Þjóðmál - 01.06.2012, Page 84

Þjóðmál SUmAR 2012 83
Í jólahefti Þjóðmála 2011 (4 . hefti 2011), birtist út tekt
undir yfirskriftinni: Gríms­
staðir á Fjöllum í hnattrænni
tog streitu . Þar er sagt frá um­
ræðum innan lands og utan um áhuga
Huangs Nubos, auðmanns frá Kína, á að
eignast Grímsstaði á Fjöllum . Hér verður
sögunni fram haldið og skýrt frá annarri
tilraun Huangs Nubos til að sölsa Gríms­
staði á Fjöllum undir sig . Að þessu sinni
er ekki um hnattræna togstreitu að ræða
heldur tilraun til að beita sveitarstjórnar­
mönn um á norðausturhorni Íslands fyrir
vagn Huangs Nubos .
Ögmundur Jónasson innanríkisráð­herra hafnaði hinn 25 . nóvember
2011 umsókn Huangs, frá 31 . ágúst sama
ár, um undan þágu frá lögum svo að hann
gæti eignast hluta Grímsstaða . Í kjölfarið
tók Huang að flytja óhróður um Íslendinga
og íslensk stjórn völd í Kína . Hann taldi
sig beittan misrétti vegna þjóðernis síns
og ranghugmynda um áform sín . Túlkaði
hann meira að segja ákvörð un Ögmundar
á þann veg að hann ýtti undir
vænisýki Kínverja gagn vart
Vestur löndum og um heim­
inum almennt .
Katrín Júlíusdóttir iðnaðar­
ráðherra sagði 3 . desember 2011:
Við höfum haft samband við hann [Huang
Nubo] í samstarfi við fjárfestingarstofu . Það
sem fram undan er er að við munum ræða
saman á næstunni um það með hvaða hætti
hann getur komið hingað til lands með
fjárfestingar í ferðaþjónustu . Þekkingin er hjá
okkur og við viljum gjarnan leiðbeina honum
í gegnum íslenskt lagaumhverfi með hvaða
hætti hann getur fjárfest hér á landi .
Ögmundur Jónasson innanríkisráðherra
sætti sig ekki við þessi ummæli samráðherra
síns og sagði 4 . desember 2011:
Ég á svolítið erfitt með að átta mig á því hvað
verið er að tala um þegar sagt er að leiðbeina
eigi í gegnum íslenskt lagaumhverfi . Að sjálf­
sögðu þarf að fara að íslenskum lögum og
anda laganna .
Ögmundur lýsti undrun á ummælum
Grímsstaðir á Fjöllum II:
Sveitarstjórnarmenn
reyna sig í samningum
við kínverskan auðjöfur
ÞJÓÐMÁL
• ÚTTEKT •