Saga - 2004, Síða 162

unnið og skekkjulaust, hins vegar fannst mér upplýsingar stundum
í stysta lagi og held ég að í þessum hluta safnsins megi að ósekju
auka vægi texta og ef til vill leggja meiri áherslu á mikilvægi síld-
arinnar, ekki einungis efnahagslega heldur líka samfélagslega.
Rými það sem lagt er undir síldarsögu í Evrópu tel ég að leggja
mætti niður að skaðlausu og nota frekar til að efla þá þætti sem
þegar eru sýndir ellegar taka fyrir aðra hluti, til að mynda menn-
ingu og félagslíf.
Af fleiru er að taka á miðhæð Róaldsbrakka. Á einum stað má
finna muni og tæki skipstjóra síldarbáts, skipamódel og spjald þar
sem greint er frá sögu og tilurð safnsins og uppbyggingu Róalds-
brakka. Þar getur einnig að líta verðlaunagripi þá sem safnið hefur
hlotið. Í einu horni brakkans hefur verið komið fyrir sjónvarpi þar
sem hægt er að tylla sér niður og horfa á fjórar kvikmyndir sem all-
ar sýna brot úr síldarævintýrinu á Siglufirði: kvikmynd Lofts Guð-
mundssonar, „Ísland í lifandi myndum“ frá 1924–1925, „Íslands-
mynd“ kapteins Dans frá 1938 (ensk útgáfa), kvikmynd Sigurðar
Guðmundssonar ljósmyndara frá söltunarstöðvum á Siglufirði frá
1942 og stutta mynd frá síldarbryggju á Siglufirði eftir Magnús Jó-
hannsson frá 1956 og 1957. Í sama horni liggja frammi möppur með
ljósmyndum frá síldartímanum sem gestir geta skoðað. Bæði kvik-
myndirnar og ljósmyndirnar gefa sýningunni nýja vídd. Eftir að
gestir hafa fræðst um síldarsöguna á undan gefa kvikmyndirnar og
ljósmyndirnar nýtt sjónarhorn á viðfangsefnið.
Á efstu hæð hússins voru vistarverur síldarstúlkna og má þar
ganga milli herbergja þeirra og sameiginlegs eldhúss. Auk þess er
þar eitt herbergi fyrir karlmenn enda gátu þeir einnig búið í brakk-
anum. Undir súð voru geymslurými og þar hefur verið komið fyrir
harðfiski, fatnaði og áhöldum sem unnið var með. Þegar gengið er
um herbergin sem hafa að geyma veraldlega muni síldarfólks, und-
ir tónlist frá þessum tíma sem berst úr viðtæki í einu herbergjanna,
er eins og tíminn hafi spólast til baka um rúm 50 ár og söltun sé í
fullum gangi úti á plani. Þó að hér sé einkum lögð áhersla á að gest-
ir skynji anda síldarævintýrisins má finna í einu herbergjanna stutta
umfjöllun um síldarstúlkuna sjálfa. Á miðhæð brakkans er einnig
hægt að ganga um skrifstofu síldarspekúlantsins, með tilheyrandi
munum og bókum. Til að mynda liggur rit Árna Friðrikssonar um
Norðurlandssíldina frá 1944 við legubekk síldarspekúlantsins. Á
veggjum getur að líta myndir af helstu síldarspekúlöntum tímabils-
ins, ásamt stuttri umfjöllun um hvern og einn, bæði staðreyndum
H R E F N A M. K A R L S D Ó T T I R162
Saga haust 2004 - NOTA 30.11.2004 11:33 Page 162