Ritið : tímarit Hugvísindastofnunar - 01.05.2010, Qupperneq 150

150
Þýðir það hugsanlega að hið staðbundna eigi möguleika innan Holly-
wood? Vinsældir myndanna gefa til kynna að auðvelt sé að markaðssetja
bresk einkenni en um leið verður erfitt að átta sig á hvað felst í hugmynd-
um okkar um hið enska þar sem um vörumerki er að ræða sem er selt til
útlanda. Higson bendir á að ímyndin um hið enska sé felld að kröfum og
væntingum neytenda á vörunni og að hún eigi að mæta fyrirframgefnum
hugmyndum þeirra. Vörumerkið tilheyrir ekki Bretlandi á einfaldan hátt
og það er undarlegt að telja að myndirnar birti „breskar“ steríótýpur þar
sem dregin er fram smækkuð mynd af lífi enskrar hástéttar í fortíðinni,
sem jafnframt er klædd í búning til útflutnings. Lykilatriðið er að arfleifð-
arímyndin er nútímaleg endurgerð og endursköpun á lífsmáta ákveðinnar
stéttar í fortíðinni.23 Þá eru myndirnar sniðnar frekar að bandarískum
markaði með því að nota bandaríska leikara og persónur, höfundar skáld-
sagnanna eru í sumum tilfellum bandarískir og jafnvel sviðsetningin líka.
Hollywood hefur þannig gert „breskar“ arfleifðarmyndir bandarískari
þrátt fyrir að þær séu greindar frá ríkjandi kvikmyndum og menningarlega
séð ennþá taldar vera enskar.
II. Gamla England: Landslag og erótík
Arfleifðarmyndir eru samt sem áður taldar gegna mikilvægu hlutverki í því
að viðhalda einhvers konar ímynd af Englandi. Andrew Higson bendir á
að þegar við hugsum um England hugsum við ekki um mannmargar verk-
smiðjur eða borgaraleg einbýlishús, heldur aflíðandi hæðir, græna akra,
tíguleg tré, lítil íbúðarhús í litlu þorpi, kirkjur og sveitasetur. Um sé að
ræða grænt og yndislegt land (bls. 49). Landslagið er gjarnan í líkingu við
það sem National Trust verndar. Higson heldur því fram að tíðarandasvið-
setningin sé bundin upplifun áhorfenda en tengist ekki persónum sögunn-
ar. Áhorfandinn horfi á arfleifðarmenninguna sem myndirnar bjóða upp á
meðan persónulegt gláp hinnar dramatísku persónu sé rómantískt.
Persónurnar dáist næstum því aldrei að umhverfinu (bls. 38–9).
Þessar staðhæfingar Higsons eiga hvorki við Pride and Prejudice-
þáttaröðina né Brideshead Revisited þar sem báðar sögur einkennast af glápi
aðalhetjunnar sem meðtekur umhverfi sitt á svipaðan hátt og neytandi
arfleifðarmenningar. Elísabet Bennet (Jennifer Ehle) ferðast um Derbys-
hire-héraðið með Gardiner-hjónunum og nýtur þess sem umhverfið hefur
upp á að bjóða rétt eins og nútímatúristinn sem ferðast um sögufrægar
23 Sama rit, bls. 142–3.
alDa BjöRK ValDimaRsDóttiR