Saga - 2004, Page 178

og viðkomandi myndatextar. Upplýsingar eru líka um aðstandend-
ur sýningarinnar ólíkt sýningarskrá Þjóðbókarbókhlöðu þar sem
ekkert kemur fram um þetta atriði. Einn af kostum sýningarskráa
er að þar má setja fram upplýsingar frá hönnuðum og handritshöf-
undum um markmið og forsendur sýninganna. Sakna ég þess hve
þetta tækifæri er lítið notað í skránum.
… tvö vefsetur …
Hluti af sýningu Þjóðmenningarhúss er margmiðlunarvefsetrið
Heimastjórnin. Skólavefurinn ehf. stendur að því og upphaflega var
þetta vefsetur ætlað sem viðbótarkennsluefni fyrir 8. bekk grunn-
skóla. Í tilefni af heimastjórnarsýningu Þjóðmenningarhúss var það
nokkuð endurskoðað til notkunar þar en hönnun og frágangi vef-
setursins var ekki fulllokið í sumar.7 Utan Þjóðmenningarhúss er
einungis aðgangur að setrinu gegn gjaldi en nokkurs konar sýnis-
útgáfu (demo) má sjá á vefsetri Skólavefsins.
Í sérherbergi á sýningunni eru tveir snertiskjáir tengdir tölvu
með efninu og auk þess er skjávarpi til að fleiri geti fylgst með á
veggtjaldi þegar vefsetrið er skoðað. Innihald vefsetursins skiptist í
fimm bálka. Í þeim fyrsta er samfelldur texti um fjóra þætti sem
varða heimastjórnina: þjóðfrelsisbaráttuna fram til 1904, heima-
stjórnartímabilið, Hannes Hafstein og Jón Sigurðsson. Fyrstu tveir
þættirnir fjalla nær eingöngu um stjórnmálasöguna og helst er vik-
ið að öðrum sviðum þjóðlífsins í undirköflum um verslunarfrelsið
1855 og símamálið 1906. Tveir síðari þættirnir hafa allt annað snið
þar sem þeir eru allrækileg ævisöguágrip og eru því ítarefni með
stjórnmálasögunni.
Til að vega upp á móti stjórnmálasögunni er fjallað um önnur
svið þjóðlífsins í öðrum bálki á vefsetrinu. Það er raunar gert með
tvennum hætti. Annars vegar með því að birta fróðleiksmola í ann-
álaformi, flokkaða eftir efnissviðum. Hins vegar með því að gefa
kost á að hlusta á örstuttar yfirlitsfrásagnir um sömu efnissvið um
leið og kyrrmyndir líða yfir lítinn ramma á hluta skjásins. Hægt er
að hlusta samtímis því að annálsgreinarnar eru skoðaðar og kemur
hljóðið úr hátölurum sem festir eru á vegg. Heiti efnissviðanna eru
auk tveggja yfirlita um stjórnmálasöguna: árferði, heilbrigðismál,
H A L L D Ó R B J A R N A S O N178
7 Tölvuskeyti Ingólfs B. Kristjánssonar, Skólavefnum ehf., til greinarhöfundar
26. ágúst 2004.
Saga haust 2004 - NOTA 30.11.2004 11:33 Page 178