Tímarit hjúkrunarfræðinga - 01.05.2001, Síða 13

þannig að aðstæður og aðbúnaður veiti foreldrum
möguleika á að sinna eigin þörfum, 7) fá upplýsingar um
fjárhagsaðstoð, 8) geta sinnt öðrum fjölskyldumeðlimum,
svo sem öðrum börnum sínum, 9) hafa von; 10) vita að
barnið fái þroskaverkefni við hæfi og 11) þjónustan við
fjölskylduna sé samhæfð.
Bakgrunnsbreytur tengdar þörfum foreldra
Niðurstöður fimm rannsókna bentu til þess að tengsl væru
á milli ákveðinna bakgrunnsbreyta og þarfa foreldra.
Breytur þær, sem sýndu marktæka fylgni við ákveðnar
þarfir, eru birtar í töflu 3. Kynjamunur hefur komið fram hjá
foreldrum um hvaða þarfir séu mikilvægastar. Mæður gáfu
þörfum sínum meira vægi en feður bæði austan hafs og
vestan (Fisher, 1994; Kirschbaum, 1990; Kristjánsdóttir,
1995). í rannsókn Fishers (1994) kom fram tölfræðilega
marktækur munur á mati foreldra eftir aldri. Yngstu
foreldrarnir (15-30 ára) gáfu fimm staðhæfingum um þörf
fyrir upplýsingar meira vægi en eldri foreldrarnir. Þessar
þarfir voru: 1) Að fá vitneskju um það hvers vegna eitthvað
er gert fyrir barnið, 2) að þekkja læknismeðferð barnsins,
3) að fá upplýsingar um barnið daglega, 4) að vita
nákvæmlega hvað er gert fyrir barnið og 5) að geta verið í
einrúmi með barninu á sjúkrahúsinu. Foreldrar á aldrinum
31-40 ára mátu meira en aðrir „að fá hjálp við að styðja
barnið þegar það sýndi viðbrögð við veru sinni á gjör-
gæsludeild" og „að heimsóknartímar byrjuðu tímanlega".
Rannsóknirnar bentu til þess að aldur barnanna hefði ekki
afgerandi áhrif á almennar þarfir foreldra (Bragadóttir,
1999; Kristjánsdóttir, 1995). Það, hversu samhljóma niður-
stöður þessara rannsókna voru, bendir til þess að
foreldrar hafi sömu grunnþarfir hversu gamalt sem barn
þeirra er.
Það virtist hafa áhrif á hvaða þarfir foreldrar töldu mikil-
vægastar hversu alvarleg veikindi barnsins voru og hve
lengi það hafði legið á sjúkrahúsi (Bragadóttir, 1999;
Kristjánsdóttir, 1995; Ramritu og Croft, 1999; Weichler,
1990). Menntun og aldur foreldra, fjarlægð milli heimilis og
sjúkrahúss og mat foreldra á hve veikindi barnsins voru
alvarleg tengdust því hvernig foreldrunum fannst að
ákveðnum þörfum þeirra væri fullnægt á barnadeildum á
íslandi (Bragadóttir, 1999). Sérstaklega virtist menntun
foreldranna hafa áhrif og var marktæk neikvæð fylgni milli
menntunar og þess hvernig foreldrunum þótti að
ákveðnum upplýsingaþörfum, þörfum tengdum starfsfólki
og umhverfi, og þörfum fyrir stuðning og leiðsögn vera
sinnt. Slíkur munur greindist einnig í rannsókn Guðrúnar
Kristjánsdóttur (1995) en reyndist ekki tölfræðilega mark-
tækur. Leitt var að því líkum að menntun hefði áhrif á
væntingar foreldra til þjónustunnar (Bragadóttir, 1999).
Niðurstöður rannsókna á þörfum foreldra, sem eiga
barn á sjúkrahúsi, benda til þess að mikilvægustu þarfir
þeirra tengist því að geta treyst fagfólki, að fá upplýsingar
Tafla 2. Grunnþarfir foreldra barna á sjúkrahúsum
Grunnþarfir tengdar Heimild
Upplýsingum Bournaki, 1987; Bragadóttir, 1997, 1999; Farrell og Frost, 1992; Fisher, 1994; kasper og Nyamathi, 1988; Kirschbaum, 1990; kristjánsdóttir, 1986, 1991, 1995; Sloper, 1996; Ramritu og Croft 1999; Terry, 1987; Weichler, 1990.
Að geta verið hjá barninu og geta tekið þátt í umönnun þess Bournaki, 1987; Bragadóttir, 1997, 1999; Farrell og Frost, 1992; Fisher, 1994; Kasper og Nyamathi, 1988; Kirschbaum, 1990; Kristjánsdóttir, 1986, 1991, 1995; Ramritu og Croft, 1999; Weichler, 1990.
Því að vera treyst Bournaki, 1987; Bragadóttir, 1997, 1999; Farrell og Frost, 1992; Kirschbaum, 1990; Kristjánsdóttir, 1986, 1991, 1995; Sloper, 1996; Ramritu og Croft, 1999; Terry, 1987.
Því að geta treyst heilbrigðisstarfsfólki Bournaki, 1987; Bragadóttir, 1997, 1999; Farrell og Frost, 1992; Fisher, 1994; Kirschbaum, 1990; Kristjánsdóttir, 1986, 1991, 1995; Ramritu og Croft, 1999.
Stuðningi og leiðsögn Bournaki, 1987; Bragadóttir, 1997, 1999; Farrell og Frost, 1992; Fisher, 1994; Kasper og Nyamathi, 1988; Kirschbaum, 1990; Kristjánsdóttir, 1986, 1991, 1995; Sloper, 1996; Ramritu og Croft, 1999; Terry, 1987; Weichler, 1990.
Umhverfi og mannauði Bournaki, 1987; Bragadóttir, 1997, 1999; Farrell og Frost, 1992; Fisher, 1994; Kasper og Nyamathi, 1988; Kirschbaum, 1990; Kristjánsdóttir, 1986, 1991, 1995; Sloper, 1996; Ramritu og Croft, 1999; Weichler, 1990.
Fjárhagsaðstoð Bournaki, 1987; Bragadóttir, 1997, 1999; Farrell og Frost, 1992; Kasper og Nyamathi, 1988; Kirschbaum, 1990; Kristjánsdóttir, 1986, 1991, 1995; Sloper, 1996; Ramritu og Croft, 1999.
Öðrum fjölskyldumeðlimum Bournaki, 1987; Bragadóttir, 1997, 1999; Kasperog Nyamathi, 1988; Kirschbaum, 1990; Kristjánsdóttir, 1986, 1991, 1995; Sloper, 1996; Ramritu og Croft, 1999); Weichler, 1990.
Voninni Farrell og Frost, 1992; Fisher, 1994; Kirschbaum, 1990; Sloper, 1996; Ramritu og Croft, 1999.
Þroska og menntun barnsins Bragadóttir, 1997, 1999; Kasperog Nyamathi, 1988; Kristjánsdóttir, 1986, 1991; Ramritu og Croft, 1999.
Samhæfingu heil- Bragadóttir, 1997, 1999; Fisher, 1994;
brigðisþjónustunnar Ramritu og Croft, 1999; Weichler, 1990.
Tímarit hjúkrunarfræðinga • 2. tbl. 77. árg. 2001
93