Morgunblaðið - 21.12.2016, Blaðsíða 56

Morgunblaðið/Golli
Snjóhlébarði prýðir dökkbláar umbúðirnar utan um
nýjasta vetrarsúkkulaði Omnom.
U
pphaflega vorum við bara að þróa
nýtt hvítt súkkulaði en þegar við vor-
um byrjuð að gera grunninn átt-
uðum við okkur á að hann myndi
henta vel í jólasúkkulaði. Og þá fór-
um við að hugsa: „Hvað tengir okkur
við jólin, við æskuna og vetrartímann?“ Og malt og app-
elsín kom alltaf upp hjá okkur í hugmyndavinnunni, aft-
ur og aftur,“ útskýrir Hildur, sem er himinlifandi með
útkomuna eftir mikla tilraunavinnu. „Þegar við próf-
uðum að setja rifinn appelsínubörk í súkkulaðið ásamt
ristuðu malti fundum við að þarna var komið rosalega
skemmtilegt bragð. En okkur fannst samt eitthvað
vanta. Þá var prófað að setja kanil í súkkulaðið og mis-
mikið af honum. Og svo var smakkað aftur og aftur þar
til rétt magn var komið. Að lokum var saltaðri kara-
mellu bætt við, þar var rétta áferðin fundin og þá viss-
um við að þarna væru jólin komin,“ segir Hildur, sem
viðurkennir að þetta sé ansi skemmtilegur hluti af vinnu
hennar – að taka þátt í þróunarvinnunni og fá að
smakka sig áfram.
En þetta er ekki í fyrsta sinn sem Omnom sendir frá
sér vetrarsúkkulaði því það er árleg hefð. „Hugmynd
okkar er að gera vetrarsúkkulaði fyrir hvert ár. Núna í
ár erum við þriggja ára en þetta er samt fjórða vetrar-
súkkulaðið okkar því við gerðum tvær tegundir árið
2014, við gátum ekki gert upp á milli,“ segir Hildur og
hlær. En hvað verður um vetrarsúkkulaðið eftir vetur-
inn? „Það fylgir þessu alltaf svolítil sorg þegar upplagið
klárast og vetrarsúkkulaðið hverfur af markaði því það
getur verið uppáhald sumra. Þess vegna ætlum við núna
að framleiða smá skammt af jólasúkkulaði fyrri ára og
selja í búðinni okkar úti á Granda,“ segir Hildur, sem
hefur orðið vör við mikla eftirspurn eftir t.d. öðru jóla-
súkkulaðinu sem framleitt var árið 2014. Aðdáendur
þess ættu því að geta nælt sér í skammtinn sinn þetta
árið og skoðað glæsilega verslun Omnom í leiðinni.
Viðskiptavinurinn fær að smakka og fylgjast með
Hildur segir starfsfólk Omnom hafa lagt mikla
áherslu á að gera verslunina úti á Granda skemmtilega.
Búðin er í sama húsnæði og verksmiðjan, en glerveggir
aðskilja verslunina og verksmiðjuna. „Já, við erum með
glugga inn í verksmiðjuna þannig að viðskiptavinir geta
komið í búðina og séð hvernig súkkulaðið verður til. Við
erum þau einu á Íslandi sem gera súkkulaði beint úr
baun og því er svo skemmtilegt að geta sýnt fólki allt
ferlið. Svo bjóðum við alltaf upp á smakk í búðinni þann-
ig að fólk veit hvað það er að kaupa. Í leiðinni getur það
fræðst um súkkulaðið, upprunann og framleiðsluferlið.“
Spurð að lokum hvað hún myndi drekka með jóla-
súkkulaði þessa árs segir Hildur jólabjór passa vel með
súkkulaðinu. „Ég myndi para með jólabjór, þeir eru
svolítið dökkir og maltaðir. Og kannski frískandi Ries-
ling-víni, það gæti verið áhugavert.“
Vetrargóðgæti
Smá sorg fylgir þegar
jólasúkkulaðið klárast
Súkkulaðiframleiðandinn Omnom sendi í október frá sér nýtt vetrarsúkku-
laði sem er kryddað með ristuðu malti, rifnum appelsínuberki og saltaðri
karamellu. Hildur Halldórsdóttir, verkefnastjóri hjá Omnom, segir súkku-
laðið eiga að koma öllum Íslendingum í jólastuð.
Guðný Hrönn | gudnyhronn@mbl.is
„Súkkulaðigerðarmaðurinn Michael
velgir létt á formunum með hita-
blástursbyssu, svo að temprun
súkkulaðsins verði jöfn í formunum.“
Súkkulaðinu er
hellt á marmara-
borðið, sem er
við stofuhita.
„Að lokum
var saltaðri
karamellu
bætt við, þar var
rétta áferðin fundin
og þá vissum við
að þarna væru jólin
komin.“
Eftir að súkku-
laðið er sett í
formin er stökku
saltkaramellu-
kurli stráð yfir.
„Með því að dreifa heitu súkkulaðinu fram og
til baka á borðinu kólnar það jafnt og þétt og
beta-5 kristallar myndast, sem munu hjálpa
súkkulaðinu að gefa réttan gljáa og stökkleika,
þegar það kólnar,“ útskýrir Hildur.
Omnom eru þau einu á
Íslandi sem gera súkku-
laði beint úr baun.
❄
56 Jólablað Morgunblaðsins
S N Y R T I S T O F A N
HAMRABORG 10
SÍMI 554 4414
Gjafakort
Alhliða snyrting fyrir
konur og karla
www.snyrtistofa.is