Morgunblaðið - 21.12.2016, Side 96

96 Jólablað Morgunblaðsins
www.heklaislandi.is - S: 6993366
Íslensk hönnun
- fyrir þig -
jólaskrautið sem hún fær er mjög fallegt og það er erf-
itt að standast.“ En hvaða jólaskraut er í uppáhaldi?
„Við erfðum jólakaffistell fyrir tveimur árum frá
tengdaömmu minni sem mér finnst dásamlegt og held
mikið upp á. Einnig hefur sonur okkar föndrað jóla-
skraut sem fær að sjálfsögðu sinn stað.“
Mikilvægast að verja gæðatíma saman
Eins og áður sagði eiga þau Sara og Bergur þriggja
ára son saman, svo er annar strákur á leiðinni og sett-
ur dagur er 1. desember. Sara og Bergur halda í gaml-
ar jólahefðir sem þau ólust upp við, ásamt því að búa til
nýjar. „Já, núna, þegar ég er sjálf komin með barn, eru
að myndast nýjar hefðir en svo eru margar gamlar
hefðir sem maður vill kynna fyrir barninu sínu. En ég
held að það skipti mestu máli að leggja áherslu á sam-
veru, sama í hvaða formi hún er. Hvort sem fólk bakar
saman, spjallar yfir heitu kakói, spilar, kúrir uppi í sófa
yfir jólamynd, velur jólatré í sameiningu og/eða skreyt-
ir það saman,“ útskýrir Sara sem reynir eftir bestu
getu að forðast allt jólastress. „Maður á að njóta þessa
tíma, hann getur verið svo dásamlegur.“
Hvað varðar jólahefðir, nýjar og gamlar, þá ólst Sara
upp við að borða hamborgarhrygg á aðfangadag.
„Hamborgarhrygg og allt sem honum tilheyrir. Við
Bergur erum sem betur fer bæði alin upp við þá hefð
þannig að í fyrra, þegar við héldum okkar fyrstu jól
sjálf, var ekkert vesen að ákveða jólamatinn,“ segir
Sara sem er dugleg í eldhúsinu og þykir gaman að elda
og baka. „Það eru alveg 3-4 sortir af smákökum bak-
aðar fyrir jólin. En ég leyfi mömmu að sjá um lagtert-
una og fæ svo að hjálpa henni með sörubaksturinn,
gegn því að fá nokkra poka með heim,“ segir Sara. Svo
er það auðvitað jólaísinn. Meðfylgjandi er uppskrift að
jólaísnum hennar Söru sem hún bragðbætir með
Snickers-sósu og berjum.
Sara Sjöfn og
Bergur festu
kaup á húsinu
í fyrra.
5 eggjarauður
5 msk. sykur
1 vanillustöng
½ lítri rjómi
½ tsk. vanilludropar
1 tsk. sítrónusafi
Setjið eggjarauður í hrærivélar-
skálina og þeytið í 1 mín. Bætið
sykrinum rólega við og hrærið þar
til rauðurnar verða léttar og ljósar,
u.þ.b. fimm mínútur. Skerið vanillu-
stöng til helmina eftir endilöngu og
skafið kornin innan úr henni með
hníf. Blandið kornum við blönduna
og hrærið í 10 sekúndur. Blandið 1⁄3
af rjómanum saman við blönduna
með písk. Blandið afganginum af
rjómanum smátt og smátt saman við
með sleif. Bragðbætið með vanillu-
dropum og sítrónusafa. Setjið blönd-
una í form og frystið.
Snickers-sósa
1-2 dl rjómi
4 Snickers skorin í bita
Setjið allt saman í pott og sjóðið
við vægan hita eða þar til allt er
bráðnað og vel blandað saman. Þeg-
ar ísinn er borinn fram er gott að
hella smá af sósunni yfir ísinn og
hafa svo afgang með til hliðar. Berið
fram með ferskum berjum, t.d.
jarðarberjum, bláberjum eða hind-
berjum.
Getty images
Vanillu-jólaís