Múlaþing: byggðasögurit Austurlands - 01.01.2000, Síða 130

Múlaþing
Vöðlum, vissu að slysið bar til með þeim
hætti að Páll lenti í snjóflóði og fór fyrir
björg. Þá bar þeim öllum saman um að
Oddný kona hans hefði farið niður til hans
og setið yfir honum þar til hann dó. Þær
systur Asta og Anna Þorvarðardætur og
eiginmenn þeirra Björgvin og Hjálmar
bættu síðan við vitneskjunni um slys-
staðinn.
Mér virðist ljóst að heimildarmaður alls
þessa fólks hefur verið Anna Guðnadóttir.
Næst varð mér fyrir að leita í kirkjubók
Hólmasóknar; kirkjubækur Hólma eru
gloppóttar tímabilið 1820-30 og vantar
mikilvæga kafla í þær. Þar fann ég þó
fljótlega fólkið sem voru þátttakendur í
þessum atburðum.
Prestþjónustubókin segir frá því árið
1823 að 6. desember hafi látist og 12.
desember hafi verið jarðsunginn Páll Jóns-
son bóndi frá Vöðlum; banamein hans var
að hann „hrapaði í snjóflóði og kostaðist til
dauðs“.
Páll Jónsson á Vöðlum
Páll Jónsson fæddist 21. október árið
1794 á Streiti í Breiðdal; foreldrar hans
voru þau Jón Árnason og Kristín Jónsdóttir
hjón sem bjuggu á Streiti. Kristín var síðari
kona Jóns Árnasonar. Alsystkini Páls
Jónssonar voru Jón Jónsson sem lengst bjó
á Kolmúla í Reyðarfirði og Kristín sem
varð húsfreyja á Vöðlum og giftist Jóni
Andréssyni bróður Oddnýjar konu Páls
Jónssonar.
Faðir Kristínar á Streiti var Jón Sig-
mundsson sem síðast bjó á Víðirlæk í
Skriðdal, dóttir hans af síðara hjónabandi,
og hálfsystir Kristínar á Streiti, hét Oddný
og varð hún kona Jóns á Kolmúla en
jafnframt móðursystir hans.
Jón Árnason bjó á Osi í Breiðdal 1762
til 1786, á Streiti var hann frá 1786 og þar
býr hann 1801. Árið 1816 er hann á
Vöðlum og staða hans þar ekki skilgreind
svo að gagni komi en líklega er hann þar
bóndi. Þar eru með honum kona hans,
Kristín Jónsdóttir, og börn þeirra, Kristín og
Páll. Á Vöðlum býr þá Andrés Jónsson og
Oddný dóttir hans er skráð bústýra.
Andrés og Solveig á Vöðlum - Oddný
Andrésdóttir á Vöðlum
Oddný Andrésdóttir fæddist á Karls-
stöðum í Vöðlavík 16. nóvember 1796.
Foreldrar hennar voru hjónin á Karls-
stöðum, Andrés Jónsson og Solveig
Jónsdóttir. Andrés fæddist á Kollaleiru í
Reyðarfirði 1753 en fæðingarstaður Sol-
veigar er ókunnur. Við manntal 1762 er á
Karlsstöðum í Vöðlavík Solveig Jónsdóttir
12 ára dóttir hjónanna Jóns Jónssonar sem
þar býr 34 ára og konu hans Rannveigar
Guðbrandsdóttur 47 ára. Líklega er það
Solveig móðir Oddnýjar sem hér er talin.
Árið 1762 er Andrés Jónsson vinnuhjú í
Stóru-Breiðuvík, aldur ekki nefndur; þetta
er trúlega Andrés á Karlsstöðum. Þetta ár er
Kollaleira í eyði, sama er um Sómastaða-
gerði, Teigagerði og Bakkagerði. í kirkju-
bók Hólma er þeirra Andrésar og Sólveigar
fyrst getið 1777, þá eru þau trúlofuð á
Kirkjubóli í Vöðlavík, 1785 eru þau farin að
búa á Karlsstöðum og þar búa þau lengst af
eða a.m.k. til 1808. Eins og fyrr getur er
Andrés orðinn bóndi á Vöðlum 1816 og þá
sagður ekkjumaður. Eyða er í kirkjubók
Hólma 1813 til 1816 en á því árabili hefur
Solveig látist. Andrés varð fjörgamall og
lést á Vöðlum 23. nóvember 1834.
Sonur Andrésar og Solveigar, Jón,
fæddist á Karlsstöðum 4. október 1786;
Oddný systir hans var réttum 10 árum
yngri. Ekkert barn virðist Solveig hafa alið
í millitíðinni. Svo er að sjá sem þeim
Andrési og Solveigu hafi búnast vel á
128