Morgunblaðið - 21.12.2016, Blaðsíða 116

áfram að gefa viðtakanda um ókomna tíð,“ segir hún.
Nú hefur þú mikið stúderað erkitýpur og jólin. Getur
það hjálpað fólki mikið að vita hvaða erkitýpa það
er?
„Sjálfsþekking var hornsteinn í
menningu Forn-Grikkja og vestræn
menning byggist í raun á þessum
hornsteini þó að það gleymist oft
í amstri dagsins. Hugmyndina
um erkitýpur má einnig rekja til
Forn-Grikkja sem áttuðu sig á
mikilvægi þess að einstakling-
urinn gæti fundið innri sam-
hljóm í straumþunga samfélags-
ins.
Ég tala um samsetingu pen-
ingaerkitýpanna eða peninga-
persónugerðanna sem peninga DNA-ið
okkar. Það hefur hjálpað mér mjög mikið
að kynnast mínu peninga DNA-i og einnig
þeim sem ég hef unnið með að fjárhags-
legri valdeflingu á undanförnum árum. Það er sérstaklega
skemmtilegt að setja þessar hugmyndir í samhengi við jól-
in, þar sem peningahegðun okkar virðist afhjúpast á ein-
skæran hátt á þessum árstíma.“
Edda segir að námskeiðið sé ekki fyrir þröngan hóp
fólks heldur séu mjög margir að glíma við peninga-
áskoranir af einhverju tagi.
Lausnir fyrir alla sem vilja taka ábyrgð
„Birtingarmyndirnar eru mjög mismunandi en þær eru
áskoranir engu að síður. Þetta námskeið er sett saman
með það í huga að búa til lausn sem getur hentað fólki
óháð því hverjar peningaáskoranirnar eru. Þetta hentar
þeim sem eru tilbúnir að taka ábyrgð á peningamálunum
og breyta því sem breyta þarf. Þetta hentar þeim sem
langar til að búa til skemmtilegt og skapandi kerfi utan
um fjármálin.“
Edda er mikið jólabarn og segist vera dægurstjarna
þegar kemur að peningamálum.
„Mín efsta peningaerkitýpa eða persónugerð er dæg-
urstjarnan og hún fær að njóta sín um hátíðarnar. Mér
116 Jólablað Morgunblaðsins
Rjóminn
í ísnum
S
ífellt fleiri aðhyllast sjálfbæran lífsstíl sem
felur í sér að eiga færri hluti. Upplifanir,
reynsla og þekking eru verðmæti sem
standast tímans tönn og andlegar jólagjafir
eru því í takt við nýja tíma. Eða eins og
Benjamín Franklín sagði: „Að fjárfesta í
þekkingu, veitir besta ávöxtun“,“ segir Edda.
Edda býður upp á námskeið sem kallast Fjárhagslegt
frelsi á 12 vikum. Hún segir að þetta henti vel fyrir þá sem
vilja fara betur með peningana sína.
„Fjárhagslegt frelsi á 12 vikum byggist á hugmyndum
um sjálfbærni og fjárhagslega valdeflingu einstaklingsins.
Það byggist einnig á þeirri staðreynd að öll stefnum við að
fjárhagslegu frelsi með einum eða öðrum hætti. Fæst er-
um við hins vegar með áætlun um það hvernig við ætlum
að láta þann draum verða að veruleika. Á námskeiðinu
Fjárhagslegt frelsi á 12 vikum gefst þátttakendum tæki-
færi til að útbúa slíka áætlun.
Fyrstu vikur námskeiðsins eru helgaðar sjálfsþekkingu.
Þar gefst tækifæri til að kynnast peninga-DNA-inu, sem
er einstakt hjá hverjum og einum. Samband okkar við
peninga og peningahegðun er þvínæst til skoðunar. Þar
gefst tækifæri til að sleppa tökunum á peningasögunni
sem tilheyrir fortíðinni og hefjast handa við að skrifa nýj-
an kafla – eða jafnvel nýja bók þar sem kveður við nýjan
tón í peningasögunni. Þegar kemur að sambandi okkar við
peninga er ýmislegt sem hefur áhrif eins og til dæmis
venjur. Við skoðum þessa þætti með það í huga að endur-
stilla forritið ef svo má segja. Þannig fæst betri árangur til
framtíðar. Í lokin byggjum við svokallað peningakerfi sem
miðar að því að gera peningamálin skemmtileg. Fjármála-
umsýsla á ekki að vera kvíðaefni heldur tilhlökkunarefni
og því notum við skapandi aðferðir þar sem styrkleikar
hvers og eins eru í forgrunni.
Ólíkt flestum öðrum fjármálatengdum námskeiðum á
netinu – er þetta klæðskerasniðið. Hvernig er hægt að
bjóða klæðskerasniðna lausn á netinu? spyrja sumir. Jú,
það er hægt því að upplifun hvers og eins á námskeiðisefn-
inu helgast af peninga DNA-i við komandi, sem greint er á
upphafsstigum námskeiðsins. Þetta er einfalt, aðgengi-
legt, skapandi og skemmtilegt. Með þessari mannbætandi
jólagjöf gefst því tækifæri til að gefa gjöf sem heldur
Hvernig er samband
okkar við peninga?
Edda Jónsdóttir, leiðtogamarkþjálfi hjá Edda Coaching, segir að það færist í
vöxt að fólk gefi andlegar jólagjafir. Hún leggur mikið upp úr góðu jólahaldi en
vill að við hugum betur að andanum og pælum minna í hlutum.
Marta María | martamaria@mbl.is
❄
Getty images
Edda Jónsdóttir, leið-
togamarkþjálfi hjá
Edda Coaching.
finnst bæði gaman að undirbúa jólin og einnig að njóta þeirra.“
Hvað finnst þér best við aðventuna?
„Það er eftirvæntingin og hátíðleikinn. Mér finnst líka for-
réttindi að upplifa aðventuna og jólahátíðina með augum
barnanna minna. Ég fer yfirleitt á jólatónleika og horfi á jóla-
myndir. Svo finnst mér gaman að fara í kirkju á aðventunni og
syngja jólasálma. Almennt er ég frekar meyr á þessum árstíma
og geri grín að sjálfri mér þegar ég tárast af gleði og þakklæti.“
Edda eldar kalkún á aðfangadag.
„Við fengum alltaf kalkún heima hjá afa á aðfangadagskvöld
á æskuárum mínum, svo ég held í hefðina. Kalkúninn er fylltur
og eldaður eftir kúnstarinnar reglum. Ég stend yfir honum frá
morgni og nostra við hann – milli þess sem ég laga trönuberja-
sósu frá grunni, brúna rósakál og útbý annað meðlæti. Þetta er
besta máltíð ársins. Ég hringi gjarnan til móðursystur minnar
sem er búsett í Bretlandi og ráðfæri mig við hana á meðan á
eldamennskunni stendur. Hún er nokkurs konar guðmóðir
eldamennskunnar í mínum huga. Vinir mínir á Ítalíu hafa sagt
að fjölskyldan mín sé ítalskari en allt sem ítalskt er. Við getum
talað um mat í margar klukkustundir og þegar við hittumst þá
er borðað!“
Þarftu alltaf að hafa allt eins eða ertu
opin fyrir nýjungum?
„Hefðir eru góðar en ég er forvitin og
nýjungagjörn að upplagi. Þess vegna
prófa ég mismunandi eftirrétti um jólin
ár hvert. Við höfum líka haldið jólin í
nokkrum löndum og það hefur mér þótt
dýrmæt reynsla. Til dæmis eru eftirminnileg jólin 2006, þegar
ég var í meistaranámi við Bologna-háskóla á Ítalíu. Móðir mín
kom og hélt jólin með okkur, enda voru þetta fyrstu jól frum-
burðar míns og fyrsta barnabarns hennar. Við keyrðum til
Rómar og komum þangað að kvöldi annars í jólum. Þar gengum
við inn á upplýst Péturstorgið þar sem fæðingarsaga Jesú var
sett á svið á miðju torginu. Þeirri sýn gleymi ég aldrei. Hátíð-
leikinn var hreinlega áþreifanlegur.“
Reynir að vera skapandi í jólaundirbúningnum
Talið berst að börnum og barnauppeldi. Edda er á því að það
skipti miklu máli að setja börnum skýrar reglur. Þegar ég spyr
hana að því hvað við getum gert til þess að börn verði ekki of
heimtufrek og vanþakklát um jólin segir hún að það skipti máli
að kenna þeim um gildi og það eigi ekki bara við í desember.
„Á aðventunni finnst mér gaman að lesa gamlar jólasögur
fyrir börnin mín. Sér í lagi þær sem enduróma gamla tímann
þegar lífið var einfaldara og snérist meira um samveru en
minna um hluti. Svo hef ég reynt að vera góð fyrirmynd með því
að vera meira skapandi í jólaundirbúningnum. Búa hluti til í
höndunum og leyfa börnunum að taka þátt í því. Einnig höfum
við bakað smákökur og pakkað inn í litla pakka og fært úti-
gangsfólki dagana fyrir jól. Það gefur börnunum mikið að gefa
af sér og upplifa hvað litlir hlutir sem þau taka sem sjálfsögðum
hlut, geta skipt þá sem minna eiga miklu máli. Það finnst mér
vera kjarninn í jólaboðskapnum. Þetta er jú hátíðin þar sem við
fögnum stærstu gjöfinni, sem er kærleikurinn.“
„Þegar kemur að
sambandi okkar
við peninga er
ýmislegt sem hefur áhrif,
eins og til dæmis venjur.“
❄