Saga - 2004, Qupperneq 254

þannig að lesandi fær breiða yfirsýn um þróun kvikmyndanna. Eftir því
sem nær dregur samtímanum verður umræðan þó yfirborðskenndari. Ein-
ungis er fjallað um „bíómyndir“, ekki myndir gerðar fyrir sjónvarp. Það
getur háð lesandanum að kunna ekki sæmileg skil á sumum elstu myndum
kvikmyndasögunnar en þar virðist Parkinson á stundum gera ráð fyrir
nokkurri fyrirframþekkingu. Raunar eru ýmsar eldri myndirnar flestum
nútíma Íslendingum framandi sem og sumar svokallaðar listrænar myndir
sem ekki hafa ratað á almennar sýningar í íslenskum kvikmyndahúsum.
Hins vegar kom skemmtilega á óvart að sjá að þó nokkrar þessara mynda
voru sýndar í Kvikmyndaklúbbi framhaldsskólanna á áttunda áratugnum
og síðar Fjalakettinum. Slíkir klúbbar eru afar mikilvægir í kynningu á hin-
um alþjóðlega kvikmyndaarfi og vonandi á Kvikmyndasafn Íslands eftir að
leggja sérstaka rækt við hann í kvikmyndahúsi sínu, Bæjarbíói. Íslendingar
koma ekki mikið við sögu í bókinni. Minnst er á tvo íslenska kvikmynda-
gerðarmenn í afar almennri umfjöllun um kvikmyndagerð í Vestur-Evrópu
um 1990, þá Hrafn Gunnlaugsson og Ágúst Guðmundsson.
Í bókinni eru allir kvikmyndatitlar þýddir á íslensku jafnframt því sem
titlar á frummáli eru birtir og í reynd tengdir við Internet Movie Database
(IMDb). Þannig getur lesandi með auðveldum hætti flett þar upp á einstök-
um myndum og fengið nánari upplýsingar um þær, sem er kostur. Titla-
þýðingin virðist hafa tekist prýðilega sem og þýðing verksins í heild. Bók-
in er bráðskemmtileg og fróðleg. Hún er góð viðbót við þau of fáu rit sem
fjalla um sjöundu listgreinina á íslensku.
Eggert Þór Bernharðsson
ART FORGERIES. Preprints of the Contributions to the Nordic Group
16th Congress 4–7th June 2003, Reykjavik, Iceland. Ritstjórn Jannie
Amsgaard Ebsen, Nathalie Jacqueminet, Halldóra Ásgeirsdóttir. IIC
Nordic Group og Háskólaútgáfan. Reykjavík 2003. 156 bls. Ljósmynd-
ir og skýringamyndir.
Listaverkafalsanir var yfirskrift ráðstefnu Íslandsdeildar IIC (Alþjóðasam-
tök forvarða) sem haldin var dagana 4.–7. júní árið 2003 í Reykjavík. Gefið
var út rit með öllum fyrirlestrum og í inngangi þess kemur fram að falsan-
ir hafa verið vaxandi áhyggjuefni á Norðurlöndum síðustu áratugi og í
kjölfar umræðu um meintar stórfelldar málverkafalsanir hafi verið við hæfi
að gera þetta að viðfangsefni ráðstefnunnar.
Umræða um þetta efni hér á landi hefur aðallega snúist um málverk, en
á ráðstefnunni kom hins vegar glöggt fram að falsanir herja ekki síður á
annars konar listform eins og verk úr pappír, ljósmyndir og muni úr málmi
svo að eitthvað sé nefnt.
R I T F R E G N I R254
Saga haust 2004 - NOTA 30.11.2004 11:34 Page 254