Saga - 2004, Blaðsíða 182

upplýsingar eru þar um svo sjálfsagða hluti sem hönnun eða rit-
stjórn þess.
Hönnun vefsetursins er hin prýðilegasta. Til dæmis er hugvits-
samlegt að láta gamlar myndir renna af og til yfir efsta hluta skjás-
ins. Og ýmsar ágætar krækjur á aðrar vefsíður með tengdu, sögu-
legu efni er að finna á síðum vefsetursins. Tæknileg uppsetning set-
ursins er að flestu leyti fagmannlega unnin þrátt fyrir smáósam-
ræmi sums staðar. Notkun vefsins er skilvirk og þægileg enda geta
notendur vefsetursins skoðað það hvar og hvenær sem er. Í heild-
ina tekið er heimastjórnarvefsetur forsætisráðuneytis vel heppnað-
ur upplýsingavefur um heimastjórnina.
… og ein sjónvarpsmynd
Ein sjónvarpsmynd tengd afmælinu hefur verið sýnd á árinu en
það er myndin Hannes Hafstein og heimastjórnin. Hún er sett saman
af gömlu og nýju efni, bæði hreyfimyndum og ljósmyndum.
Gamla efnið spannar tímann allt frá því fyrir 1900 og að minnsta
kosti fram um 1920. Nýja efnið er allt hreyfimyndir, margar af Al-
þingishúsinu, utan húss eða innan, en einnig eru þar nokkur við-
talsinnskot.
Með hliðsjón af heiti myndarinnar og því hve stutt hún er, að-
eins rúmlega 21 mínúta, virðist ljóst að fyrirætlun höfundar var
ekki að fjalla um heimastjórnina á víðtækan hátt. Heldur sú að rifja
upp helstu atriði þessarar sögu og rekja jafnframt ævihlaup Hann-
esar Hafsteins eða leggja áherslu á hans þátt í sögu heimastjórnar-
innar. Raunin er að minnsta kosti sú að almenn stjórnmála-
sögurakning tekur nær helming myndarinnar (níu mínútur) og þar
við bætist persónulegt ævihlaup Hannesar á fimm og hálfri mín-
útu. Af þessu er ljóst að stjórnmálasagan er yfirgnæfandi þegar ævi-
hlaup Hannesar er meðtalið. Þar sem þetta virðist hafa verið ætlun-
in og myndin er stutt er erfitt að gagnrýna snöggsoðna yfirferð um
aðra þætti þjóðlífsins. Einmitt vegna þess hve myndin er stutt má
samt vænta þess að þessar fáu mínútur séu notaðar vel.
Þegar frá er talin kynning og afkynning myndarinnar gefast ein-
ungis rúmlega fimm mínútur fyrir annað efni en stjórnmálasögu.
Af þeim fara tæplega tvær mínútur í almenna kynningu á íslensku
samfélagi í upphafi frásagnar í myndinni og afgangnum er varið í
umfjöllum um heimastjórnartímann: atvinnumál, hugarfar lands-
H A L L D Ó R B J A R N A S O N182
Saga haust 2004 - NOTA 30.11.2004 11:33 Page 182