Saga - 2004, Side 179

kirkjumál, menntamál, atvinnumál og menningarmál. Í öðrum
bálkum á vefsetrinu er ýmiss konar viðbótarefni: fjögur stutt ævi-
ágrip, fjögur sýnishorn af bókmenntaverkum (kvæði) og tvær
blaðagreinar frá lokum 19. aldar. Er þessi viðleitni til fjölbreytni á
vefsetrinu góðra gjalda verð og mætti efnið vera meira og fjöl-
breytilegra að efni og uppruna.
Vefsetrið bæði geldur þess og nýtur að vera kennslutæki fyrir
ákveðið skólastig en ekki úthugsaður hluti sýningarinnar í Þjóð-
menningarhúsi. Þetta kemur til dæmis fram í yfirlitsumfjöllun um
sérsviðin í öðrum bálki vefsetursins því að þau eru eðlilega miðuð
við orðfæri, þekkingarstig og skilningsforsendur ungmenna en
ekki fullorðins fólks. Þar af leiðandi er efnisumfjöllun frekar grunn
og framsetning fulleinföld á mælikvarða fullorðinna. Við það bæt-
ist að efnismeðferð er nokkuð staðreyndakennd og möguleikar til
innlifunar, til dæmis með persónulegum heimildum, ekki nýttir.
Hins vegar er hugmyndin með þessu margmiðlunarefni mjög góð
og framsetningaraðferðin ætti að höfða til yngra fólks. Hefði mátt
vekja meiri athygli á vefsetrinu á sýningunni til að draga það að
vegna þess að aðalhluti sýningarinnar í herbergjunum þremur mið-
ast miklu frekar við fullorðna, einkum stjórnmálasagan.
Skoðun vefsetursins sýndi að huga þarf vel að ýmsum hagnýt-
um framkvæmdaratriðum þegar tæknibúnaður er annars vegar.
Aðstaðan fyrir skoðun þessa margmiðlunarefnis mætti til dæmis
vera betri. Gestir verða að standa nema að þeir hafi annan til að
styðja á skjáinn fyrir sig meðan þeir sitja á stól og horfa á myndina
úr skjávarpanum. Voru stólarnir reyndar bara tveir við skoðun í
ágúst síðastliðnum. Þá virðist fremur mollulegt í herberginu, að
minnsta kosti í hlýju veðri, enda er engin loftræsting þar. Því er
vond aðstaða fyrir hóp fólks að vera þar inni og fylgjast með skjá-
varpsmyndinni. Þá þarf að fylgjast með bilunum því að ýmislegt í
búnaðinum var ekki í lagi í þau skipti sem ég kom.
Forsætisráðuneyti gekkst fyrir því að komið var upp sérstöku
vefsetri á árinu og heitir það Heimastjórn: Stjórnarráð Íslands
1904–2004. Þrátt fyrir undirheitið er ekkert fjallað um tímann eftir
1918 og er það því misvísandi. Hryggjarstykkið í vefsetrinu mynda
fjórir samhangandi hlutar sem bera heitin: Leiðin til sjálfstæðis,
Fyrsti ráðherrann, Stjórnmálin og Heimastjórnartíminn. Stjórn-
málasagan er vissulega mjög fyrirferðarmikil og Hannes Hafstein
— sem embættismaður, stjórnmálamaður og skáld — fær ríkulega
umfjöllun auk þess sem fjallað er um skjaldarmerki Íslands í sjálf-
H E I M A S T J Ó R N Í H Á T Í Ð A R B Ú N I N G I 179
Saga haust 2004 - NOTA 30.11.2004 11:33 Page 179