Peningamál - 01.05.2010, Blaðsíða 81

ANNÁLL
P
E
N
I
N
G
A
M
Á
L

2
0
1
0
•
2
81
Hinn 5. mars tilkynnti fjármálaeftirlitið að gengið hefði verið frá upp-
lýsingaskiptasamningum við Fjármálaeftirlitið á Bresku Jómfrúareyjum
og Verðbréfaeftirlit Alberta-fylkis í Kanada.
Hinn 6. mars fór fram þjóðaratkvæðagreiðsla um heimild til ríkis-
ábyrgðar vegna Icesave-reikninganna. Var ábyrgðarheimildinni hafnað
með um 98% gildra atkvæða. Gengu því eldri lög um ábyrgðarheimild
með fyrirvörum, nr. 136/2009, aftur í gildi.
Hinn 10. mars veitti Fjármálaeftirlitið Arev verðbréfafyrirtæki hf. aukn-
ar starfsheimildir sem verðbréfafyrirtæki og var starfsleyfi félagsins
endurútgefið með tilliti til þess.
Hinn 17. mars ákvað peningastefnunefnd Seðlabanka Íslands að lækka
vexti bankans um 0,5 prósentur. Vextir á viðskiptareikningum innláns-
stofnana lækkuðu í 7,5%, hámarksvextir á 28 daga innstæðubréfum í
8,75%, vextir á lánum gegn veði til sjö daga í 9,0% og daglánavextir
í 10,5%.
Hinn 22. mars samþykkti Alþingi (483. mál á 138. þingi) lög sem
banna verkfall flugvirkja, sem hófst á miðnætti kvöldið áður. Gildis-
tími kjarasamnings sem rann út 31. október 2009 var framlengdur út
nóvember 2010.
Hinn 23. mars úrskurðaði nefnd um erlenda fjárfestingu að ekki væri
ástæða til að gera athugasemdir við fjárfestingu Magma Energy
Sweden AB í HS Orku hf. Úrskurður nefndarinnar telst endanlegur.
Hinn 25. mars samþykkti Alþingi breytingu (386. mál á 138. þingi)
á lögum um tekjuskatt, sem heimilar ríkisskattstjóra að krefjast kyrr-
setningar eigna hjá aðilum sem grunaðir eru um stórfelld brot á fram-
talsreglum eða ef talin er veruleg hætta á að stórfelld vanhöld verði á
skattskilum.
Hinn 29. mars veitti Fjármálaeftirlitið Arctica Finance hf. starfsleyfi sem
verðbréfafyrirtæki, samkvæmt lögum um fjármálafyrirtæki. Samhliða
fékk Arctica Eignarhaldsfélag ehf. heimild til að eiga og fara með yfir
50% eignarhlut í Arctica Finance.
Hinn 30. mars staðfesti matsfyrirtækið Standard & Poor's lánshæfisein-
kunnir Ríkissjóðs Íslands fyrir erlendar langtíma- og skammtímaskuld-
bindingar BBB-/A-3. Lánshæfiseinkunnir fyrir innlendar langtíma- og
skammtímaskuldbindingar voru lækkaðar í BBB/A-3 úr BBB+/A-2.
Lánshæfiseinkunnirnar voru teknar af gátlista, þar sem þær hafa verið
með neikvæðum horfum frá 5. janúar 2010. Horfur eru áfram nei-
kvæðar.