrúar prestakalls og
jafnmargir varamenn þeirra eru valdir til setu í valnefnd til fjögurra ára á
sóknamefndarfundi eða á sameiginlegum fundi sóknamefnda í prestaköllum þar sem
sóknir em fleiri en ein. Sé ein sókna prestakallsins ljölmennari en hinar samanlagt
skulu varamenn hennar einnig taka þátt í vali fulltrúanna. Þess skal gætt að sanngimi
gagnvart íbúaíjölda sóknanna ráði við val fulltrúa. A fyrsta fundi skal nefndin einnig
skipta með sér verkum.
Valnefndir geta aflað sér frekari upplýsinga um umsækjendur og kynnt sér störf
þeirra. Við mat á hæfni umsækjenda skal valnefnd m.a. líta til menntunar þeirra,
starfsaldurs, starfsreynslu og starfsferils. Sé áskilin sérstök þekking eða reynsla í
auglýsingu um laust embætti eða starf er að öðm leyti mjög sérhæft, skal meta
umsækjendur eftir því hvemig þeir uppfylla þau sérstöku skilyrði. Við val samkvæmt
ofanskráðu skal gæta ákvæðajafnréttislaga nr. 28/1991. Nefndin boðar alla
umsækjendur á sinn fund. Nefndin skal hraða störfum svo sem kostur er.
3. gr. 16. gr. orðist svo: Að lokinni kynningu á umsækjendum stjómar prófastur
leynilegri kosningu í valnefnd, meiri hluta greiddra atkvæða þarf til þess að kosning
sé bindandi. Ákvörðun valnefndar ber að kynna söfnuðinum í guðsþjónustu næsta
sunnudag eftir að kosning fór fram. Umsækjandinn sem kosinn hefur verið skal síðan
halda guðsþjónustu og flytja kynningarprédikun.
Innan sex daga þaðan í frá getur hver sóknarmaður sem er, sem hefur rétt til að kjósa á
almennum safnaðarfundi, gert skriflegar athugasemdir við val valnefndar. Skulu
athugasemdir m.a. miðast við kenningarleg atriði.
4. gr. 17. gr. orðist svo: Náist ekki niðurstaða í kosningu valnefndar eða verði
athugasemdir sóknarbama þess eðlis að ekki verði við þann umsækjanda unað, sem
valnefnd hefur valið, kemur til almennra kosninga þar sem kosið skal milli allra
umsækjendanna. Þeir skulu leiða guðsþjónustu og flytja kynningarprédikun. Sá sem
flest atkvæði fær hlýtur embættið. Séu atkvæði jöfn skal hlutkesti ráða.
Sóknarmenn hafa nú viku til að gera athugasemdir til dóms- og
kirkjumálaráðuneytisins en að þessu sinni skulu þær athugasemdir einvörðungu ná til
lagalegra framkvæmdaratriða kosningarinnar. Valnefnd skal reiðubúin að rökstyðja
ákvörðun sína verði eftir því leitað af þeim sem eiga hagsmuni í málinu. Telji einhver
umsækjenda ástæðu til að kæra niðurstöður valnefndar eða framkvæmd kosningar
getur hann snúið sér til úrskurðamefndar.
Atkvæðisrétt hafa þeir sem kjörgengir em til kosninga á almennum safnaðarfundi á
kjördag. Ef ágreiningur rís um hvort almenn kosning eigi að fara fram úrskurðar
yfirkjörstjóm þjóðkirkjunnar, sbr. starfsreglur um kjör til kirkjuþings og þingsköp, um
það.
88