Morgunblaðið - 21.12.2016, Page 10

10 Jólablað Morgunblaðsins
Hvað kemur þér í jólaskap?
„Myrkrið kemur mér í jólaskap. Æ styttri dagur er áminning um að jólin
nálgast og þegar ég fer að sjá ljós í trjám borgarinnar birtir til í sálinni.
Mér finnst líka jólalögin meiriháttar,“ segir hún.
Þegar Inga Lind er spurð út í jólahefðir sínar segir hún að þær séu svip-
aðar ár eftir.
„Við bökum alltaf súkkulaðibitakökur og piparkökur og þá helst í félags-
skap góðra vina. Árni sker út nýjan spörfugl á hverju ári og við setjum neg-
ul í klementínur. Hrafnhildur gerir aðventukrans og Matthildur prjónar
mikið í desember, í ár verða það hreindýrapeysur á hundana. Haukur
skreytir alltaf jólatréð og Jóhanna fer snemma að sofa af því að jólasvein-
arnir koma enn heim til okkar. Arnhildur býr til piparkökuhús sem er ótrú-
lega flott eftirlíking af húsinu okkar. Svo fáum við möndlugraut hjá tengda-
mömmu,“ segir hún.
Jólaundirbúningur á heimili Ingu Lindar og Árna Haukssonar, eigin-
manns hennar, byrjar þegar börnin eru klár með jólagjafalistana sína.
„Þá veit ég að ég þarf að fara að spýta í lófana.“
Jólamaturinn er stór hluti af jólunum. Inga Lind segist alveg hætt að
prófa eitthvað nýtt.
„Ég ætla aldrei aftur að prófa eitthvað nýtt. Einu sinni eldaði ég akur-
hænur á aðfangadag og það er enn verið að kvarta. Og gera grín að mér.
Þetta var fyrir tólf eða fimmtán árum. Við borðum bóg af svíni sem var einu
sinni hamingjusamt, heimagert rauðkál og brúnaðar kartöflur. Byrjum oft-
ast á humarsúpu og endum á einhverju sem við erum í stuði fyrir. Þessu
skolum við niður með malti og appelsíni. Á jóladag er ég svo með hægeldað,
tvíreykt hangilæri úr Reykhólasveit.“
Þegar Inga Lind er spurð að því hvað henni finnist best við jólin segir
hún að það sé borða mikið, sofa mikið, lesa mikið og vera mikið með fólkinu
sínu.
Nú ertu með fullt hús af börnum – hvað gerir þú til þess að börnin njóti
sín sem best á aðventunni?
„Við gerum allt saman. Kveikjum á niðurtalningarkerti, höfum aðventu-
krans og skreytum smávegis, bökum saman, kaupum jólagjafir, förum á
jólatónleika og á skíði og njótum lífsins með vinum og vandamönnum.“
Hvað er ómissandi um jólin?
„Lyktin af heimagerðu rauðkáli og hangikjöti, ný náttföt, jólatré, gömul
jólalög, samvera og knús. Og kvikmyndin Love Actually.“
Áttu einhverja jólaminningu sem þú vilt deila með lesendum?
„Ég er lítil og sit alveg kyrr á stól, en dingla samt fótunum ofurlítið, á
meðan ég horfi á sérvaldar teiknimyndir sem eru í sjónvarpinu um miðjan
aðfangadag og mamma greiðir hárið á mér á meðan. Dásamleg sælu- og til-
hlökkunarminning sem gleymist sennilega aldrei.“
„Ég ætla aldrei
aftur að prófa
eitthvað nýtt“
Inga Lind Karlsdóttir, fjárfestir og eigandi fram-
leiðslufyrirtækisins Skot, kemst í jólaskap um leið og
börnin eru búin að setja saman jólagjafaóskalista.
Marta María | martamaria@mbl.is
Skammdegið
kemur Ingu
Lind í jólaskap.
Morgunblaðið/Golli
❄
Í
dag, 1. desember, verður blásið til heljarinnar veislu í
Hönnunarmiðstöð Íslands og fyrsti glugginn í stórglæsilegu
tveggja metra háu jóladagatali opnaður. Á hverjum degi
fram að jólum verður svo nýr gluggi í
dagatalinu opnaður en hver gluggi inni-
heldur brakandi ferska vöru frá íslensk-
um hönnuði. 23 hönnuðir taka þátt í
verkefninu. Varan sem er í glugganum
hverju sinni verður á tilboði þann dag í
búð sem sett verður upp tímabundið í
samstarfi við PopUpVerzlun í húsnæði
Hönnunarmiðstöðvar. Sú verslun verður
einskonar forsmekkur af því sem koma
skal í nýju húsnæði Hönnunarmiðstöðvar
við Aðalstræti 2 því á nýju ári mun
verða opnuð verslun með íslenskri hönn-
un á neðri hæð hússins. Þetta er sannkölluð hönnunarveisla sem
enginn fagurkeri má láta fram hjá sér fara. Jólagleðin í dag er
frá 17.00 til 20.00.
gudnyhronn@mbl.is
Viðburður
Getty images
Íslenska hönnun í jólapakkann, já takk!
Það verður mikið um
að vera í Hönnunar-
miðstöð Íslands í
desember.
Líklega stærsta
jóladagatal Íslands