Morgunblaðið - 21.12.2016, Qupperneq 105

Jólablað Morgunblaðsins 105
Þessi jólatré eru í hæsta
gæðaflokki auk þess að vera
mjög falleg og líkjast þannig
raunverulegum trjám.
Einföld samsetning.
• Ekkert barr að ryksuga
• Ekki ofnæmisvaldandi
• 12 stærðir (60-500 cm)
• Íslenskar leiðbeiningar
• Eldtraust
• Engin vökvun
• 10 ára ábyrgð
• Stálfótur fylgir
Falleg
jólatré
Fáðu þér sígræna gæðajólatréð
- sem endist ár eftir ár!
Hraunbær 123 | s. 550 9800
www.gervijolatre.is
Opnunartímar:
Virkir dagar kl. 09-18
Helgar kl. 12-18
að stinga í samband en ég hef enn
ekki rekist á þess konar tré sem
bilar ekki eftir eitt skipti.“
Aðspurð um jólabaksturinn þá
segist hún taka vænar tarnir í eld-
húsinu og bakar hún þá helst alla-
vega fimm sortir í einu. „Svo þegar
búið er að ganga ágætlega á þær
birgðir þá baka ég annað holl, en
ég tek nú yfirleitt ekki meira en
tvær tarnir í aðventunni. Stundum
baka ég líka sörur því til viðbótar
með góðum vinkonum ef ég er í
stuði og hef tíma.“ Súkkulaðibita-
kökur, engiferkökur, kornfleks-
kökur og haframjölskökur eru þær
kökur sem bakað er hvað mest af á
heimilinu að sögn Þórdísar en svo
eru alltaf prófaðar einhverjar nýjar
sortir. „Ég er að vísu með ákveðna
nostalgíu fyrir hálfmánunum sem
hún Ingibjörg, mamma Ásdísar
æskuvinkonu minnar, bakaði þegar
við vorum litlar, en ég hef ekki
ennþá lagt almennilega í þá.“
Danskar matarvenjur
Rólegt er yfir heimili Þórdísar á
aðfangadag fyrir utan almennt mat-
arstúss sem dagurinn fer að mestu
í. „Við erum nokkurnveginn búin að
vera með sama matseðilinn alla tíð.
Amma mín var dönsk og ólst ég því
upp við hægeldaða önd, heimalagað
rauðkál og risalamande í eftirrétt.
Sem betur fer hefur manninum
mínum hugnast þessi matur þó svo
að hann hafi ekki verið par hrifinn
af grjónagrautnum eins og hann
kallaði hann fyrst. En núna leggj-
um við mikla alúð í grautinn og er
hann eldaður eftir kúnstarinnar
reglum.“
Í seinni tíð hafa foreldrar Þórdís-
ar borðað hjá þeim á aðfangadags-
kvöld og segir hún því lítið annað
hægt en að bjóða ættarlauknum
upp á risalamande upp á tíu. Þórdís
ber þó fleiri kræsingar á borð en
hún gerir jólaísinn frá grunni. „Ég
geri gamaldags rjómaís með góðu
vanillubragði fyrir jólin, kaupi
meira að segja vanillupaste erlendis
til að ná fram þessu ekta vanillu-
bragði af ísnum. Ég leik mér líka
aðeins með ísgerðina og geri nokkr-
ar tegundir, bæti til dæmis Toble-
rone-súkkulaði, rommkúlum eða
heimalagaðri karamellusósu út í,
sem mér finnst agalega gott.“
Jól í útlöndum
Þórdís hefur nokkrum sinnum
eytt jólunum á erlendri grundu og
fannst það dásamlegt. „Í fyrsta
skiptið sem ég hélt jólin erlendis
var ég tvítug au pair-stúlka í New
Haven í Bandaríkjunum, þar héld-
um við þrjár vinkonur saman jólin
fjarri nánustu ættingjum og áttum
yndislegan tíma saman sem mun
aldrei gleymast. Mér þykir alveg
einstaklega vænt um minningarnar
sem sköpuðust þau jólin. Vinnu
minnar vegna hef ég svo þurft að
eyða jólum og áramótum erlendis
sem var alveg yndislegt enda gam-
an að gera eitthvað öðruvísi með
góðum vinnufélögum. Það skapast
einstaklega góður andi í þessum
litla hópi sem áhöfnin er og oftar
en ekki fá makar og börn að fljóta
með, það er ævintýri sem gaman
hefur verið að upplifa.“
Einnig hefur fjölskylda Þórdísar
kosið að eyða jólum í fríi á Flórída
og því auðheyrt að fjölskyldan er
ekki föst í heilögum hefðum.
„Fyrstu jólin okkar úti fylltum við
töskurnar af Nóa konfekti, malti og
appelsíni, laufabrauði og fleiri
kræsingum að heiman og vorum því
með sama matseðilinn og heima og
stóðum sveitt yfir pottunum allan
aðfangadag. „Þórdís segir það ekki
alveg hafa verið málið og því hafi
verið gripið til þess ráðs ári síðar
að panta kalkún með öllu tilheyr-
andi út úr búð þar sem hún hafi
kosið að standa ekki í heilan dag í
eldhúsinu í góða veðrinu í Flórída.
„Það er hinsvegar skemmst frá því
að segja að næst verður farinn
millivegurinn,“segir þessi mikla
jólakona að lokum.
Morgunblaðið/Ófeigur
„Ég gerðist alveg sek um að
gera klassískan hringlaga krans
með greni, gervisveppum og
plastberjum í nokkur ár en núna er ég
meira fyrir skemmtilega uppröðun á
bakka með mismunandi áherslum og er
jafnvel með tvo ólíka bakka á heimilinu.“
❄
Falleg uppröðun á
bakka myndar krans-
inn hjá Þórdísi að
þessu sinni.
Jólaísinn
Baileys- og Toblerone-ís
6 eggjarauður
½ bolli púðursykur
½ lítri þeyttur rjómi
1 dl Baileys
örlítið af vanillumauki (Nielsen-Massey,
vanilla bean paste) sem ég kaupi í
Williams Sonoma í Bandaríkjunum.
100 g saxað Toblerone
Þeytið eggjarauður og púðursykur vel
saman þar til sykurinn finnst ekki lengur í
blöndunni.
Þeytið rjómann og setjið Baileys og smá
vanillumauk út í.
Blandið eggjablöndunni varlega saman
við rjómann og bætið saxaða súkkulaðinu
saman við. Setjið í álform og frystið.
Dulce de leche-jólaísinn
hennar mömmu
3 eggjarauður og 1 egg
½ lítri rjómi
2 msk. sykur
vanillumauk
Karamella
1 bolli sykur
1 bolli vatn
örlítið gróft salt
Þeytið egg og sykur vel saman þangað til
sykurinn finnst ekki lengur í blöndunni.
Þeytið því næst rjómann og vanillumaukið
saman.
Bræðið 1 bolla af sykri á pönnu þar til
hann er orðinn bráðinn og gullinbrúnn, hell-
ið 1 bolla af vatni út í og smá salti. Sjóðið
blönduna á vægum hita þar til að sósan er
tilbúin.
Kælið hana vel og hellið henni svo varlega
út í rjómablönduna.
Blandið að lokum eggjablöndunni varlega
saman við rjómann.
Frystið og njótið.