Ráðunautafundur - 15.02.1988, Side 73

-63-
samræmis við önnur erindi hér a ráöunautafundinum verður
uppgræðsluþættinum lítil skil gerð hér á þessum vettvangi.
II. Ný viðhorf
Þurrkanir á s.l. sumri komu af staó miklu moldroki bæði á
helstu uppblásturssvæðum landsins og í fjölmiðlum. Það er þó hart
til þess að vita að það þurfi slíka gróðureyðingu til þess að
vekja almenning virkilega til umhugsunar um þessi mál. Enn verra
er þó að þessar miklu umræður leiddu ekki til neinnar verulegrar
aukningar á fjárveitingum til þessa málaflokks, heldur juku
frekar á andúð þéttbýlisbúa á bændum og búfé þeirra.Þær raddir
hafa vissulega heyrst aó við sem stöndum fyrir landgræðslu og
gróðurverndarmálum höfum með málflutningi okkar stuðlað að þessu
viðhorfi almennings. Það er þó ekki maklegt því við höfum
kappkostað að gæta sannmælis í viðræóum okkar við fjölmiðla.
Okkur hefur þó sjálfum fundist gæta misvægis í umfjölluninni. Hún
hafi einskorðast um of við dekkri hliðarnar en minna getið um það
sem vel er gert og því jákvæða sleppt úr fréttum þó við höfum
lagt á það áherslu, en það þykir ekki fréttnæmt.
Sjónvarpsmyndavélin skrökvar ekki, en það er ekki sama hvernig
henni er stjórnað. Ég vil einnig benda á það, að viðhorf
einstakra bænda í gróðurverndarmálum þ.e. aó allt sé í stakasta
lagi í gróðurfari landsins, hefur virkað mjög neikvætt á viðhorf
fólks til bænda.Það er nauðsynlegt að viðurkenna vandamálin ef
unnt á að vera að leysa þau.
III. Lagaákvæði
Frá því Landgræðslan var stofnuð árið 1907 hefur
höfuðmarkmið stofnunarinnar verið stöðvun sandfoks og uppblásturs
og verndun gróðurs. Fyrstu sextíu ár starfseminnar var
gróðurverndin fyrst og fremst fólgin í friðun lands til þess að
unnt væri að hefta sandfok og til að vernda eftirstandandi
gróðurtorfur fyrir beit.
Lögum um landgræðslu var breytt verulega árið 1965 og þá kom
inn sérstakur kafli um gróðurvernd og önnur ákvæði er vörðuðu
meðferð á grónu landi.
Samkvæmt þeim lögum hefur Landgræðslan yfirumsjón með
gróðureftirliti og verndun gróðurs. Landgræðslunni til aðstoðar