Morgunblaðið - 23.01.2016, Blaðsíða 18

18 FRÉTTIRInnlent
MORGUNBLAÐIÐ LAUGARDAGUR 23. JANÚAR 2016
BAKSVIÐ
Baldur Arnarson
baldura@mbl.is
Kaupsýslumaðurinn Hreiðar Már
Sigurðsson hefur á undanförnum ár-
um byggt upp keðju hótela víðs-
vegar um landið. Þá hefur félag
tengt viðskiptafélaga hans, Ólafi
Ólafssyni, sótt um leyfi fyrir stóru
hóteli í Reykjavík.
Saman tengjast þeir átta hótelum,
eða gistiheimilum, um land allt.
Eiginkona Hreiðars Más, Anna
Lísa Sigurjónsdóttir, er fram-
kvæmdastjóri eignarhaldsfélagsins
Gistivers. Bæði eru þau skráð með
lögheimili í Lúxemborg.
Samkvæmt fyrirtækjaskrá
Creditinfo er Anna Lísa skráð fyrir
99% hlut í Gistiveri en 1% hlutur í fé-
laginu er skráður í eigu eignarhalds-
félagsins Valens, sem er líka í henn-
ar eigu. Síðarnefnda félagið heitir
líklega í höfuðið á Rómarkeisara
(364-378) sem féll í orrustu við Gota.
Hótel Hengill verður lúxushótel
Samkvæmt vefsíðu Gistivers hóf
Gréta Sigurðardóttir, móðir Hreið-
ars Más, rekstur félagsins árið 2009
með heimagistingunni Bænir og
brauð. Á sama vef segir að Gistiver
hafi árið 2011 eignast helmingshlut í
Hótel Hengli á Nesjavöllum. Hót-
elinu var gerbreytt árið 2012 með
endurhönnun og heitir nú Ion Lux-
ury Adventure Hotel. Gistiver á
helmingshlut í nýja hótelinu, en við-
skiptafélagar þeirra Hreiðars Más
og Önnu Lísu, hjónin Sigurlaug S.
Hafsteinsdóttir og Halldór Haf-
steinsson, eiga bæði 25% hlut í hót-
elinu.
Það gerðist svo vorið 2012 að
Gistiver gerði upp Hótel Egilsen í
Stykkishólmi og er það bæjarprýði.
Samkvæmt vefsíðu Gistivers hef-
ur félagið átt helmingshlut í Hótel
Búðum síðan árið 2013. Félagið
gerði svo upp heimagistinguna Bæn-
ir og brauð í Stykkishólmi árið 2014.
Árið 2014 opnaði Gistiver þvotta-
húsið Sængurver í Stykkishólmi.
Samkvæmt vefsíðu Gistivers eign-
aðist ION hotel ehf. hostelið Reykja-
vík Backpackers að fullu vorið 2015.
Það er sem fyrr segir í helmingseigu
Gistivers. Unnið er að því að breyta
hostelinu í hótel.
Sama ár keypti Gistiver Hótel
Berg í Keflavík.
Þarf ekki að vera tæmandi listi
Gistiver rekur því nú sex gisti-
staði, þrjá í Stykkishólmi og einn á
Nesjavöllum, Búðum og í Keflavík.
Ofangreind tímalína byggist sem
áður segir á vefsíðu Gistivers. Þær
upplýsingar eru nýrri en hluti af
ýmsu því sem birt er um félögin á
vef Creditinfo. Sýnir grafið hér að
ofan tengsl Hreiðars Más og Ólafs
við hótelrekstur eins og þau birtast í
gögnum á umræddum vef og fyrir-
tækjaskrá Creditinfo. Jafnframt
voru fyrirtækjaskrá og fundargerðir
byggingarfulltrúa Reykjavíkur
hafðar til hliðsjónar. Ekki er víst að
listinn sé tæmandi.
Samkvæmt fyrirtækjaskrá
Creditinfo er viðskiptafélagi Hreið-
ars Más og Önnu Lísu áðurnefndur
Halldór Hafsteinsson, meðstjórn-
andi í félögunum Iceland Backpac-
kers og Reykjavík Backpackers.
Þau félög hafa heimilisfangið Síðu-
múli 29 en þar er skráður fjöldi fé-
laga sem Halldór tengist.
Keyptu Reykjavík Backpackers
Halldór er jafnframt skráður
meðstjórnandi hjá Akureyri Back-
packers. Samkvæmt fyrirtækjaskrá
Creditinfo á Reykjavík Backpackers
helmingshlut í Akureyri Backpack-
ers. Út frá því má álykta að Gistiver
tengist líka rekstri hostelsins á Ak-
ureyri, í kjölfar yfirtökunnar á
Reykjavík Backpackers vorið 2015.
Virðist Akureyri Backpackers vera
sjöundi gististaðurinn sem Gistiver
tengist í gegnum eignarhald.
Skal tekið fram að í árslok 2014
var Reykjavík Backpackers skráð í
100% eigu Iceland Backpackers,
sem aftur var í helmingseigu félags-
ins Wings Capital. Það félag er
skráð í eigu Halldórs og viðskipta-
félaga hans Davíðs Mássonar. Þess-
ar upplýsingar á vef Creditinfo um
eignarhaldið eru hins vegar eldri en
upplýsingarnar á vef Gistivers og
eru þær síðarnefndu því hér hafðar
sem heimild. Þess má geta að
Reykjavík Backpackers er skráð á
Laugavegi 28. Samkvæmt fast-
eignaskrá er það húsnæði skráð á
BP fasteignir. Þeir félagar Halldór
og Davíð eiga saman helmingshlut í
félaginu. Á LinkedIn-síðu Halldórs
segir að hann hafi verið fjár-
málastjóri Air Atlanta Icelandic
2003-7 og sé nú meðeigandi í félag-
inu Avion Capital Partners.
Húseignin sem Akureyri Back-
packers er skráð á, Hafnarstræti 98,
er hins vegar skráð í eigu félagsins
H98 ehf. í fasteignaskrá. Það félag
er í 100% eigu KEA svf. Upplýs-
ingar um hluthafa í KEA svf. eru
ekki aðgengilegar á vef Creditinfo.
Stórhýsi og franskur búgarður
Eins og fjallað var um í Morgun-
blaðinu sl. fimmtudag hafa eigendur
fasteignarinnar Suðurlandsbraut 18
sótt um leyfi til að breyta húsinu í
hótel. Samkvæmt fasteignaskrá er
húseignin í eigu eignarhaldsfélags-
ins Festis. Í fyrirtækjaskrá Credit-
info er það félag skráð í 100% eigu
hollenska félagsins SMT Partners
B.V. Samkvæmt hollensku fyrir-
tækjaskránni, Kamer van Koop-
handel, hefur félagið SMT Partners
B.V. sama heimilisfang og Samskip
Holding B.V. í Rotterdam. Á vef
Samskipa er Ólafur skráður hjá
Samskip Holding B.V.
Þess má geta að eiginkona Ólafs,
Ingibjörg Kristjánsdóttir, er á vef
Creditinfo skráð fyrir 100% hlut í
eignarhaldsfélaginu Miðhrauni sem
heitir eftir jörð þeirra hjóna á Snæ-
fellsnesi. Félagið hefur sama heim-
ilisfang og Samskip í Reykjavík.
Samkvæmt vefsíðu franska fé-
lagsins Pur Cheval tengist rekstur
Huilerie-búgarðsins, um 160 km
suður af París, rekstrinum í Mið-
hrauni. Ýmsar framkvæmdir eru
fyrirhugaðar á franska búgarðinum,
m.a. gerð skeiðvallar. Þau Ingibjörg
og Ólafur hafa lögheimili í Sviss.
Byggja keðju hótela á Íslandi
 Athafnamennirnir Hreiðar Már Sigurðsson og Ólafur Ólafsson hafa sem fyrr mörg járn í eldinum
 Hreiðar Már tengist sjö hótelum og gistihúsum  Félag tengt Ólafi hyggst breyta stórhýsi í hótel
Tengsl Hreiðars Más Sigurðssonar og Ólafs Ólafssonar við hótelrekstur
Hreiðar Már Sigurðsson
GISTIVER EHF.
(Anna Lísa Sigurjónsdóttir á 99%
hlut í félaginu, Valens á 1% hlut)
Ólafur Ólafsson
SAMSKIP HOLDING B.V.
FYRIRHUGAÐ HÓTEL Á SUÐURLANDSBRAUT 18
(húseignin er í eigu Festis ehf.)
SMT PARTNERS B.V.
(100% eignarhlutur í Festi ehf.)
REYKJAVÍK
BACKPACKERS
ICELAND
BACKPACKERS
AKUREYRI
BACKPACKERS
HÓTEL
BÚÐIR
(50% eignar-
hlutur)
HÓTEL
EGILSEN
Stykkishólmi
BÆNIR OG
BRAUÐ
(heimagisting)
Stykkishólmi
HÓTEL
BERG
Keflavík
GISTIHÚSIÐ
HÖFÐAGATA
Stykkishólmi
ION LUXURY
ADVENTURE HOTEL
Nesjavöllum
Ólafur
Ólafsson
Hreiðar Már
Sigurðsson
Morgunblaðið/Styrmir Kári
Stykkishólmur Hreiðar Már tengist þremur gististöðum í bæjarfélaginu.
Dvergshöfða 27 |Sími: 535 5850 | www.blossi.is
Opnunartími: 8-17 virka daga.
Vetrartilboð á kuldagöllum
aðeins 15.500 kr.
Litir:
Gulur og blár
grár
dökkblár
rauður
Í ferðalagið
Á vinnustaðinn
Í sumarbústaðinn
Í eldhúsið
www.danco.is
Heildsöludreifing
Wrapmaster
Hlaða Draga út og vefja Þrýsta og skera Geyma
Engarflækjur
Ekkertvesen
• Klippir plastfilmur og ál
• 35% sparnaður
• Ódýrari áfyllingar
• Má setja í uppþvottavél
Fæst í Hagkaupum, Fjarðarkaupum, Byko og Krónunni
Pakkaðu nestinu inn
með