Saga - 2004, Page 245

ir, sbr. kenningar Inger Hammar um áhrif lútherskunnar. Því hefði fræði-
legt samhengi samkvæmt nýjustu kenningum gert bókina enn betri. Það
bíður því betri tíma að fylgja verkinu eftir og nýta allt það gríðarlega efni
sem þar er að finna til frekari rannsókna. Á móti kemur að heimilda er afl-
að úr ólíklegustu áttum, þær látnar tala, farið með þær á vandaðan hátt og
þeirra jafnan getið þannig að auðvelt er að sjá til hvers er verið að vísa. All-
ur frágangur er mjög vandaður og útgefendum til sóma.
Kristín Ástgeirsdóttir
Jón Páll Halldórsson, FISKVINNSLA Í SEXTÍU ÁR. ÞÆTTIR ÚR
SÖGU FISKVINNSLU Á ÍSAFIRÐI FRÁ 1934 TIL 1993. Sögufélag
Ísfirðinga. Ísafirði 2003. 255 bls. Myndir, myndrit, töflur, nafna-
skrá.
Efni bókarinnar er saga hraðfrystingar, rækjuiðnaðar og fiskmjölsvinnslu á
Ísafirði og í Hnífsdal. Saga hraðfrystihúsanna er fyrirferðarmest og þá eink-
um stærstu fyrirtækjanna. Til að setja þessa sögu í samhengi eru fremst í
bókinni fáeinar stiklur úr fiskveiðisögu þjóðarinnar frá upphafi og fram til
miðrar 20. aldar. Síðan verður frásögnin ítarlegri og höfundur ræðir nokkra
valda þætti úr sjávarútvegssögu Íslands frá um 1930 til um 1990. Eftir að
hafa rakið sögu fyrirtækjanna, og þá um leið sögu umræddra atvinnu-
greina við Ísafjörð, í meginhluta bókarinnar er svo stuttleg lýsing á gengis-
stefnu stjórnvalda 1930–1990 og afleiðingum hennar.
Tímabilið sem tekið er fyrir virðist bærilega afmarkað. Upphaf þess
markast af þeim nýju atvinnugreinum sem bættust við hina gamalgrónu
saltfiskframleiðslu við Ísafjörð á fjórða áratugnum. Lok tímabilsins eru hins
vegar ógreinilegri enda liggja þau svo nærri okkur í tíma að erfitt er að af-
marka þau nákvæmlega. Höfundur mun þó hafa þar í huga ný viðhorf í
efnahags- og atvinnumálum sem ruddu sér til rúms um og upp úr 1990.
Höfundur segir að bókin eigi að vera „söguleg upprifjun um þróun og
uppbyggingu fiskiðnaðar á Ísafirði …“ (bls. 234) en um leið vilji hann tengja
iðnaðinn markaðsstarfinu og þróun efnahagsmála. Efnisval höfundar ber í
þessu og fleiru ýmis einkenni háskólafræðirits ef svo má að orði komast. En
efnistökin og framsetning mótast af höfundi sem áhugamanni um sögu
sinnar heimabyggðar og athafnamanni þar vestra enda tekur höfundur
skýrt fram í heiti bókarinnar að hún sé aðeins um þætti þessarar sögu. Um
heimildanotkun er ekkert sagt en höfundur dregur víða að efni og hefur
leitað til ýmissa heimildarmanna og nýtt sér ýmis skjöl, einkum frá fyrir-
tækjunum sem um ræðir. Þess utan er fjöldi útgefinna rita hagnýttur.
Þótt höfundur reki sögu tiltekinna atvinnugreina er umfjöllun hans að
mestu leyti í formi fyrirtækjasögu. Einungis er fjallað um almenna þætti í
R I T D Ó M A R 245
Saga haust 2004 - NOTA 30.11.2004 11:34 Page 245