Morgunblaðið - 31.12.2015, Blaðsíða 68

68 MINNINGAR
MORGUNBLAÐIÐ FIMMTUDAGUR 31. DESEMBER 2015
✝ Sigurðurfæddist á Sól-
vangi í Hafnarfirði
29. júlí árið 1972.
Hann lést 12. des-
ember 2015. For-
eldrar hans eru
Halla Snorradóttir
og Jón Sigurðsson.
Móðurforeldrar
hans eru Guðrún
Gísladóttir og
Snorri Jónsson
sem lifa barna-
barn sitt. Föðurforeldrar hans
voru Guðríður Hulda Guð-
mundsdóttir og Sigurður Jóns-
son sem bæði eru látin. Eftirlif-
andi systkini hans eru Guðrún
Hulda, Eva Sif, Kristín Björk,
Sonja og Sindri. Sigurður átti
einnig systur, Lindu sem lést
árið 1977.
Áhuginn á körfubolta vakn-
aði snemma enda átti hann
ekki langt að sækja góða fyr-
irmynd í föður sín-
um. Hann fór ung-
ur að æfa með
Haukum en gekk
seinna til liðs við
KR og fetaði þar í
fótspor föður síns.
Hann náði frábær-
um árangri sem
körfuboltamaður,
þótti snjall leik-
maður og afar hitt-
inn. Hann varð Ís-
landsmeistari með
KR og Norðurlandameistari
með unglingalandsliðinu en
með því lék hann í tvö ár.
Sigurður lauk stúdentsprófi
frá Flensborgarskóla og fór
síðan í Rafiðnaðarskólann þar
sem hann lauk námi í kerf-
isfræði. Hann starfaði hjá
Skýrr, Íslenskri erfðagreiningu
og hjá Basis.
Útför Sigurðar fór fram í
kyrrþey 18. desember 2015.
Stöðvið klukkur, takið síma í sundur,
sækið bein svo hætti gelti hundur,
lokið flygli, lágan trumbuslátt
látið fylgja kistu um kirkjugátt.
Látið flugvél hnita hringinn sinn,
hann er dáinn skrifa í himininn,
skreytið dúfur borgar sorgarböndum,
beri lögregla svarta hanska á
höndum.
Hann var mér Norður, Suður, Austur,
Vestur,
hann var mér hvunndagslíf og
helgargestur,
dagur, miðnótt, orð mín öll og list;
og eilíf ást, ég hélt; mér skjátlaðist.
Nú þurfum við ekki stjörnur,
hendið þeim;
afþakkið tungl og sendið sólu
heim;
eyðið öllum skógi, tæmið haf.
Því ekkert gott mun gerast
héðan af.
(W.H. Auden)
(Hjörleifur Hjartarson þýddi.)
Hvíl í friði, ástin mín.
Mamma.
Sigurður Jónsson
✝ Gunnar Magn-ússon fæddist
25. september 1921
í Reykjavík. Hann
lést á Landspít-
alanum 14. janúar
2015.
Foreldar Gunn-
ars voru Magnús
Jóhannsson skip-
stjóri, f. 16. júní
1894, d. 27. febrúar
1928, og Kristín
Hafliðadóttir húsmóðir, f. 9.
október 1896, d. 8. apríl 1984.
Bræður Gunnars voru Hafliði
Magnússon kjötiðnaðarmaður,
Jóhann Magnússon skipstjóri,
síðar yfirhafnsögumaður,
eru níu, barnabarnabörn alls
átján.
Gunnar hóf sjómennsku á tog-
urum Kveldúlfs hf. 15 ára gam-
all árið 1936. Á styrjaldarár-
unum 1940-45 var hann lengst af
háseti á millilandaskipum. Hann
útskrifaðist með farmannapróf
frá Sjómannaskóla Íslands 1946
en þá starfaði hann hjá Skipa-
deild SÍS. Árin 1947-52 var hann
stýrimaður og skipstjóri á
nýsköpunartogaranum Akurey
frá Akranesi. Þá gerðist hann
stýrimaður hjá Skipaútgerð rík-
isins en var skipstjóri á bátum
Olíufélagsins 1959-64, á flutn-
ingaskipinu Önnu Borg 1964-69
og flutningaskipunum Hafern-
inum, Ísborgu og Sæborgu 1969-
73. Þá varð hann skipstjóri á
skipum Nesskipa hf., sem hann
átti þátt í að stofna, en hætti sjó-
mennsku 1994 eftir 57 ár til sjós.
Útför Gunnars fór fram 23.
janúar 2015.
Sverrir Magnússon
skipasmiður og
Ólafur K. Magnús-
son ljósmyndari.
Gunnar giftist 6.
apríl 1946 Kristínu
Valdimarsdóttur, f.
21. maí 1924, d. 3.
júní 2012. For-
eldrar hennar voru
Valdimar Árnason
vélstjóri og Vikt-
oría Guðmunds-
dóttir húsmóðir. Börn Gunnars
og Kristínar eru Magnús Gunn-
arsson framkvæmdastjóri, Lína
Gunnarsdóttir hjúkrunarfræð-
ingur og Kristín Gunnarsdóttir
skrifstofumaður. Barnabörnin
Í janúar síðastliðinn andaðist
Gunnar Magnússon skipstjóri, 93
ára að aldri. Gunnar var aðeins
tæplega sjö ára gamall þegar faðir
hans, Magnús Jóhannsson skip-
stjóri, fórst með togaranum Jóni
forseta við Stafnes. Ekkja Magn-
úsar, Kristín Hafliðadóttir, fluttist
með fimm unga syni til systur
sinnar og eiginmanns hennar.
Þetta var fyrir daga almanna-
trygginga og ómetanlegt fyrir
ekkjuna, sem nú þurfti að sjá son-
um sínum farborða, að fá öruggt
skjól.
Fimmtán ára gamall hóf Gunn-
ar sjómennsku á Kveldúlfstogur-
unum. Þetta var í kreppunni
miklu, menn urðu að sanna kraft
sinn og þor en hirða ella pokann
sinn. Á styrjaldarárunum var
Gunnar í eldlínu átakanna á Atl-
antshafi. Lengi vildi hann lítt um
stríðsreynslu sína tala. Þó sagðist
hann líklega aldrei hafa komist
jafn nærri dauðanum á sjónum og í
kvikmyndahúsi í Hull á Englandi.
Þar hefði hann verið með skips-
félögum þegar árásarflugvélar
Hitlers tóku að kasta sprengjum.
Enginn hefði samt risið úr sæti og
þeir félagar setið sem fastast af að-
dáun á stillingu Breta. Þegar út
var komið teygðu sig upp í kvöld-
myrkrið logar frá nálægum hús-
um, sem sum voru rústir einar.
Að stríði loknu kvæntist Gunn-
ar Kristínu Valdimarsdóttur versl-
unarkonu, en faðir hennar, tog-
aravélstjóri, fórst í Halaveðrinu
1925. Jafnræði var með þeim
hjónum, þau voru greind og góð-
gjörn, skapsterk, yfirveguð og
samrýnd.
Eitt sinn vildi svo til að ég
heyrði stýrimann lýsa fyrir ungu
stýrimannsefni kostum þess að
krækja fyrir storm, jafnvel þótt
það kostaði langa lykkju af bein-
ustu leið. Þetta hefði hann lært af
gömlum skipstjóra, sem stundum
hefði náð höfn á undan skipum er
göslast hefðu stystu leið. Líklega
hefði „karlinn“ verið orðinn víð-
förlastur allra skipstjóra á ís-
lensku skipi þegar hann hætti
störfum. Ég spurði hvort „karl-
inn“ héti ekki Gunnar Magnússon
og fékk þá að heyra margt um um-
hyggju Gunnars fyrir skipsmönn-
um sínum og einnig ró hans og
jafnaðargeð á hverju sem dundi á
heimsins höfum.
Þegar ég undirritaður kynntist
fyrst þeim hjónum Gunnari og
Kristínu fyrir hálfri öld höfðu þau
nýlega komið sér upp einu fyrsta
húsinu á Unnarbraut á Seltjarn-
arnesi. Þar endurnýjuðum við
kynni okkar þegar ég og fjölskylda
mín settumst að í næsta húsi rösk-
um þrjátíu árum síðar. Kristín bjó
þá við versnandi heilsu en bar sig
ætíð af reisn og naut einstakrar
aðhlynningar frá Gunnari síðustu
árin. Sjálfur bar skipstjórinn aldur
sinn öðrum mönnum betur, starf-
aði í fyrirtæki sonar síns, gekk tíð-
um með ströndinni og stundaði
sund, eins og hann hafði gert frá
æskudögum, þegar hann þreytti
kappsund á mótum í Reykjavík.
Um síðustu áramót, tveimur árum
eftir andlát Kristínar, ákvað hann
óvænt að flytja í Hrafnistuíbúð
með útsýni yfir Sundin blá. Stuttu
síðar kvaddi hann þennan heim
líkt og hann hefði fengið sér blund
við sæinn, „sem sefur framundan
bænum“, eins og Tómas Guð-
mundsson kvað:
Því særinn er veraldarsærinn,
og sjálfur er vesturbærinn
heimur, sem kynslóðir hlóðu,
með sálir, sem syrgja og gleðjast
og sálir, sem hittast og kveðjast
á strönd hinnar miklu móðu.
Ég er þakklátur fyrir kynnin af
þeim góðu hjónum Gunnari og
Kristínu og kveð þau hinstu
kveðju.
Þór Whitehead.
Gunnar
Magnússon
Vesturhlíð 2 Fossvogi | Sími 551 1266 | útför.is
Með kærleik og virðingu
Útfararstofa Kirkjugarðanna
Hinsti vilji
Hver er vilji þinn varðandi skipulag og fyrirkomu-
lag útfarar, þ.e. hinsti vilji. Við bjóðum þér til
samtals um það sem er þér mikilvægast við
lífslok þín. Viljayfirlýsing þín verður eftirlifendum
mikilvægt leiðarljós. Samtalið og varðveisla
upplýsinga er þér að kostnaðarlausu.
Við erum til staðar
þegar þú þarft á
okkur að halda
Elín Sigrún Jónsdóttir,
lögfræðingur
Með kærleik og virðingu
tfararstofa irkjugarðanna
Ástkær eiginmaður minn, faðir okkar,
stjúpfaðir, tengdafaðir, afi og langafi,
BJÖRGVIN STEFÁN GUNNARSSON
(VENNI),
garðyrkjumaður,
Barðastöðum 27, Reykjavík,
lést á líknardeild Landspítalans að kvöldi aðfangadags jóla.
Útförin fer fram frá Lindakirkju í Kópavogi þriðjudaginn 5. janúar
klukkan 13.
.
Valgerður Ásmundsdóttir,
Gunnar Björn Björgvinsson, Inga Ósk Hafsteinsdóttir,
Harpa Rós Björgvinsdóttir, Auðunn Guðjónsson,
Rakel Linda Helgudóttir, Svavar Hafþór Viðarsson,
Kristín Hákonardóttir, Ingi Gunnar Jóhannsson,
Ásgerður Hákonardóttir, Svanþór Ævarsson,
Nanna Hákonardóttir, Sigurður R. Sæmundsson,
Kolbrún Hákonardóttir, Daniel Whait,
barnabörn og barnabarnabörn.
Ástkær eiginkona mín, móðir, dóttir og
systir,
BJÖRK ÞÓRARINSDÓTTIR,
Hólmaþingi 8, Kópavogi,
sem varð bráðkvödd þann 17. desember,
verður jarðsungin frá Lindakirkju
mánudaginn 4. janúar klukkan 15.
.
Kristinn Pétursson,
Alexander Kristinsson, Þröstur Kristinsson,
Þórarinn Ingi Jónsson,
Smári Þórarinsson,
Rósa Þórarinsdóttir.
Ástkær móðir okkar,
MÁLMFRÍÐUR SIGURÐARDÓTTIR,
fyrrum húsfreyja á Jaðri í Reykjadal,
lést þann 28. desember á Dvalarheimilinu
Hlíð á Akureyri.
.
Systkinin frá Jaðri.
Ástkær móðir okkar og dóttir,
GUÐLAUG HRÖNN
BJÖRGVINSDÓTTIR,
hjúkrunarfræðingur og ljósmóðir,
lést á líknardeild Landspítalans í Kópavogi
26. desember síðastliðinn. Útför Guðlaugar
fer fram frá Guðríðarkirkju
þriðjudaginn 5. janúar klukkan 13.
.
Agnes Björgvinsdóttir,
Emilía Björgvinsdóttir,
Jón Ragnar Björgvinsson,
Sigríður Jónsdóttir, Björgvin Daníelsson.
Innilegar þakkir fyrir sýnda samúð og
mikinn og góðan stuðning eftir að elsku
sonur okkar og bróðir,
ARON ANDRI HALL ARNARSSON,
fæddur 17. júlí 2003,
varð bráðkvaddur á heimili sínu
þann 10. ágúst síðastliðinn.
Við þökkum góðan hlýhug, samúðarkveðjur og hlýjar jóla- og
áramótakveðjur. Við óskum þess að hátíðirnar séu ykkur góðar
og þið eigið bjarta og góða framtíð á komandi árum.
Okkar þunga vegferð í mikið breyttu lífi er rétt að hefjast og er
stuðningur ástvina ómetanlegur í svona ferli.
Takk fyrir allt!
.
Sigurrós Guðbjörg Gísladóttir
Arnar Már Hall Guðmundsson
Arna Rós Hall Arnarsdóttir
Amilía Salka Hall Arnarsdóttir
Elskulegur eiginmaður minn, faðir okkar,
tengdafaðir, afi og langafi,
ÁSMUNDUR ÓSKAR ÞÓRARINSSON,
Faxabraut 11,
Keflavík,
lést á Hrafnistu Faxabraut 15, Keflavík,
sunnudaginn 27. desember.
Útförin fer fram frá Keflavíkurkirkju
fimmtudaginn 7. janúar klukkan 13.
.
Unnur Magnúsdóttir,
Magnús Ásmundsson, Maria Sissing,
Þórarinn Ásmundsson, Arndís H. Kristjánsdóttir,
Einar Gunnarsson,
Hildur Kristín Ásmundsdóttir, Ásþór Kjartansson,
Jón Örn Ásmundsson, Jóhanna Sturlaugsdóttir,
barnabörn og barnabarnabörn.
Okkar ástkæri eiginmaður, faðir,
tengdafaðir, sonur og afi,
GUÐBJÖRN HELGI ÁSBJÖRNSSON,
Lágseylu 8,
Njarðvík,
lést á Heilbrigðisstofnun Suðurnesja
þann 23. desember síðastliðinn.
Útförin fer fram frá Keflavíkurkirkju
miðvikudaginn 6. janúar klukkan 13.
.
Guðrún Guðmundsdóttir,
Sigurður Guðbjörnsson,
Ingibjörg Júlý Guðbjörnsdóttir, Páll Heiðar Halldórsson,
Guðrún Sigurðardóttir, Ásbjörn Guðmundsson,
Hafsteinn Már Sigurðsson, Óðinn Helgi Pálsson
og Jökull Bjarki Pálsson.
ÚTFARARSTOFA ÍSLANDS
ÚTFARARSTOFA HAFNARFJARÐAR
Auðbrekku 1, Kópavogi Útfararþjónusta síðan 1996
Vaktsímar: 581 3300 & 896 8242 • www.utforin.is • Allan sólarhringinn
ALÚÐ • VIRÐING • TRAUST • REYNSLA
Flatahraun 5a • www.utfararstofa.is • Símar: 565 5892 & 896 8242
Kristín
Ingólfsdóttir
Hilmar
Erlendsson
Sverrir
Einarsson