Félagsbréf - 01.12.1959, Page 18

16
FÉLAGSBRÉF
fyrir framan mig og hlustaði forviða og hrifinn. Ég hirði ekkert um aði
leyna því, að þá stundina fannst mér sem ekkert væri það til í bókmennt-
um, sem Magnúsi mundi ofviða að kveða upp á sína tungu. Ég man þegar
hann lagði frá sér blöðin. Hann brosti ofurlítið á sinn hálfdrengjalega,
ljúfmannlega hátt, en það stóðu svitadropar á enninu. Eflaust var hann
meira veikur, en ég gerði mér grein fyrir. En mér komu í hug hendingar
Þorsteins Erlingssonar um Guðjohnsen: 1 söngnum var ómur af sverðgígju-
slag, á svipnum var þungi eftir orrustu dag, en ylur í augum og friður.
Mér þykir vænt um að eiga þessa mynd af Magnúsi. En þessum orrustu-
degi var að verða lokið, víkingu mikils anda um mörg lönd. Magnús and-
aðist að heimili sínu í Hafnarfirði 30. júlí 1955, 53 ára að aldri. Hann var
jarðsettur 11. ágúst, að viðstöddu miklu fjölmenni. Hafnarfjarðarbær tókst
á hendur að gera útför hans og gerði virðulega svo sem minningu hans var
samboðið. Fjöldi greina eftir skáld og bókmenntamenn samtíðarinnar birtust
um Magnús látinn. Margt er þar vel og drengilega mælt um frábæra hæfi-
leika Magnúsar og snilli — en minnilegastur í öllum þeim skrifum er
þáttur ungu rithöfundanna, sem hver á fætur öðrum komu fram að þakka
Magnúsi fyrir örvun, leiðbeiningu, aðstoð, gagnrýni, slíka sem enginn
hafði gerzt til að veita þeim, svo sem Magnús Ásgeirsson hafði gert.
Hverju afrekaði svo Magnús Ásgeirsson? Hvert var gildi hans fyrir
samtíð sína og bókmenntir þjóðarinnar?
Magnús gefur út fyrstu ljóðabók sína, Síðkveld, árið 1923, að mestu
frumort kvæði. Á árunum 1928—1941, gefur hann út sex bindi þýddra
ljóða. 1945 kemur út síðasta bindi ljóðaþýðinga hans, sænsk og norsk ljóð,
er hann nefndi :Me3an sprengjurnar falla. Ilann þýðir nálega hálft fjórða
hundrað kvæða eftir erlend skáld, sumt stór verk og heila ljóðaflokka. Hanu
tekur til meðferðar ljóð eftir allt að 140 skáld, eldri og yngri og hanu
seilist svo vítt til fanga, að í þessum Bragalundi, sem er raunar heill skóg-
ur, getur að líta kvæði eftir dönsk, norsk, sænsk, finnsk, ensk, þýzk, frönsk,
tékknesk, pólsk, rússnesk, ungversk, spænsk, persnesk og amerísk skáhl,
að minnsta kosti skáld 14 þjóða, og kunna að vera fleiri þó að mér hafi
sézt yfir. Með hverri þessara bóka óx vegur Magnúsar sem skálds og 1 jóða-
þýðanda. Hann varð dáður og óumdeildur meistari í þessari grein.
Þýðingar Magnúsar á erlendri ljóðlist rísa í þá hæð, sem þeir hafa hæst