Morgunblaðið - 31.12.2015, Blaðsíða 30

30 FRÉTTIRInnlent
MORGUNBLAÐIÐ FIMMTUDAGUR 31. DESEMBER 2015
Óskum
viðskiptavinum
okkar og landsmönnum
öllum farsældar
á komandi ári
Sími 571 2000 | hreinirgardar.is
Sigurður Bogi Sævarsson
sbs@mbl.is
„Blaðburðurinn gefur fínan pening og mér
finnst skemmtilegt að grípa í þetta öðru hvoru.
Í vetur höfum við tekið 300 til 500 blöð í hvert
sinn en á sumrin talsvert meira,“ segir Róbert
Andri Bogason, fjórtán ára Grafarvogs-
strákur. Hann er einn fjölmargra sem sinna
dreifingu blaða fyrir Árvakur, útgáfufélag
Morgunblaðsins. Margir sinna útburðinum
sem föstu starfi og eru þá með föst hverfi. Aðr-
ir koma hins vegar inn á álagstoppum, því
Morgunblaðið sér einnig um dreifingu á
Fréttatímanum og DV.
Róbert Andri æfir fimleika með Gerplu í
Kópavogi og kosta æfinga- og keppnisferðir
sitt. Með blaðburðinum, sem hann sinnir með
aðstoð foreldra sinna, tókst honum sjálfum að
borga æfingaferð til Ollerup í Danmörku síð-
asta sumar. Er nú kominn með góða summu
inn á bankabókina, upphæð sem ætti að duga
fyrir far- og keppnisgjöldum vegna þátttöku í
Norðurlandameistaramóti unglinga í hópfim-
leikum sem verður í Danmörku í apríl næst-
komandi.
Foreldrarnir hjálpa
Foreldrar Róberts, þau Bogi Guðmundur
Árnason og Kristín Hlíðberg Rafnsdóttir, hafa
verið hjálparhellur sonarins í útburðinum. Svo
þarf líka helst að vera því nauðsynlegt er að
blaðberi hafi bíl til umráða. „Já, þetta eru tals-
verðir bunkar af blöðum sem við tökum, þegar
best lætur á sumrin eru þetta jafnvel 700 til
800 blöð. Mest höfum við verið hér í Grafarvog-
inum, en líka í Árbæ, Leirvogstungu í Mos-
fellsbæ og víðar,“ segir Kristín.
„Á sumrin þegar kvöldin eru björt og falleg
er bara gaman að labba um ný hverfi, hitta fólk
og fleira. Í vetur þegar dimmt er yfir, færið
verra og skóli að morgni er skammturinn
minni en skilar þó samt svolitlum pening og
fínni hreyfingu.“
Dreifingin er fjölskyldustarf
Örn Þórisson, dreifingarstjóri Morgunblaðs-
ins, segir að alltaf þurfi fólk í blaðberahópinn,
enda sé hann stór og því nokkur hreyfing á
mannskap. „Í mörgum tilvikum er dreifingin
einskonar fjölskyldustarf. Foreldrar og ung-
menni hjálpast þá að og dreifa Morgunblaðinu
og öðrum blöðum til áskrifenda og annarra áð-
ur en vinnu- og skóladagur hefst. Oft er fólk þá
að safna sér fyrir einhverju ákveðnu, ferðalagi
eða öðru, og þá getur þetta skilað fínum auka-
peningum. Við höfum heyrt margar skemmti-
legar sögur um slíkt frá okkar fólki, en oft eru
unglingarnir sem vinna hjá okkur að stíga sín
fyrstu skref á vinnumarkaðinum,“ segir Örn.
Blaðburðurinn í vetur hefur gengið ljómandi
vel, þrátt fyrir að tíðin að undanförnu hafi ver-
ið nokkuð rysjótt, eins og jafnan er á veturna.
„Við höfum útvegað fólkinu okkar mannbrodda
sem hafa komið sér vel þegar farið er um ísi-
lagaðar götur og gangstéttar. Broddarnir eru
þarfaþing og hafa ábyggilega komið í veg fyrir
hálkuslys,“ segir Örn að lokum.
Hreyfing og summa á bankabókina
 Blaðberi í Grafarvogi safnar fyrir fimleikaferð  Skemmtilegt að labba um hverfin með Morg-
unblaðið  Alltaf þarf fólk í hópinn  Mannbroddarnir eru þarfaþing í hálkunni sem nú er á götum
Morgunblaðið/Golli
Mæðgin Kristín Hlíðberg Rafnsdóttir og Róbert Andri Bogason hjálpast að við blaðburðinn, en
aurinn sem hann gefur hefur strákurinn notað til íþróttaiðkunar og annars sem er skemmtilegt.
Baldur Arnarson
baldura@mbl.is
Stjórnendur lífeyrissjóðanna hafa
væntingar um að Seðlabankinn veiti
þeim auknar heimildir á næsta ári til
að fjárfesta á erlendum mörkuðum.
Gunnar Baldvinsson, fram-
kvæmdastjóri Almenna lífeyris-
sjóðsins, segir áhyggjuefni að eignir
sjóðanna erlendis séu að minnka
sem hlutfall af heildareignum.
Hann bendir á að erlendar eignir
lífeyrissjóða í samanburðarlöndum
séu 30 til 40%. Íslenska hagkerfið sé
tiltölulega einhæft og því geti sam-
dráttur haft víðtæk áhrif. Hér á
landi sé innflutningur stór hluti af
neyslu og þetta tvennt geri það að
verkum að æskilegt sé að erlendar
eignir séu a.m.k. um 40% af eignum
sjóðanna. Gunnar segir að vegna
umfangs lífeyrissjóðanna geti er-
lendar fjárfestingar haft jákvæð
áhrif á hagkerfið til lengri tíma.
Vísar til reynslu Norðmanna
Hann bendir aðspurður á reynslu
Norðmanna sem hafa markað þá
stefnu fyrir norska olíusjóðinn að
hann fjárfesti eingöngu erlendis til
að hindra ofþenslu í norska hagkerf-
inu og til að draga úr áhættu vegna
sveiflna á olíuverði og framleiðslu.
„Vægi erlendra eigna lífeyrissjóð-
anna, samkvæmt mánaðarlegu efna-
hagsyfirliti sem Seðlabankinn safn-
ar saman, var 24,9% í ársbyrjun og í
lok október hafði hlutfallið lækkað í
23,6%, eða um 1,3 prósentustig.
Hlutfallið lækkar á árinu þrátt fyrir
að við höfum fengið heimild til að
fjárfesta fyrir 10 milljarða til að við-
halda vægi erlendra eigna. Þegar
stjórnvöld kynntu aðgerðir til að af-
létta höftum var boðað að lífeyris-
sjóðir myndu fá að fjárfesta árlega
fyrir að minnsta kosti 10 milljarða á
ári. Með hliðsjón af gjaldeyrisjöfn-
uði og miklu innstreymi af gjaldeyri
undanfarið vonumst við eftir að
heimildirnar verði auknar. Rökin
fyrir því að fjárfesta erlendis eru
fyrst og fremst þau að erlendar
eignir auka áhættudreifingu í eigna-
safni sjóðanna. Þannig að við getum
dreift áhættu á mörg hagkerfi,
margar atvinnugreinar og fjölda út-
gefenda [skuldabréfa].
Erlendar fjárfestingar lífeyris-
sjóðanna hafa fleiri kosti. Með þeim
er dregið úr spennu og hættu á verð-
og eignabólu í innlendu hagkerfi.
Hún getur myndast þegar eignir
byggjast upp hjá hlutfallslega
stórum kynslóðum – árgangar eru
misjafnlega stórir – líkt og nú er að
gerast. Þegar kemur að því að út-
greiðslur verða meiri en inn-
greiðslur geta áhrifin orðið öfug.
Erlendar eignir geta dregið úr
sveiflum í innlendu hagkerfi. Ef það
verður samdráttur í innlendu efna-
hagslífi hefur það minni áhrif en ella
á lífeyrissjóðina og þar af leiðandi
getu þeirra til að greiða lífeyri. Það
dregur úr hagsveiflum hér innan-
lands,“ segir Gunnar og vísar til þess
að þegar samdráttur er á Íslandi
veikist jafnan gengið, sem aftur eyk-
ur verðmæti erlendra eigna í ís-
lenskum krónum.
Hafa aukist í norskum krónum
Eins og Morgunblaðið hefur sagt
frá áætlar Gunnar að heildareignir
lífeyrissjóða verði um 3.200 millj-
arðar um áramótin, eða um 9,62
milljónir á hvern landsmann.
Til samanburðar eru nú um 7.400
milljarðar norskra króna í norska
olíusjóðnum (NBIM), samkvæmt vef
sjóðsins í gærmorgun, og samsvar-
aði það 110.500 milljörðum íslenskra
króna, á gengi gærdagsins. Að mati
norsku hagstofunnar búa nú 5,2
milljónir manna í Noregi og eru
eignir sjóðsins því nú um 21,25 millj-
ónir íslenskra króna á hvern Norð-
mann. Þegar Morgunblaðið heim-
sótti norska olíusjóðinn í febrúar á
þessu ári voru eignirnar 6.400 millj-
arðar norskra króna. Öndvert við ís-
lensku krónuna hefur norska krónan
síðan gefið eftir gagnvart öðrum
myntum, eftir olíuhrunið, og hafa
eignir sjóðsins því síðan aukist um
1.000 milljarða í norskum kr.
Vilja sækja meira
á erlenda markaði
 Lífeyrissjóðir sækja um auknar heimildir til fjárfestinga
Ljósmynd/Øyvind Hagen/Statoil
Á hafi úti Olíuborpallurinn Sleipner A er í eigu Statoil í Noregi.