Peningamál - 01.03.2006, Blaðsíða 70

STARFSREGLUR UM UNDIRBÚNING, RÖKSTUÐNING
OG KYNNINGU ÁKVARÐANA Í PENINGAMÁLUM
P
E
N
I
N
G
A
M
Á
L

2
0
0
6
•
1
70
• Að tryggt sé eftir föngum að upplýsingar sem máli skipta og þekk-
ing starfsmanna nýtist við ákvarðanir í peningamálum.
• Að ákvörðunarferlið auki gagnsæi peningastefnunnar og auðveldi
kynningu á henni.
• Að fyrir liggi eftir á hvernig einstakar ákvarðanir voru teknar og
hvaða ráð og rök lágu að baki.
Samkvæmt ákvæðum 1. mgr. 23. gr. nr 36/2001 fer bankastjórn
með ákvörðunarvald í peningamálum.
Samkvæmt 3. gr. laga nr. 36/2001 er meginmarkmið Seðlabanka
Íslands að stuðla að stöðugu verðlagi. Í yfi rlýsingu ríkisstjórnarinnar
og Seðlabankans frá 27. mars 2001 var bankanum sett tölulegt mark-
mið um verðbólgu sem er að jafnaði sem næst 2½% hækkun vísitölu
neysluverðs á tólf mánuðum.
Vinnuferli við ákvarðanir í peningamálum
1. Seðlabanki Íslands gerir verðbólguspá sem skal birt í riti bankans
Peningamálum. Verðbólguspáin er gerð á hagfræðisviði bankans
og byggist á þjóðhagsspá og öðrum spálíkönum sem hagfræðisvið
ræður yfi r og þróar. Bankastjórn staðfestir formlega verðbólguspá
til birtingar í Peningamálum. Ítarleg grein skal hverju sinni gerð fyrir
forsendum hennar.
2. Fyrir lok hvers almanaksárs skal bankastjórn ákveða og tilkynna
opinberlega eigi færri en sex vaxtaákvörðunardaga fyrir komandi
ár. Útgáfudagar Peningamála geta verið formlegir vaxtaákvörð un-
ardagar.
3. Í aðdraganda vaxtaákvarðana efnir bankastjórn til peningastefnu-
funda sem hér segir:
a. Um það bil viku fyrir vaxtaákvörðunardag efnir bankastjórn til
fundar þar sem ítarlega er farið yfi r þróun og horfur í efnahags-
og peningamálum. Á þessum fundi skal leggja fram öll tiltæk
gögn sem máli skipta við greiningu á framvindu efnahagsmála
og við mat bankans á samræmi peningastefnu og verðbólg-
umarkmiðs. Meðal þessa efnis eru Hagvísar, frekari vísbend-
ingar um þróun eftirspurnar, utanríkisviðskipti og vinnumarkað
og upp lýsingar um miðlun peningastefnunnar og lausafjáráhrif
að gerða Seðlabankans.
Í þeim tilvikum þar sem vaxtaákvörðunardagur er jafn-
framt útgáfudagur Peningamála skal fyrir fundinn leggja fram
drög að þjóðhags- og verðbólguspá og drög að meginköfl um
Peningamála til kynningar og umræðu á fundinum. Aðalhag-
fræðingur og framkvæmdastjórar hafa framsögu um efni sem
frá sviðum þeirra kemur.
b. Þegar líður nær vaxtaákvörðun efnir bankastjórn til fundar þar
sem m.a. verður kynnt og rætt mat á samræmi peninga stefnu
og verðbólgumarkmiðs í ljósi greiningarinnar á stöðu og horf-
um sem kynnt var og rædd á fundi skv. a-lið. Lögð skulu fram til
umfjöllunar drög að inngangi í Peningamál eða frétt um vænt-
anlega ákvörðun bankastjórnar þegar ákvörðunardagur er ekki
útgáfudagur Peningamála.
PM061_Starfsreglur.indd 70 30.3.2006 10:04:33