Peningamál - 01.03.2004, Blaðsíða 4

framkvæmdaárunum og að ekki verði kynt undir
útlánaþenslu.
Verðbólguspáin sem birt er í þessu hefti kallar að
óbreyttu á hærri stýrivexti bankans á komandi
mánuðum, þótt verðlagshorfur séu góðar fram á
næsta ár. Sakir þess að peningastefnan þarf að vera
framsýn gæti þetta hæglega þýtt að Seðlabankinn
hækki stýrivexti sína jafnvel þótt verðbólga sé enn
nokkuð undir markmiði bankans. Hinar miklu fram-
kvæmdir á næstu árum leiða til þess að skyggnast
þarf lengra fram á veginn þegar ákvarðanir eru teknar
í peningamálum en að öllu jöfnu. Sjónarmið sem
varða fjármálastöðugleika gefa tilefni til hins sama.
Ákvarðanir um hve fljótt eða hratt eigi að hækka
vexti þurfa að taka mið af því hvoru fylgi meiri
áhætta: að vextir verði tímabundið lægri en þarf til að
tryggja framgang verðbólgumarkmiðsins eða heldur
hærri. Sökum umfangs framkvæmda sem framundan
eru og áhrifa þeirra á almenna eftirspurn er ólíklegt
að hægfara vaxtahækkun á næstu mánuðum geti leitt
til of mikils aðhalds nema e.t.v. í mjög skamman tíma
og ætti því að hafa lítið framleiðslutap í för með sér.
Þá áhættu verður að vega á móti áhættu sem stafað
gæti af of litlu aðhaldi í upphafi sem myndi krefjast
mun harkalegra aðhalds síðar með tilheyrandi
afleiðingum. Þetta mun Seðlabankinn meta betur á
næstunni. Bankinn mun einnig fylgjast náið með
ákvörðunum sem teknar verða um fyrirkomulag
húsnæðislána, t.d. hvort samhliða hækkun hámarks-
lána og veðmarka verði gerðar breytingar sem vega á
móti þensluáhrifum þeirra. Þá skiptir verulegu máli
hvort boðað aðhald í ríkisfjármálum á þessu ári
gengur eftir og þegar litið er lengra fram á veg
hvernig stefnan í þeim verður á árunum 2005 og
2006.
PENINGAMÁL 2004/1 3