Ritið : tímarit Hugvísindastofnunar - 01.05.2010, Page 219

219
Dudley Andrew er prófessor í kvikmyndafræði og almennri bókmenntafræði
við Yale-háskóla í Bandaríkjunum og einhver markverðasti kvikmyndafræð-
ingur vestanhafs undanfarna áratugi. Bækur hans The Major Film Theories
(1976) og Concepts in Film Theory (1984) voru lykilverk á mótunarárum kvik-
myndafræðinnar í háskólum Bandaríkjanna og eru víða kenndar enn í dag.
Þess má geta að kaflinn um aðlögun í þeirri síðarnefndu var þýddur af Garðari
Baldvinssyni fyrir fyrsta hefti Ritsins 1/2001. Líkt og greina má af The Major
Film Theories hefur franski kvikmyndafræðingurinn André Bazin (1918–58)
reynst Andrew sérstaklega hugleikinn en hann skrifaði ævisögu Bazin þegar
árið 1978 auk þess sem nýjasta verk hans What Cinema Is! (2010) er samræða
við höfundarverk Frakkans. Frönsk kvikmyndagerð var og sérsvið Andrews
framan af og eru þar fyrirferðarmestar bækurnar Mists of Regret (1995) og
Popular Front Paris and the Poetics of Culture (2005, skrifuð með Steven
Ungar).
Á undanförnum árum hefur Andrew leitað fanga miklu víðar og mætti í því
samhengi nefna kvikmyndagerð Írlands, Vestur-Afríku og Austur-Asíu.
Samfara því hefur hann verið í fararbroddi þeirra kvikmyndafræðinga sem velt
hafa fyrir sér innviðum og merkingu heimsbíósins en greinin sem hér er þýdd
er þegar orðin miðlæg í þeirri umræðu. Hún birtist fyrst í tímaritinu
Framework 45:2 haustið 2004 en hér er þýtt eftir endurprentun hennar úr
Remapping World Cinema í ritstjórn Stephanie Dennison og Song Hwee Lim,
London: Wallflower Press, 2006, bls. 19–29. Greinin er að einhverju leyti
kennslufræðileg þar sem Andrew veltir fyrir sér hvernig best skuli hagað
kennslu á heimskvikmyndum (einkum fyrir bandaríska nemendur), en fyrst og
fremst eru skoðuð hnattræn tengsl kvikmyndagerðar með aðstoð ólíkra korta.
Greinin krefst ekki kvikmyndafræðilegrar sérþekkingar en sækir fremur í
íðorðaforða grasafræði og kortagerðar! Kvikmyndaatlasinn hans Andrews á
enda erindi langt út fyrir geira kvikmyndafræðinnar, eða til allra þeirra er láta
Dudley andrew
Kvikmyndaatlasinn
Ritið 2/2010, bls. 219–235