Morgunblaðið - 23.01.2016, Blaðsíða 60

LAUGARDAGUR 23. JANÚAR 23. DAGUR ÁRSINS 2016
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
5 6 9 0 9 0 0 0 0 0 9 0 0
Í LAUSASÖLU 838 ÁSKRIFT 5295 HELGARÁSKRIFT 3307 PDF Á MBL.IS 4696 I-PAD ÁSKRIFT 4696
VEÐUR » 8 www.mbl.is
»MEST LESIÐ Á mbl.is
1. Héldu dótturina hafa dottið úr rúminu
2. „Ég er vinningshafinn!“
3. Aron hættir með landsliðið
4. Gómaði kærastann við að skrifast …
 Leikarinn Guðmundur Ingi Þor-
valdsson er tilnefndur til bresku kvik-
myndaverðlaunanna National Film
Awards sem besti leikari í aðal-
hlutverki fyrir leik sinn í kvikmynd-
inni Chasing Robert Barker. 11 aðrir
leikarar eru tilnefndir að auki og
þeirra á meðal kvikmyndastjörnurnar
Colin Farrell, Michael Fassbender,
Colin Firth, Tom Hardy, Tom Hiddle-
ston og Daniel Craig. Kvikmyndin
Hrútar er einnig tilnefnd sem besta
erlenda kvikmyndin. Tilnefningarnar,
sem eru í 18 flokkum, voru fengnar
með netkosningu sem um 1,3 millj-
ónir manna tóku þátt í, að því er segir
á vef verðlaunanna. Er nú hafin net-
kosning um þá bestu meðal til-
nefndra á vef verðlaunanna, nation-
alfilmawards.co.uk, sem stendur til
25. mars og mun verðlaunahátíðin
fara fram 31. mars í Lundúnum. Á
vefnum mbl.is má finna viðtal við
Guðmund Inga um tilnefninguna.
Tilnefndur til breskra
kvikmyndaverðlauna
 Flautuleikarinn
og tónskáldið
Berglind María
Tómasdóttir blæs
til „flautusjós“ í
kvöld kl. 21 í menn-
ingarhúsinu
Mengi. „Á þessum
tónleikum ætla ég
að flytja verk fyrir flautu og á köflum
flautur. Þau eru alls kyns og sum eru
líka með myndbandi. Sum verkin fjalla
um lítil flautuhljóð, önnur stór flautu-
hljóð. Sum, sennilega flest þeirra, eru
frekar óflautuleg í eðli sínu. Og þó,
kannski ekki,“ segir Berglind meðal
annars um viðburðinn. Í verkum sínum
leitast Berglind við að kanna ímyndir
og erkitýpur sem og tónlist sem fé-
lagslegt fyrirbæri.
„Flautusjó“ í Mengi
FÓLK Í FRÉTTUM
VEÐURÍÞRÓTTIR
SPÁ KL. 12.00 Í DAG Gengur í suðvestan 10-20 m/s, hvassast í vindstrengjum á Norð-
vesturlandi og í Eyjafirði. Rigning eða slydda, en þurrt að mestu á Norðaustur- og Austur-
landi. Hiti 0 til 6 stig.
Á sunnudag Sunnan- og suðaustan 10-18 m/s og rigning, en úrkomulítið á Norðurlandi.
Hiti 3 til 8 stig. Á mánudag Sunnan 8-15 m/s með rigningu og síðar skúrum eða éljum.
Bjart að mestu á Norður- og Austurlandi. Kólnandi veður.
Njarðvíkingar hrósuðu sigri gegn
erkifjendum sínum í Keflavík þegar
liðin áttust við í æsispennandi leik í
14. umferð Dominos-deildar karla í
körfuknattleik í gærkvöld. Njarðvík-
ingar innbyrtu sigurinn með góðum
endaspretti og fögnuðu ákaft á
heimavelli granna sinna í leikslok en
fjölmargir áhorfendur mættu til að
fylgjast með rimmunni. »2
Njarðvíkingar unnu
grannaslaginn
Franskir sérfræðingar telja
eftir nákvæma úttekt að
sundkonan frábæra Eygló
Ósk Gústafsdóttir, nýbak-
aður íþróttamaður ársins,
geti synt mun hraðar en
gildandi heimsmet í 200
metra baksundi. Frá þessu
greindi Jacky Pellerin, þjálf-
ari íslenska landsliðsins í
sundi, á ráðstefnu um af-
reksíþróttir. »1
Hefur burði til að
bæta heimsmetið
HSÍ hefur hafið leit að nýjum þjálfara
fyrir karlalandsliðið í handbolta eftir
að Aron Kristjánsson ákvað að nýta
sér uppsagnarákvæði í samningi sín-
um og láta af störfum þegar í stað.
Kristján Arason og Geir
Sveinsson eru meðal
þeirra þjálfara sem
þykja koma til greina.
»1
Leit hafin að nýjum
landsliðsþjálfara
Ágúst Ingi Jónsson
aij@mbl.is
Þessa dagana er verið að frumsýna
teikningar og líkan af glæsilegri 56
metra snekkju. Auk íburðar um borð
er gert ráð fyrir að hún verði sér-
staklega styrkt fyrir siglingar í ís.
Raunverulega er um lítinn ísbrjót að
ræða, sem getur skorið 80 senti-
metra ís. Ef ísinn er þykkari skríður
hún upp á hann og brýtur undan
þunga sínum.
Breska fyrirtækið Hawk Yachts
lét hanna snekkjuna og útlitshönn-
uður hennar er Davíð Rósinkarsson.
Þegar rætt var við Davíð í gær var
hann á leiðinni á stóra bátasýningu í
Düsseldorf, þar sem allt er tengist
bátum og bátasporti er til sýnis. Þó
ekki stórar snekkjur því Mónakó er
helsti vettvangur fyrir slíkar sýn-
ingar. Davíð sagði eðlilega nokkra
spennu í loftinu um hvort kaupandi
fyndist og hvort snekkjan færi af
teikniborðinu yfir í framleiðslu, því
þegar hefur verið lagt í talsverðan
kostnað við hönnun.
„Eftir að hafa starfað sem pípu-
lagningamaður í ellefu ár breyttust
aðstæður í lífi mínu árið 2011 og ég
ákvað að hefja nám í farartækja-
hönnun,“ segir Davíð. „Ég lauk BA-
námi frá listaháskóla í Tórínó 2014
með áherslu á snekkjur og mótor-
hjól og eftir eitt ár á Íslandi hóf ég
störf í Þýskalandi í haust. Ég hef
alltaf haft mikinn áhuga á snekkjum
og hafði stúderað lögun þeirra og út-
lit lengi áður en ég fór að læra.
Verktaki hjá Porsche
Núna er ég sjálfstæður verktaki
sem þrívíddarhönnuður hjá
Porsche-bílaverksmiðjunum. Í gegn-
um tengsl sem mynduðust í vinnunni
fyrir Porsche kom þetta verkefni
fyrir Hawk upp í hendurnar á mér í
september. Síðan hefur lítið annað
komist að og það verður spennandi
að sjá hvert framhaldið verður. Sala
á snekkjum hefur aftur tekið við sér
eftir efnahagshrunið, Sádi-Arabar
eru stórir kaupendur og sömuleiðis
Rússar, en um allan heim er fram-
leiðsla og sala á snekkjum að taka
við sér.“
Þrír menn voru fengnir til að
koma með tillögur að útlitshönnun
snekkjunnar og varð ein af tillögum
Davíðs fyrir valinu. Aðeins glerskál-
inn á brúardekkinu, sem Davíð kall-
ar vetrargarðinn, var samvinnuverk-
efni fleiri aðila. Sérfræðingar voru
síðan kallaðir til á hverju verksviði;
vélfræði, búnaði, innréttingum
o.s.frv. Davíð er með eigið fyrirtæki,
Órós, en þessar snekkjuteikningar
merkti hann fyrirtækinu sem hann
starfaði hjá sem verktaki að hönn-
uninni, VP-Associates.
Um öll heimsins höf
Snekkjan á að geta siglt um öll
heimsins höf og þar eru norðurhöf
og Suður-Íshafið ekki undanskilin.
Gert er ráð fyrir að skrokkur
snekkjunnar verði smíðaður úr stáli,
en yfirbygging gæti verið úr áli.
Þessi litli ísbrjótur, í lægsta flokki
slíkra, yrði með margfalda styrk-
ingu í stefni, sérstaklega sterkt ís-
belti við sjávarlínu og skrúfurnar
yrðu óvenju stórar og sterkbyggðar.
Píparinn fór í snekkjuhönnun
 „Hef alltaf
haft mikinn áhuga
á snekkjum“
Lystisnekkja og ísbrjótur Tölvugerð mynd af snekkjunni við Portofino á Ítalíu, sem er eitt af þorpunum fimm.
Um framhaldið segir Davíð að það sé nokkurri
óvissu háð, en vonandi verði framhald hjá honum
á verkefnum í bílaiðnaði og snekkjuhönnun er-
lendis.
„Sem verktaki hjá Porsche er okkur sagt að
engar breytingar séu á döfinni,“ segir Davíð.
„Hins vegar er Porsche í eigu Volkswagen og VW-
hneykslið í haust skapar ákveðna óvissu. Snekkju-
iðnaðurinn er að taka við sér og umsvifin hafa
verið að aukast í Kína, bæði hvað varðar sölu á
heimamarkaði og í hönnun og framleiðslu.
Hawk Yachts hefur áhuga á að við hönnum síðar
á þessu ári 75-80 metra útgáfu af þessari sömu hönnun. Þetta er
spennandi heimur og það bjóðast vonandi önnur tækifæri að þessu
loknu,“ segir Davíð.
Vilja hanna stærri snekkju
VONAST EFTIR FRAMHALDI Í BÍLAIÐNAÐI OG SNEKKJUHÖNNUN
Davíð
Rósinkarsson