Tímarit hjúkrunarfræðinga - 01.10.2011, Page 44

Tímarit hjúkrunarfræ›inga – 5. tbl. 87. árg. 201140
Eva Agge, Eva.Agge@sairaanhoitajaliitto.
FINNSKUR HJÚKRUNARFRÆÐINGUR FÆR
NIGHTINGALE­VERÐLAUNIN
Finnska hjúkrunarfræðingnum
Liisu Hallila, sem jafnframt er
doktor í heimspeki, voru veitt
Florence Nightingale­verð­
launin á hátíðlegum hádegis ­
verðarfundi á ráðstefnu Alþjóða­
ráðs hjúkrunarfræðinga (ICN) á
Möltu í maí sl. Ritstjóri finnska
hjúkrunartímaritsins, Eva Agge,
tók hana tali á ráðstefnunni.
„Ég gleðst fyrir hönd finnskrar hjúkrunar.
Ég vil sérstaklega þakka stjórn finnsku
hjúkrunarfræðingasamtakanna sem sóttu
um þessi verðlaun fyrir mína hönd,“ sagði
Liisa Hallila við afhendingu þeirra.
Áður en formleg verðlaunaafhending fór
fram sagði Liisa Hallila á svölunum á
sólríku kaffihúsi að hún hefði getað gefið
sér tíma til að taka við verðlaunum og
taka þátt í ráðstefnu ICN á Möltu af
því að nú væri hún að sækja um styrk
fyrir nýtt verkefni. Næstu hugsanlegu
vinnustaðir væru háskóli í Sádi­Arabíu,
verkefni Evrópusambandsins og verkefni
WHO í Bangladess, en þar hefur hún
áður starfað.
„Með réttum og markvissum aðgerðum,
sem sýnt hefur verið fram á að skili árangri,
tókst verkefnið í Bangladess sannarlega
vel, ég er mjög ánægð,“ segir Liisa.
Þakklæti hjúkrunarfræðinga og ljósmæðra
á hverjum stað hefur Liisu Hallila þótt það
besta við alþjóðleg þróunarverkefni.
Áður hafa Albanía, Kosovo og Papúa
verið nefnd í starfsvottorðum Liisu
Hallila, auk meðal annars Indónesíu og
Rússlands. Í þessum löndum og fleiri
hefur Liisa Hallila mótað menntun og
umönnunarstörf hjúkrunarfræðinga og
ljósmæðra. „Snemma á ferlinum leiddist
ég út í þessi þróunarstörf,“ segir Liisa
hlæjandi.
„Ég hef fengið að gera það sem mig hefur langað til,“ segir Liisa Hallila.
Mynd: Anders Olsson.
En hvernig finnur maður svona störf? „Ég
hef verið sjálfstæður atvinnurekandi og
ráðgjafi í um tuttugu ár. Ég sæki um störf
og verkefni alveg eins og allir aðrir, leita á
vefsíðum WHO og Sameinuðu þjóðanna
eftir áhugaverðum verkefnum. Svo sendi
ég ferilskrána.“
Liisa Hallila segist öðru hvoru sækja
um vinnu í heimalandinu en henni finnst
fordómar gagnvart eldri konum mjög miklir
í Finnlandi. Í alþjóðlegum verkefnum kunna
menn vel að meta fjölbreytta kunnáttu
og reynslu. Hún skrifaði doktorsritgerð
sína við Caledoniaháskólann í Glasgow
til að öðlast alþjóðlega reynslu og
bæta tungumálakunnáttuna. Doktors­
rannsóknirnar hafa tvímælalaust gagnast
henni á ferlinum.
Við verkefnisvinnuna í starfslandinu virkjar
Liisa Hallila fyrst starfsfólk staðarins. Hún
fer síðan með starfsmönnum verkefnisins
á fund ráðuneytismanna. Annars myndu
þessir tveir aðilar ekki endilega hittast
og ræða málin. „Þannig fer í raun fram
þarfagreining,“ útskýrir Liisa Hallila og
fær þetta til að virðast auðvelt.
Henni finnst öll störf auðveld ef menn
kunna sitt fag. Hún segist hafa nýlokið
kennaraprófi frá háskóla í New York til
viðbótar við meistaraprófið. Stöðugt nám
heldur fólki spræku.
Í Bangladess tók Liisa Hallila þátt í að
semja markmiðs­ og starfsáætlun fyrir
hjúkrunarfræðinga og ljósmæður. Hún
segist hafa sótt stefnumótun fyrir starfið
í rannsóknir sem gerðar voru á staðnum.
Í þakkarræðu við verðlaunaafhendinguna
lagði Liisa Hallila áherslu á mikilvægi
stuðnings frá heimalandinu. Hún hefur
tekið þátt í störfum rannsóknarsjóðs
umönnunar í Finnlandi frá því að hún
lauk námi. „Þaðan hef ég fengið mikinn
stuðning við hugmyndir mínar og störf,“
segir hún.